| Library / Tipiṭaka / តិបិដក • Tipiṭaka / វិមតិវិនោទនី-ដីកា • Vimativinodanī-ṭīkā |
ចីវររជនកថាទិវណ្ណនា
Cīvararajanakathādivaṇṇanā
៣៤៤. ឯវញ្ហិ កតេតិ វដ្ដាធារស្ស អន្តោ រជនោទកំ, ពហិ ឆល្លិកញ្ច កត្វា វិយោជនេ កតេ។ ន ឧត្តរតីតិ កេវលំ ឧទកតោ ផេណុដ្ឋានាភាវា ន ឧត្តរតិ។ រជនកុណ្ឌន្តិ បក្ករជនដ្ឋបនកំ មហាឃដំ។
344.Evañhi kateti vaṭṭādhārassa anto rajanodakaṃ, bahi challikañca katvā viyojane kate. Na uttaratīti kevalaṃ udakato pheṇuṭṭhānābhāvā na uttarati. Rajanakuṇḍanti pakkarajanaṭṭhapanakaṃ mahāghaṭaṃ.
៣៤៥. អនុវាតាទីនំ ទីឃបត្តានន្តិ អាយាមតោ, វិត្ថារតោ ច អនុវាតំ។ អាទិ-សទ្ទេន ទ្វិន្នំ ខន្ធានំ អន្តរា មាតិកាការេន ឋបិតបត្តញ្ច ‘‘ទីឃបត្ត’’ន្តិ ទដ្ឋព្ពំ។ អាគន្តុកបត្តន្តិ ទិគុណចីវរស្ស ឧបរិ អញ្ញំ បដ្ដំ អប្បេន្តិ, តំ សន្ធាយ វុត្តំ។ តំ កិរ ឥទានិ ន ករោន្តិ។
345.Anuvātādīnaṃ dīghapattānanti āyāmato, vitthārato ca anuvātaṃ. Ādi-saddena dvinnaṃ khandhānaṃ antarā mātikākārena ṭhapitapattañca ‘‘dīghapatta’’nti daṭṭhabbaṃ. Āgantukapattanti diguṇacīvarassa upari aññaṃ paṭṭaṃ appenti, taṃ sandhāya vuttaṃ. Taṃ kira idāni na karonti.
៣៤៦. បាឡិយំ នន្ទិមុខិយាតិ តុដ្ឋិមុខិយា, បសន្នទិសាមុខាយាតិ អត្ថោ។
346. Pāḷiyaṃ nandimukhiyāti tuṭṭhimukhiyā, pasannadisāmukhāyāti attho.
៣៤៨. អច្ឆុបេយ្យន្តិ បតិដ្ឋបេយ្យំ។ ហតវត្ថកានន្តិ បុរាណវត្ថានំ។ អនុទ្ធរិត្វាវាតិ អគ្គឡេ វិយ ទុព្ពលដ្ឋានំ អនបនេត្វាវ។
348.Acchupeyyanti patiṭṭhapeyyaṃ. Hatavatthakānanti purāṇavatthānaṃ. Anuddharitvāvāti aggaḷe viya dubbalaṭṭhānaṃ anapanetvāva.
៣៤៩-៣៥១. វិសាខវត្ថុម្ហិ កល្លកាយាតិ អកិលន្តកាយា។ គតីតិ ញាណគតិ អធិគមោ។ អភិសម្បរាយោតិ ‘‘សកិទេវ ឥមំ លោកំ អាគន្ត្វា ទុក្ខស្សន្តំ ករោតី’’តិអាទិនា (សំ. និ. ៥.១០៤៨) វុត្តោ ញាណាភិសម្បរាយោ, មគ្គញាណយុត្តេហិ គន្តព្ពគតិវិសេសោតិ អត្ថោ។ តំ ភគវា ព្យាករិស្សតិ។ ‘‘ទទាតិ ទាន’’ន្តិ ឥទំ អន្នបានវិរហិតានំ សេសបច្ចយានំ ទានវសេន វុត្តំ។ សោវគ្គិកន្តិ សគ្គសំវត្តនិកំ។
349-351. Visākhavatthumhi kallakāyāti akilantakāyā. Gatīti ñāṇagati adhigamo. Abhisamparāyoti ‘‘sakideva imaṃ lokaṃ āgantvā dukkhassantaṃ karotī’’tiādinā (saṃ. ni. 5.1048) vutto ñāṇābhisamparāyo, maggañāṇayuttehi gantabbagativisesoti attho. Taṃ bhagavā byākarissati. ‘‘Dadāti dāna’’nti idaṃ annapānavirahitānaṃ sesapaccayānaṃ dānavasena vuttaṃ. Sovaggikanti saggasaṃvattanikaṃ.
