| Library / Tipiṭaka / តិបិដក • Tipiṭaka / សារត្ថទីបនី-ដីកា • Sāratthadīpanī-ṭīkā |
៦. សុរុសុរុវគ្គវណ្ណនា
6. Surusuruvaggavaṇṇanā
៦២៧. ឆដ្ឋវគ្គេ សីតីកតោតិ សីតដ្ដោ, សីតបីឡិតោតិ វុត្តំ ហោតិ។ សិលកពុទ្ធោតិ បរិហាសវចនមេតំ។ សិលកញ្ហិ កញ្ចិ ទិស្វា ‘‘ពុទ្ធោ អយ’’ន្តិ វោហរន្តិ។
627. Chaṭṭhavagge sītīkatoti sītaṭṭo, sītapīḷitoti vuttaṃ hoti. Silakabuddhoti parihāsavacanametaṃ. Silakañhi kañci disvā ‘‘buddho aya’’nti voharanti.
៦៣៤. វិលីវច្ឆត្តន្តិ វេណុវិលីវេហិ កតំ ឆត្តំ។ តត្ថជាតកទណ្ឌកេន កតន្តិ តាលបណ្ណំ សហ ទណ្ឌកេន ឆិន្ទិត្វា តមេវ ឆត្តទណ្ឌំ ករោន្តិ គោបាលកាទយោ វិយ, តំ សន្ធាយេតំ វុត្តំ។ ឆត្តបាទុកាយ វា ឋិតំ ហោតីតិ ឯត្ថ ឆត្តបាទុកា វុច្ចតិ ឆត្តាធារោ។ យស្មិំ ឆត្តំ អបតមានំ កត្វា ឋបេន្តិ, តាទិសិកាយ ឆត្តបាទុកាយ ឋិតំ ឆត្តំ ‘‘ឆត្ត’’ន្តិ អជ្ឈាហរិតព្ពំ។ ‘‘ឆត្តំ ឆត្តបាទុកាយ ឋិត’’ន្តិបិ បឋន្តិ, តត្ថាបិ អយមេវត្ថោ។
634.Vilīvacchattanti veṇuvilīvehi kataṃ chattaṃ. Tatthajātakadaṇḍakena katanti tālapaṇṇaṃ saha daṇḍakena chinditvā tameva chattadaṇḍaṃ karonti gopālakādayo viya, taṃ sandhāyetaṃ vuttaṃ. Chattapādukāya vā ṭhitaṃ hotīti ettha chattapādukā vuccati chattādhāro. Yasmiṃ chattaṃ apatamānaṃ katvā ṭhapenti, tādisikāya chattapādukāya ṭhitaṃ chattaṃ ‘‘chatta’’nti ajjhāharitabbaṃ. ‘‘Chattaṃ chattapādukāya ṭhita’’ntipi paṭhanti, tatthāpi ayamevattho.
៦៣៧. ចាបោតិ មជ្ឈេ វង្កា កាចទណ្ឌសទិសា ធនុវិកតិ។ កោទណ្ឌោតិ វដ្ដលទណ្ឌា ធនុវិកតិ។ បដិមុក្កន្តិ បវេសិតំ លគ្គិតំ។
637.Cāpoti majjhe vaṅkā kācadaṇḍasadisā dhanuvikati. Kodaṇḍoti vaṭṭaladaṇḍā dhanuvikati. Paṭimukkanti pavesitaṃ laggitaṃ.
សុរុសុរុវគ្គវណ្ណនា និដ្ឋិតា។
Surusuruvaggavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga / ៦. សុរុសុរុវគ្គោ • 6. Surusuruvaggo
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវិភង្គ-អដ្ឋកថា • Mahāvibhaṅga-aṭṭhakathā / ៦. សុរុសុរុវគ្គវណ្ណនា • 6. Surusuruvaggavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ៦. សុរុសុរុវគ្គវណ្ណនា • 6. Surusuruvaggavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ៦. សុរុសុរុវគ្គវណ្ណនា • 6. Surusuruvaggavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ៦. សុរុសុរុវគ្គ-អត្ថយោជនា • 6. Surusuruvagga-atthayojanā
