| Tipiṭaka / Tipiṭaka (English) / Saṁyutta Nikāya, English translation |
Show IAST transliterationසංයුත්ත නිකාය 35.232
The Related Suttas Collection 35.232
18. සමුද්දවග්ග
18. The Ocean
කෝට්ඨිකසුත්ත
With Koṭṭhita
ඒකං සමයං ආයස්මා ච සාරිපුත්තෝ ආයස්මා ච මහාකෝට්ඨිකෝ බාරාණසියං විහරන්ති ඉසිපතනේ මිගදායේ. අථ ඛෝ ආයස්මා මහාකෝට්ඨිකෝ සායන්හසමයං පටිසල්ලානා වුට්ඨිතෝ යේනායස්මා සාරිපුත්තෝ තේනුපසඞ්කමි; උපසඞ්කමිත්වා ආයස්මතා සාරිපුත්තේන සද්ධිං සම්මෝදි. සම්මෝදනීයං කථං සාරණීයං වීතිසාරේත්වා ඒකමන්තං නිසීදි. ඒකමන්තං නිසින්නෝ ඛෝ ආයස්මා මහාකෝට්ඨිකෝ ආයස්මන්තං සාරිපුත්තං ඒතදවෝච:
At one time Venerable Sāriputta and Venerable Mahākoṭṭhita were staying near Varanasi, in the deer park at Isipatana. Then in the late afternoon, Venerable Mahākoṭṭhita came out of retreat, went to Venerable Sāriputta, and exchanged greetings with him. When the greetings and polite conversation were over, he sat down to one side and said to Sāriputta:
“කිං නු ඛෝ, ආවුසෝ සාරිපුත්ත, චක්ඛු රූපානං සංයෝජනං, රූපා චක්ඛුස්ස සංයෝජනං …පේ… ජිව්හා රසානං සංයෝජනං, රසා ජිව්හාය සංයෝජනං …පේ… මනෝ ධම්මානං සංයෝජනං, ධම්මා මනස්ස සංයෝජනන්”ති?
“Friend Sāriputta, which is it? Is the eye the fetter of sights, or are sights the fetter of the eye? Is the ear … nose … tongue … body … mind the fetter of thoughts, or are thoughts the fetter of the mind?”
“න ඛෝ, ආවුසෝ කෝට්ඨික, චක්ඛු රූපානං සංයෝජනං, න රූපා චක්ඛුස්ස සංයෝජනං. යඤ්ච තත්ථ තදුභයං පටිච්ච උප්පජ්ජති ඡන්දරාගෝ තං තත්ථ සංයෝජනං …පේ… න ජිව්හා රසානං සංයෝජනං, න රසා ජිව්හාය සංයෝජනං. යඤ්ච තත්ථ තදුභයං පටිච්ච උප්පජ්ජති ඡන්දරාගෝ තං තත්ථ සංයෝජනං …පේ… න මනෝ ධම්මානං සංයෝජනං, න ධම්මා මනස්ස සංයෝජනං. යඤ්ච තත්ථ තදුභයං පටිච්ච උප්පජ්ජති ඡන්දරාගෝ තං තත්ථ සංයෝජනං.
“Friend Koṭṭhita, the eye is not the fetter of sights, nor are sights the fetter of the eye. The fetter there is the desire and greed that arises from the pair of them. The ear … nose … tongue … body … mind is not the fetter of thoughts, nor are thoughts the fetter of the mind. The fetter there is the desire and greed that arises from the pair of them.
සේය්යථාපි, ආවුසෝ, කාළෝ ච බලීබද්දෝ ඕදාතෝ ච බලීබද්දෝ ඒකේන දාමේන වා යෝත්තේන වා සංයුත්තා අස්සු. යෝ නු ඛෝ ඒවං වදේය්ය: ‘කාළෝ බලීබද්දෝ ඕදාතස්ස බලීබද්දස්ස සංයෝජනං, ඕදාතෝ බලීබද්දෝ කාළස්ස බලීබද්දස්ස සංයෝජනන්(අ)ති, සම්මා නු ඛෝ සෝ වදමානෝ වදේය්යා”ති?
Suppose there was a black ox and a white ox yoked by a single harness or yoke. Would it be right to say that the black ox is the yoke of the white ox, or the white ox is the yoke of the black ox?”