៣៥៩. អដ្ឋបទកច្ឆន្នេនាតិ អដ្ឋបទកសង្ខាតជូតផលកលេខាសណ្ឋានេន។
359.Aṭṭhapadakacchannenāti aṭṭhapadakasaṅkhātajūtaphalakalekhāsaṇṭhānena.
៣៦២. បាឡិយំ នទីបារំ គន្តុន្តិ ភិក្ខុនោ នទីបារគមនំ ហោតីតិ អត្ថោ។ អគ្គឡគុត្តិយេវ បមាណន្តិ ឥមេហិ ចតូហិ និក្ខេបការណេហិ ឋបេន្តេនបិ អគ្គឡគុត្តិវិហារេ ឯវ ឋបេតុំ វដ្ដតីតិ អធិប្បាយោ។ និស្សីមាគតន្តិ វស្សានសង្ខាតំ កាលសីមំ អតិក្កន្តំ, តំ វស្សិកសាដិកចីវរំ ន ហោតីតិ អត្ថោ។
362. Pāḷiyaṃ nadīpāraṃ gantunti bhikkhuno nadīpāragamanaṃ hotīti attho. Aggaḷaguttiyeva pamāṇanti imehi catūhi nikkhepakāraṇehi ṭhapentenapi aggaḷaguttivihāre eva ṭhapetuṃ vaṭṭatīti adhippāyo. Nissīmāgatanti vassānasaṅkhātaṃ kālasīmaṃ atikkantaṃ, taṃ vassikasāṭikacīvaraṃ na hotīti attho.
ចីវររជនកថាទិវណ្ណនា និដ្ឋិតា។
Cīvararajanakathādivaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវគ្គបាឡិ • Mahāvaggapāḷi
២១៥. ចីវររជនកថា • 215. Cīvararajanakathā
២១៦. ឆិន្នកចីវរានុជាននា • 216. Chinnakacīvarānujānanā
២១៧. តិចីវរានុជាននា • 217. Ticīvarānujānanā
២១៨. អតិរេកចីវរកថា • 218. Atirekacīvarakathā
២១៩. វិសាខាវត្ថុ • 219. Visākhāvatthu
២២១. បច្ឆិមវិកប្បនុបគចីវរាទិកថា • 221. Pacchimavikappanupagacīvarādikathā
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវគ្គ-អដ្ឋកថា • Mahāvagga-aṭṭhakathā
ចីវររជនកថា • Cīvararajanakathā
ឆិន្នកចីវរានុជាននកថា • Chinnakacīvarānujānanakathā
តិចីវរានុជាននកថា • Ticīvarānujānanakathā
អតិរេកចីវរាទិកថា • Atirekacīvarādikathā
បច្ឆិមវិកប្បនុបគចីវរាទិកថា • Pacchimavikappanupagacīvarādikathā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā
ចីវររជនកថាវណ្ណនា • Cīvararajanakathāvaṇṇanā
តិចីវរានុជាននកថាវណ្ណនា • Ticīvarānujānanakathāvaṇṇanā
អតិរេកចីវរាទិកថាវណ្ណនា • Atirekacīvarādikathāvaṇṇanā
វិសាខាវត្ថុកថាវណ្ណនា • Visākhāvatthukathāvaṇṇanā
បច្ឆិមវិកប្បនុបគចីវរាទិកថាវណ្ណនា • Pacchimavikappanupagacīvarādikathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā
ចីវររជនកថាវណ្ណនា • Cīvararajanakathāvaṇṇanā
និសីទនាទិអនុជាននកថាវណ្ណនា • Nisīdanādianujānanakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi
២១៥. ចីវររជនកថា • 215. Cīvararajanakathā
២១៦. ឆិន្នកចីវរានុជាននកថា • 216. Chinnakacīvarānujānanakathā
២១៧. តិចីវរានុជាននកថា • 217. Ticīvarānujānanakathā
២១៨. អតិរេកចីវរាទិកថា • 218. Atirekacīvarādikathā
២២១. បច្ឆិមវិកប្បនុបគចីវរាទិកថា • 221. Pacchimavikappanupagacīvarādikathā
