| Tipiṭaka / Tipiṭaka (English) / Saṁyutta Nikāya, English translation |
Show IAST transliterationသံယုတ္တ နိကာယ ၃၅၊၁၆၂
The Related Suttas Collection 35.162
၁၆၊ နန္ဒိက္ခယဝဂ္ဂ
16. The End of Relishing
ကောဋ္ဌိကအနိစ္စသုတ္တ
With Koṭṭhita on Impermanence
အထ ခေါ အာယသ္မာ မဟာကောဋ္ဌိကော ယေန ဘဂဝါ တေနုပသင်္ကမိ …ပေ… ဧကမန္တံ နိသိန္နော ခေါ အာယသ္မာ ကောဋ္ဌိကော ဘဂဝန္တံ ဧတဒဝေါစ: “သာဓု မေ, ဘန္တေ, ဘဂဝါ သင်္ခိတ္တေန ဓမ္မံ ဒေသေတု, ယမဟံ ဘဂဝတော ဓမ္မံ သုတွာ ဧကော ဝူပကဋ္ဌော အပ္ပမတ္တော အာတာပီ ပဟိတတ္တော ဝိဟရေယျန်”တိ၊
Then Venerable Mahākoṭṭhita went up to the Buddha … and asked him, “Sir, may the Buddha please teach me Dhamma in brief. When I’ve heard it, I’ll live alone, withdrawn, diligent, keen, and resolute.”
“ယံ ခေါ, ကောဋ္ဌိက, အနိစ္စံ တတြ တေ ဆန္ဒော ပဟာတဗ္ဗော၊ ကိဉ္စ, ကောဋ္ဌိက, အနိစ္စံ? စက္ခု ခေါ, ကောဋ္ဌိက, အနိစ္စံ; တတြ တေ ဆန္ဒော ပဟာတဗ္ဗော၊ ရူပါ အနိစ္စာ; တတြ တေ ဆန္ဒော ပဟာတဗ္ဗော၊ စက္ခုဝိညာဏံ အနိစ္စံ; တတြ တေ ဆန္ဒော ပဟာတဗ္ဗော၊ စက္ခုသမ္ဖဿော အနိစ္စော; တတြ တေ ဆန္ဒော ပဟာတဗ္ဗော၊ ယမ္ပိဒံ စက္ခုသမ္ဖဿပစ္စယာ ဥပ္ပဇ္ဇတိ ဝေဒယိတံ သုခံ ဝါ ဒုက္ခံ ဝါ အဒုက္ခမသုခံ ဝါ တမ္ပိ အနိစ္စံ; တတြ တေ ဆန္ဒော ပဟာတဗ္ဗော …ပေ…
“Koṭṭhita, you should give up desire for what is impermanent. And what is impermanent? The eye, sights, eye consciousness, and eye contact are impermanent: you should give up desire for them. The pleasant, painful, or neutral feeling that arises conditioned by eye contact is also impermanent: you should give up desire for it.
ဇိဝှါ အနိစ္စာ; တတြ တေ ဆန္ဒော ပဟာတဗ္ဗော၊ ရသာ အနိစ္စာ; တတြ တေ ဆန္ဒော ပဟာတဗ္ဗော၊ ဇိဝှါဝိညာဏံ အနိစ္စံ; တတြ တေ ဆန္ဒော ပဟာတဗ္ဗော၊ ဇိဝှါသမ္ဖဿော အနိစ္စော; တတြ တေ ဆန္ဒော ပဟာတဗ္ဗော၊ ယမ္ပိဒံ ဇိဝှါသမ္ဖဿပစ္စယာ ဥပ္ပဇ္ဇတိ ဝေဒယိတံ သုခံ ဝါ ဒုက္ခံ ဝါ အဒုက္ခမသုခံ ဝါ တမ္ပိ အနိစ္စံ; တတြ တေ ဆန္ဒော ပဟာတဗ္ဗော …ပေ… မနော အနိစ္စော; တတြ တေ ဆန္ဒော ပဟာတဗ္ဗော၊ ဓမ္မာ အနိစ္စာ; တတြ တေ ဆန္ဒော ပဟာတဗ္ဗော၊ မနောဝိညာဏံ အနိစ္စံ; တတြ တေ ဆန္ဒော ပဟာတဗ္ဗော၊ မနောသမ္ဖဿော အနိစ္စော; တတြ တေ ဆန္ဒော ပဟာတဗ္ဗော၊ ယမ္ပိဒံ မနောသမ္ဖဿပစ္စယာ ဥပ္ပဇ္ဇတိ ဝေဒယိတံ သုခံ ဝါ ဒုက္ခံ ဝါ အဒုက္ခမသုခံ ဝါ တမ္ပိ အနိစ္စံ; တတြ တေ ဆန္ဒော ပဟာတဗ္ဗော၊
The ear … nose … tongue … body … The mind, thoughts, mind consciousness, and mind contact are impermanent: you should give up desire for them. The pleasant, painful, or neutral feeling that arises conditioned by mind contact is also impermanent: you should give up desire for it.
ယံ ခေါ, ကောဋ္ဌိက, အနိစ္စံ တတြ တေ ဆန္ဒော ပဟာတဗ္ဗော”တိ၊
Koṭṭhita, you should give up desire for what is impermanent.”
သတ္တမံ၊
The authoritative text of the Saṁyutta Nikāya is the Pāli text. The English translation is provided as an aid to the study of the original Pāli text. [CREDITS »]
