| / Buddhism / Mahasiddhas |
Biographies of "Eighty-Four Siddhas"
༼༥༣༽གུརུཛོགིཔཱ། Mahāsiddha Jogipa
༈གུརུཛོཀིཔཱ། ༼ཡོགི་པ༽འི་ལོ་རྒྱུས་ནི། ཡུལ་ཨཽདཱནྟཔུརི། རིགས་གདོལ་པ། བླ་མ་ཤཝརིཔཱ། དེ་ཡང་བརྩོན་འགྲུས་ཆེ་ལ་ཤེས་རབ་ཆུང་བར་གྱུར་པ་དང་། དུས་གཅིག་ན་བླ་མ་ཤཝརིཔཱ་དེའི་གམ་དུ་གཤེགས་ནས། དགྱེས་རྡོར་དུ་དབང་བསྐུར་ཏེ། བསྐྱེད་རྫོགས་ཀྱི་གདམས་ངག་གནང་ནས་སྒོམ་དུ་བཅུག་པས། དེའི་དོན་མ་ཤེས་ནས་བླ་མ་ལ་དངོས་ཀྱིས་བསྒོམས་པའི་རྔོ་མི་ཐོགས་པས་ལུས་ངག་གི་དགེ་སྦྱོར་བགྱིད་པར་ཞུ་ཞུས་པས། བླ་མས་རྡོ་རྗེ་ཧེ་རུ་ཀའི་བཟླས་པ་བསླབས་ནས་གནས་ཆེན་ཉི་ཤུ་རྩ་བཞིར་སོང་ལ་སྒྲུབས་ཤིག །གསུངས་པས། དེས་ཀྱང་དེ་ལྟར་བྱས་པས། ལོ་བཅུ་གཉིས་ན་དྲི་མ་དག་སྟེ། མཧཱ་མུདྲའི་དངོས་གྲུབ་ཐོབ་སྟེ། དེས་རྟོགས་པ་བརྗོད་དེ། ལོ་ལྔའི་བར་དུ་འགྲོ་དོན་སྣ་ཚོགས་མཛད་ནས་ལུས་དེ་ཉིད་ཀྱིས་མཁའ་སྤྱོད་དུ་གཤེགས་སོ། །གུརུཛོགིཔཱའི་ལོ་རྒྱུས་རྫོགས་སོ།། །།
YOU MAY ALSO LIKE
