១៨៨. អាទាយសត្តកកថា

188. Ādāyasattakakathā

៣១១. ន បច្ចេស្សន្តិ ឯត្ថ បតីត្យូបសគ្គស្ស បុនត្ថំ, ឥធាតុយា ច គត្យត្ថំ ទស្សេន្តោ អាហ ‘‘ន បុន អាគមិស្ស’’ន្តិ។ ឯវំ បក្កមតោ ឆិជ្ជតីតិ សម្ពន្ធោ។

311.Na paccessanti ettha patītyūpasaggassa punatthaṃ, idhātuyā ca gatyatthaṃ dassento āha ‘‘na puna āgamissa’’nti. Evaṃ pakkamato chijjatīti sambandho.

ឯតញ្ចាតិ បក្កមនន្តិកំ, កថិនុទ្ធារញ្ច។ តាហន្តិ តេ អហំ។ តេតិ តុយ្ហំ។

Etañcāti pakkamanantikaṃ, kathinuddhārañca. Tāhanti te ahaṃ. Teti tuyhaṃ.

អញ្ញន្តិ អត្តនោ វិហារតោ អញ្ញំ។ ឯវំ ហោតីតិ ឯសោ បរិវិតក្កោ ហោតិ។ សោតិ អាវាសបលិពោធោ។ អាទិច្ចពន្ធុនា វុត្តោតិ យោជនា។

Aññanti attano vihārato aññaṃ. Evaṃ hotīti eso parivitakko hoti. Soti āvāsapalibodho. Ādiccabandhunā vuttoti yojanā.

ទ្វេ បលិពោធា ឯកតោ ឆិជ្ជន្តីតិ សម្ពន្ធោ។ អបុព្ពំ អចរិមន្តិ ឯកបហារេនេវ។ សោ បលិពោធូបច្ឆេទោ កស្មា វិត្ថារតោ ន វុត្តោតិ អាហ ‘‘សោ បនា’’តិអាទិ។ សោ បនាតិ បលិពោធូបច្ឆេទោ បន។ ន វុត្តោតិ សម្ពន្ធោ។ ឯត្ថាតិ ឥមស្មិំ កថិនុព្ភារេ។ កស្មា អយំ កថិនុទ្ធារោ ‘‘នាសនន្តិកោ’’តិ វុត្តោតិ អាហ ‘‘យស្មា’’តិអាទិ។ តស្សាតិ ភិក្ខុនោ។

Dve palibodhā ekato chijjantīti sambandho. Apubbaṃ acarimanti ekapahāreneva. So palibodhūpacchedo kasmā vitthārato na vuttoti āha ‘‘so panā’’tiādi. So panāti palibodhūpacchedo pana. Na vuttoti sambandho. Etthāti imasmiṃ kathinubbhāre. Kasmā ayaṃ kathinuddhāro ‘‘nāsanantiko’’ti vuttoti āha ‘‘yasmā’’tiādi. Tassāti bhikkhuno.

អាសាវច្ឆេទិកេ ឆិជ្ជតីតិ សម្ពន្ធោ។ អយំ បនាតិ អាសាវច្ឆេទិកោ កថិនុទ្ធារោ បន។ អនេកបភេទោ ហោតីតិ សម្ពន្ធោ។ តស្សាតិ ភិក្ខុស្ស។ វុត្តោតិ អយំ អាសាវច្ឆេទិកោ កថិនុទ្ធារោ វុត្តោតិ យោជនា។ ឯត្ថ បនាតិ ឥមស្មិំ បន ឋានេ។ តត្ថាតិ សីមាតិក្កន្តិកេ។

Āsāvacchedike chijjatīti sambandho. Ayaṃ panāti āsāvacchediko kathinuddhāro pana. Anekapabhedo hotīti sambandho. Tassāti bhikkhussa. Vuttoti ayaṃ āsāvacchediko kathinuddhāro vuttoti yojanā. Ettha panāti imasmiṃ pana ṭhāne. Tatthāti sīmātikkantike.

៣១២-៣២៥. ឯវន្តិអាទិ និគមនំ។ សត្តកេតិ អដ្ឋសុ មាតិកាសុ អាសាវច្ឆេទតោ សេសេ សត្តបមាណេ, សត្តសមូហេ វា។ តេយេវាតិ សត្តកេ ឯវ។ តតោតិ វារតោ។ យេ យេតិ កថិនុទ្ធារា។ ឥតរេហីតិ អាសាវច្ឆេទតោ អញ្ញេហិ។ យេ បលិពោធា វុត្តាតិ សម្ពន្ធោ។ អាវាសោ ចជីយតិ អនេនាតិ ចត្តន្តិ វចនត្ថំ ទស្សេន្តោ អាហ ‘‘យេន ចិត្តេនា’’តិអាទិ។ តន្តិ ចិត្តំ។ ‘‘ឯសេវ នយោ’’តិ ឥមិនា អាវាសោ វមីយតិ អនេនាតិ វន្តំ។ អាវាសតោ មុច្ចតិ អនេនាតិ មុត្តន្តិ វចនត្ថំ អតិទិសតិ។ សព្ពត្ថាតិ សព្ពស្មិំ កថិនក្ខន្ធកេ។

312-325.Evantiādi nigamanaṃ. Sattaketi aṭṭhasu mātikāsu āsāvacchedato sese sattapamāṇe, sattasamūhe vā. Teyevāti sattake eva. Tatoti vārato. Ye yeti kathinuddhārā. Itarehīti āsāvacchedato aññehi. Ye palibodhā vuttāti sambandho. Āvāso cajīyati anenāti cattanti vacanatthaṃ dassento āha ‘‘yena cittenā’’tiādi. Tanti cittaṃ. ‘‘Eseva nayo’’ti iminā āvāso vamīyati anenāti vantaṃ. Āvāsato muccati anenāti muttanti vacanatthaṃ atidisati. Sabbatthāti sabbasmiṃ kathinakkhandhake.

ឥតិ កថិនក្ខន្ធកវណ្ណនាយ យោជនា សមត្តា។

Iti kathinakkhandhakavaṇṇanāya yojanā samattā.

Next: ៨. ចីវរក្ខន្ធកំ • 8. Cīvarakkhandhakaṃ

អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវគ្គ-អដ្ឋកថា • Mahāvagga-aṭṭhakathā / អាទាយសត្តកកថា • Ādāyasattakakathā

ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / អាទាយសត្តកាទិកថាវណ្ណនា • Ādāyasattakādikathāvaṇṇanā

ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / អាទាយសត្តកកថាវណ្ណនា • Ādāyasattakakathāvaṇṇanā

ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / អាទាយសត្តកកថាវណ្ណនា • Ādāyasattakakathāvaṇṇanā

© 1991-2026 Titi Tudorancea Yoga Bulletin | Titi Tudorancea^® is a Registered Trademark | Terms of use and privacy policy
Contact