| Library / Tipiṭaka / តិបិដក • Tipiṭaka / វជិរពុទ្ធិ-ដីកា • Vajirabuddhi-ṭīkā |
កេណិយជដិលវត្ថុកថាវណ្ណនា
Keṇiyajaṭilavatthukathāvaṇṇanā
៣០០. ‘‘អត្តនា បដិគ្គហិតំ បុរេភត្តមេវ បរិច្ចជិត្វា សាមណេរាទីហិ បានកំ កត្វា ទិន្នេ បុរេភត្តមេវ វដ្ដតិ, ន បច្ឆាភត្តំ សវត្ថុកបដិគ្គហិតត្តា’’តិ វទន្តិ, តត្ថ បុន បដិគ្គហណេ និទ្ទោសត្តា, បុរេភត្តមេវ បដិគ្គហណស្ស និស្សដ្ឋត្តា, អត្តនា ច អគ្គហិតត្តា ទោសោ ន ទិស្សតិ, ឧបបរិក្ខិត្វា គហេតព្ពំ។ សាលូកា នាម កន្ទា, ‘‘ឥតោ កិញ្ចិតក’’ន្តិ វោហរន្តិ។ ‘‘ផារុសកន្តិ គោឡវិសយេ ឯកោ រុក្ខោ’’តិ ច លិខិតំ។ ‘‘បក្កឌាករស’’ន្តិ វិសេសិតត្តា ‘‘អបក្កំ វដ្ដតី’’តិ វុត្តំ។ កុរុន្ទិវចនេនបិ សិទ្ធមេវ។ តណ្ឌុលធោវនោទកម្បិ ធញ្ញរសោ ឯវ។ ‘‘និក្កសដោ ឧច្ឆុរសោ សត្តាហកាលិកោ’’តិ លិខិតំ។ សាវិត្តីតិ គាយត្តិ។ ឆន្ទសោតិ វេទស្ស។ ‘‘ន, ភិក្ខវេ, បព្ពជិតេន អកប្បិយេ សមាទបេតព្ព’ន្តិ វុត្តត្តា អនុបសម្បន្នស្សាបិ ន កេវលំ ទសសុ ឯវ សិក្ខាបទេសុ, អថ ខោ យំ ភិក្ខុស្ស ន កប្បតិ, តស្មិម្បីតិ អធិប្បាយោ’’តិ វុត្តំ។
300. ‘‘Attanā paṭiggahitaṃ purebhattameva pariccajitvā sāmaṇerādīhi pānakaṃ katvā dinne purebhattameva vaṭṭati, na pacchābhattaṃ savatthukapaṭiggahitattā’’ti vadanti, tattha puna paṭiggahaṇe niddosattā, purebhattameva paṭiggahaṇassa nissaṭṭhattā, attanā ca aggahitattā doso na dissati, upaparikkhitvā gahetabbaṃ. Sālūkā nāma kandā, ‘‘ito kiñcitaka’’nti voharanti. ‘‘Phārusakanti goḷavisaye eko rukkho’’ti ca likhitaṃ. ‘‘Pakkaḍākarasa’’nti visesitattā ‘‘apakkaṃ vaṭṭatī’’ti vuttaṃ. Kurundivacanenapi siddhameva. Taṇḍuladhovanodakampi dhaññaraso eva. ‘‘Nikkasaṭo ucchuraso sattāhakāliko’’ti likhitaṃ. Sāvittīti gāyatti. Chandasoti vedassa. ‘‘Na, bhikkhave, pabbajitena akappiye samādapetabba’nti vuttattā anupasampannassāpi na kevalaṃ dasasu eva sikkhāpadesu, atha kho yaṃ bhikkhussa na kappati, tasmimpīti adhippāyo’’ti vuttaṃ.
៣០៥. ទ្វេ បដា ទេសនាមេនេវាតិ ចីនបដ្ដសោមារបដ្ដានិ។ តីណីតិ បត្តុណ្ណេន សហ តីណិ។ ឥទ្ធិមយិកំ ឯហិភិក្ខូនំ និព្ពត្តំ។ ទេវទត្តិយំ អនុរុទ្ធត្ថេរេន លទ្ធំ។ ‘‘យាមាតិក្កមេ សន្និធិវសេន សត្តាហាតិក្កមេ ភេសជ្ជសិក្ខាបទវសេនា’’តិ លិខិតំ។
305.Dve paṭā desanāmenevāti cīnapaṭṭasomārapaṭṭāni. Tīṇīti pattuṇṇena saha tīṇi. Iddhimayikaṃ ehibhikkhūnaṃ nibbattaṃ. Devadattiyaṃ anuruddhattherena laddhaṃ. ‘‘Yāmātikkame sannidhivasena sattāhātikkame bhesajjasikkhāpadavasenā’’ti likhitaṃ.
ភេសជ្ជក្ខន្ធកវណ្ណនា និដ្ឋិតា។
Bhesajjakkhandhakavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវគ្គបាឡិ • Mahāvaggapāḷi
១៨២. កេណិយជដិលវត្ថុ • 182. Keṇiyajaṭilavatthu
១៨៥. ចតុមហាបទេសកថា • 185. Catumahāpadesakathā
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវគ្គ-អដ្ឋកថា • Mahāvagga-aṭṭhakathā
កេណិយជដិលវត្ថុកថា • Keṇiyajaṭilavatthukathā
ចតុមហាបទេសកថា • Catumahāpadesakathā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā
កេណិយជដិលវត្ថុកថាវណ្ណនា • Keṇiyajaṭilavatthukathāvaṇṇanā
ចតុមហាបទេសកថាវណ្ណនា • Catumahāpadesakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā
កេណិយជដិលវត្ថុកថាវណ្ណនា • Keṇiyajaṭilavatthukathāvaṇṇanā
ចតុមហាបទេសកថាវណ្ណនា • Catumahāpadesakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi
១៨២. កេណិយជដិលវត្ថុកថា • 182. Keṇiyajaṭilavatthukathā
១៨៥. ចតុមហាបទេសកថា • 185. Catumahāpadesakathā
