| Library / Tipiṭaka / តិបិដក • Tipiṭaka / វិមតិវិនោទនី-ដីកា • Vimativinodanī-ṭīkā |
កេណិយជដិលវត្ថុកថាវណ្ណនា
Keṇiyajaṭilavatthukathāvaṇṇanā
៣០០. ជដិលោតិ អាហរិមជដាធរោ តាបសវេសធារកោ យញ្ញយុត្តោ លោកបូជិតោ ព្រាហ្មណោ។ បវត្តារោ បាវចនវសេន វត្តារោ។ យេសំ សន្តកមិទំ, យេហិ វា ឥទំ គីតន្តិ អត្ថោ។ គីតំ បវុត្តំ សមិហិតន្តិ អញ្ញមញ្ញស្ស បរិយាយវចនំ វុត្តន្តិ អត្ថោ។ តទនុគាយន្តីតិ តំ តេហិ បុព្ពេ គីតំ អនុគាយន្តិ។ ឯវំ សេសេសុ ច។
300.Jaṭiloti āharimajaṭādharo tāpasavesadhārako yaññayutto lokapūjito brāhmaṇo. Pavattāro pāvacanavasena vattāro. Yesaṃ santakamidaṃ, yehi vā idaṃ gītanti attho. Gītaṃ pavuttaṃ samihitanti aññamaññassa pariyāyavacanaṃ vuttanti attho. Tadanugāyantīti taṃ tehi pubbe gītaṃ anugāyanti. Evaṃ sesesu ca.
យាវកាលិកបក្កានន្តិ បក្កេ សន្ធាយ វុត្តំ, អាមានិ បន អនុបសម្បន្នេហិ សីតុទកេ មទ្ទិត្វា បរិស្សាវេត្វា ទិន្នបានំ បច្ឆាភត្តម្បិ កប្បតិ ឯវ។ អយញ្ច អត្ថោ មហាអដ្ឋកថាយំ សរូបតោ អវុត្តោតិ អាហ ‘‘កុរុន្ទិយំ បនា’’តិអាទិ។ ‘‘ឧច្ឆុរសោ និកសដោ’’តិ ឥទំ បាតព្ពសាមញ្ញេន យាមកាលិកកថាយំ វុត្តំ, តំ បន សត្តាហកាលិកមេវាតិ គហេតព្ពំ។ ឥមេ ចត្តារោ រសាតិ ផលបត្តបុប្ផឧច្ឆុរសា ចត្តារោ។
Yāvakālikapakkānanti pakke sandhāya vuttaṃ, āmāni pana anupasampannehi sītudake madditvā parissāvetvā dinnapānaṃ pacchābhattampi kappati eva. Ayañca attho mahāaṭṭhakathāyaṃ sarūpato avuttoti āha ‘‘kurundiyaṃ panā’’tiādi. ‘‘Ucchuraso nikasaṭo’’ti idaṃ pātabbasāmaññena yāmakālikakathāyaṃ vuttaṃ, taṃ pana sattāhakālikamevāti gahetabbaṃ. Ime cattāro rasāti phalapattapupphaucchurasā cattāro.
បាឡិយំ អគ្គិហុត្តមុខាតិ អគ្គិជុហនបុព្ពកា។ ឆន្ទសោតិ វេទស្ស។ សាវិត្តី មុខំ បឋមំ សជ្ឈាយិតព្ពាតិ អត្ថោ។ តបតន្តិ វិជោតន្តានំ។
Pāḷiyaṃ aggihuttamukhāti aggijuhanapubbakā. Chandasoti vedassa. Sāvittī mukhaṃ paṭhamaṃ sajjhāyitabbāti attho. Tapatanti vijotantānaṃ.
កេណិយជដិលវត្ថុកថាវណ្ណនា និដ្ឋិតា។
Keṇiyajaṭilavatthukathāvaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវគ្គបាឡិ • Mahāvaggapāḷi / ១៨២. កេណិយជដិលវត្ថុ • 182. Keṇiyajaṭilavatthu
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវគ្គ-អដ្ឋកថា • Mahāvagga-aṭṭhakathā / កេណិយជដិលវត្ថុកថា • Keṇiyajaṭilavatthukathā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / កេណិយជដិលវត្ថុកថាវណ្ណនា • Keṇiyajaṭilavatthukathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / កេណិយជដិលវត្ថុកថាវណ្ណនា • Keṇiyajaṭilavatthukathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ១៨២. កេណិយជដិលវត្ថុកថា • 182. Keṇiyajaṭilavatthukathā
