| Library / Tipiṭaka / តិបិដក • Tipiṭaka / បាចិត្យាទិយោជនាបាឡិ • Pācityādiyojanāpāḷi |
២១៨. អតិរេកចីវរាទិកថា
218. Atirekacīvarādikathā
៣៤៨. អច្ឆុបេយ្យន្តិ ឯត្ថ អច្ឆិ វុច្ចតិ នេត្តមណ្ឌលំ, តំ វិយាតិ អច្ឆិ ឆិទ្ទោ, តស្មិំ ឧបគន្តព្ពំ ឧបនេតព្ពន្តិ អច្ឆុបេយ្យំ។ ‘‘លគ្គាបេយ្យ’’ន្តិ ឥមិនា អធិប្បាយត្ថំ ទស្សេតិ។ ឯត្ថាតិ បំសុកូលេ។ សព្ពមិទន្តិ ‘‘ទិគុណំ សង្ឃាដិ’’ន្តិអាទិកំ សព្ពំ ឥទំ វចនំ។ ឧទ្ធរិត្វាតិ អបនេត្វា។ សំសិព្ពិតន្តិ អញ្ញមញ្ញំ សម្ពន្ធិត្វា សិព្ពិតំ។
348.Acchupeyyanti ettha acchi vuccati nettamaṇḍalaṃ, taṃ viyāti acchi chiddo, tasmiṃ upagantabbaṃ upanetabbanti acchupeyyaṃ. ‘‘Laggāpeyya’’nti iminā adhippāyatthaṃ dasseti. Etthāti paṃsukūle. Sabbamidanti ‘‘diguṇaṃ saṅghāṭi’’ntiādikaṃ sabbaṃ idaṃ vacanaṃ. Uddharitvāti apanetvā. Saṃsibbitanti aññamaññaṃ sambandhitvā sibbitaṃ.
៣៥១. សោវគ្គិកន្តិ ឯត្ថ សុន្ទរានិ អគ្គានិ រូបាទីនិ ឯត្ថាតិ សគ្គោ, បុព្ពបទេ ឧការស្ស លោបោ, ឧការស្ស ឧវាទេសេ ‘‘សុវគ្គោ’’តិ សិជ្ឈតិ។ សុវគ្គប្បត្តហេតុកំ សោវគ្គិកំ, ទានំ, តមត្ថំ ទស្សេន្តោ អាហ ‘‘សគ្គប្បត្តហេតុក’’ន្តិ។ ‘‘អបនេតី’’តិ ឥមិនា នុទធាតុយា អបនយនត្ថំ ទស្សេតិ។ អនាមយាតិ ឯត្ថ អាមយសទ្ទោ រោគបរិយាយោតិ អាហ ‘‘អរោគា’’តិ។ នត្ថិ អាមយោ ឯតិស្សាតិ អនាមយា។
351.Sovaggikanti ettha sundarāni aggāni rūpādīni etthāti saggo, pubbapade ukārassa lopo, ukārassa uvādese ‘‘suvaggo’’ti sijjhati. Suvaggappattahetukaṃ sovaggikaṃ, dānaṃ, tamatthaṃ dassento āha ‘‘saggappattahetuka’’nti. ‘‘Apanetī’’ti iminā nudadhātuyā apanayanatthaṃ dasseti. Anāmayāti ettha āmayasaddo rogapariyāyoti āha ‘‘arogā’’ti. Natthi āmayo etissāti anāmayā.
៣៥៣. ឈានលាភិនោតិ ឈានលាភីនំ បុថុជ្ជនានំ កាមច្ឆន្ទនីវរណស្ស វិក្ខម្ភនត្តា វុត្តំ។
353.Jhānalābhinoti jhānalābhīnaṃ puthujjanānaṃ kāmacchandanīvaraṇassa vikkhambhanattā vuttaṃ.
៣៥៦. សមោធានវសេន ទស្សិយិត្ថាតិ សន្ទិដ្ឋោ។ សមោធានវសេន ភជិយិត្ថាតិ សម្ភត្តោ។ អភិមុខំ លបិត្ថាតិ អាលបិតោ។ ឥមេហីតិ ឥមេហិ ទ្វីហិ។
356. Samodhānavasena dassiyitthāti sandiṭṭho. Samodhānavasena bhajiyitthāti sambhatto. Abhimukhaṃ lapitthāti ālapito. Imehīti imehi dvīhi.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវគ្គបាឡិ • Mahāvaggapāḷi
២១៨. អតិរេកចីវរកថា • 218. Atirekacīvarakathā
២១៩. វិសាខាវត្ថុ • 219. Visākhāvatthu
២២០. និសីទនាទិអនុជាននា • 220. Nisīdanādianujānanā
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវគ្គ-អដ្ឋកថា • Mahāvagga-aṭṭhakathā / អតិរេកចីវរាទិកថា • Atirekacīvarādikathā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā
អតិរេកចីវរាទិកថាវណ្ណនា • Atirekacīvarādikathāvaṇṇanā
វិសាខាវត្ថុកថាវណ្ណនា • Visākhāvatthukathāvaṇṇanā
និសីទនាទិអនុជាននកថាវណ្ណនា • Nisīdanādianujānanakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / និសីទនាទិអនុជាននកថាវណ្ណនា • Nisīdanādianujānanakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ចីវររជនកថាទិវណ្ណនា • Cīvararajanakathādivaṇṇanā