“නෝ හේතං, ආවුසෝ”. “න ඛෝ, ආවුසෝ, කාළෝ බලීබද්දෝ ඕදාතස්ස බලීබද්දස්ස සංයෝජනං, න ඕදාතෝ බලීබද්දෝ කාළස්ස බලීබද්දස්ස සංයෝජනං. යේන ච ඛෝ තේ ඒකේන දාමේන වා යෝත්තේන වා සංයුත්තා තං තත්ථ සංයෝජනං.
“No, friend. The black ox is not the yoke of the white ox, nor is the white ox the yoke of the black ox. The yoke there is the single harness or yoke that they’re yoked by.”
ඒවමේව ඛෝ, ආවුසෝ, න චක්ඛු රූපානං සංයෝජනං, න රූපා චක්ඛුස්ස සංයෝජනං. යඤ්ච තත්ථ තදුභයං පටිච්ච උප්පජ්ජති ඡන්දරාගෝ තං තත්ථ සංයෝජනං …පේ… න ජිව්හා රසානං සංයෝජනං …පේ… න මනෝ ධම්මානං සංයෝජනං, න ධම්මා මනස්ස සංයෝජනං. යඤ්ච තත්ථ තදුභයං පටිච්ච උප්පජ්ජති ඡන්දරාගෝ, තං තත්ථ සංයෝජනං.
“In the same way, the eye is not the fetter of sights, nor are sights the fetter of the eye. The fetter there is the desire and greed that arises from the pair of them. The ear … nose … tongue … body … mind is not the fetter of thoughts, nor are thoughts the fetter of the mind. The fetter there is the desire and greed that arises from the pair of them.
චක්ඛු වා, ආවුසෝ, රූපානං සංයෝජනං අභවිස්ස, රූපා වා චක්ඛුස්ස සංයෝජනං, නයිදං බ්රහ්මචරියවාසෝ පඤ්ඤායේථ සම්මා දුක්ඛක්ඛයාය. යස්මා ච ඛෝ, ආවුසෝ, න චක්ඛු රූපානං සංයෝජනං, න රූපා චක්ඛුස්ස සංයෝජනං; යඤ්ච තත්ථ තදුභයං පටිච්ච උප්පජ්ජති ඡන්දරාගෝ, තං තත්ථ සංයෝජනං, තස්මා බ්රහ්මචරියවාසෝ පඤ්ඤායති සම්මා දුක්ඛක්ඛයාය …පේ….
If the eye were the fetter of sights, or if sights were the fetter of the eye, this living of the spiritual life for the complete ending of suffering would not be found. However, since this is not the case, but the fetter there is the desire and greed that arises from the pair of them, this living of the spiritual life for the complete ending of suffering is found.
ජිව්හා, ආවුසෝ, රසානං සංයෝජනං අභවිස්ස, රසා වා ජිව්හාය සංයෝජනං, නයිදං බ්රහ්මචරියවාසෝ පඤ්ඤායේථ සම්මා දුක්ඛක්ඛයාය. යස්මා ච ඛෝ, ආවුසෝ, න ජිව්හා රසානං සංයෝජනං, න රසා ජිව්හාය සංයෝජනං; යඤ්ච තත්ථ තදුභයං පටිච්ච උප්පජ්ජති ඡන්දරාගෝ, තං තත්ථ සංයෝජනං, තස්මා බ්රහ්මචරියවාසෝ පඤ්ඤායති සම්මා දුක්ඛක්ඛයාය …පේ…. මනෝ වා, ආවුසෝ, ධම්මානං සංයෝජනං අභවිස්ස, ධම්මා වා මනස්ස සංයෝජනං, නයිදං බ්රහ්මචරියවාසෝ පඤ්ඤායේථ සම්මා දුක්ඛක්ඛයාය. යස්මා ච ඛෝ, ආවුසෝ, න මනෝ ධම්මානං සංයෝජනං, න ධම්මා මනස්ස සංයෝජනං; යඤ්ච තත්ථ තදුභයං පටිච්ච උප්පජ්ජති ඡන්දරාගෝ, තං තත්ථ සංයෝජනං, තස්මා බ්රහ්මචරියවාසෝ පඤ්ඤායති සම්මා දුක්ඛක්ඛයාය.
If the ear … nose … tongue … body … mind were the fetter of thoughts, or if thoughts were the fetter of the mind, this living of the spiritual life for the complete ending of suffering would not be found. However, since this is not the case, but the fetter there is the desire and greed that arises from the pair of them, this living of the spiritual life for the complete ending of suffering is found.
ඉමිනාපේතං, ආවුසෝ, පරියායේන වේදිතබ්බං යථා න චක්ඛු රූපානං සංයෝජනං, න රූපා චක්ඛුස්ස සංයෝජනං. යඤ්ච තත්ථ තදුභයං පටිච්ච උප්පජ්ජති ඡන්දරාගෝ, තං තත්ථ සංයෝජනං …පේ… න ජිව්හා රසානං සංයෝජනං …පේ… න මනෝ ධම්මානං සංයෝජනං, න ධම්මා මනස්ස සංයෝජනං. යඤ්ච තත්ථ තදුභයං පටිච්ච උප්පජ්ජති ඡන්දරාගෝ, තං තත්ථ සංයෝජනං.
This too is a way to understand how this is so.
සංවිජ්ජති ඛෝ, ආවුසෝ, භගවතෝ චක්ඛු. පස්සති භගවා චක්ඛුනා රූපං. ඡන්දරාගෝ භගවතෝ නත්ථි. සුවිමුත්තචිත්තෝ භගවා. සංවිජ්ජති ඛෝ, ආවුසෝ, භගවතෝ සෝතං. සුණාති භගවා සෝතේන සද්දං. ඡන්දරාගෝ භගවතෝ නත්ථි. සුවිමුත්තචිත්තෝ භගවා. සංවිජ්ජති ඛෝ, ආවුසෝ, භගවතෝ ඝානං. ඝායති භගවා ඝානේන ගන්ධං. ඡන්දරාගෝ භගවතෝ නත්ථි. සුවිමුත්තචිත්තෝ භගවා. සංවිජ්ජති ඛෝ, ආවුසෝ, භගවතෝ ජිව්හා. සායති භගවා ජිව්හාය රසං. ඡන්දරාගෝ භගවතෝ නත්ථි. සුවිමුත්තචිත්තෝ භගවා. සංවිජ්ජති ඛෝ, ආවුසෝ, භගවතෝ කායෝ. ඵුසති භගවා කායේන ඵෝට්ඨබ්බං. ඡන්දරාගෝ භගවතෝ නත්ථි. සුවිමුත්තචිත්තෝ භගවා. සංවිජ්ජති ඛෝ, ආවුසෝ, භගවතෝ මනෝ.
The Buddha has an eye with which he sees a sight. But he has no desire and greed, for his mind is well freed. The Buddha has an ear … nose … tongue … The Buddha has a body with which he senses touch. But he has no desire and greed, for his mind is well freed. The Buddha has a mind
විජානාති භගවා මනසා ධම්මං. ඡන්දරාගෝ භගවතෝ නත්ථි. සුවිමුත්තචිත්තෝ භගවා.
with which he knows thought. But he has no desire and greed, for his mind is well freed.
ඉමිනා ඛෝ ඒතං, ආවුසෝ, පරියායේන වේදිතබ්බං යථා න චක්ඛු රූපානං සංයෝජනං, න රූපා චක්ඛුස්ස සංයෝජනං; යඤ්ච තත්ථ තදුභයං පටිච්ච උප්පජ්ජති ඡන්දරාගෝ, තං තත්ථ සංයෝජනං. න සෝතං … න ඝානං … න ජිව්හා රසානං සංයෝජනං, න රසා ජිව්හාය සංයෝජනං; යඤ්ච තත්ථ තදුභයං පටිච්ච උප්පජ්ජති ඡන්දරාගෝ තං තත්ථ සංයෝජනං. න කායෝ … න මනෝ ධම්මානං සංයෝජනං, න ධම්මා මනස්ස සංයෝජනං; යඤ්ච තත්ථ තදුභයං පටිච්ච උප්පජ්ජති ඡන්දරාගෝ, තං තත්ථ සංයෝජනන්”ති.
This too is a way to understand how the eye is not the fetter of sights, nor are sights the fetter of the eye. The fetter there is the desire and greed that arises from the pair of them. The ear … nose … tongue … body … mind is not the fetter of thoughts, nor are thoughts the fetter of the mind. The fetter there is the desire and greed that arises from the pair of them.”
පඤ්චමං.
The authoritative text of the Saṁyutta Nikāya is the Pāli text. The English translation is provided as an aid to the study of the original Pāli text. [CREDITS »]
