| Library / Tipiṭaka / តិបិដក • Tipiṭaka / វជិរពុទ្ធិ-ដីកា • Vajirabuddhi-ṭīkā |
៦. សុរុសុរុវគ្គវណ្ណនា
6. Surusuruvaggavaṇṇanā
៦២៧. ‘‘សុរុសុរុ’’ន្តិ ច ‘‘សុរោសុរោ’’តិ ច បាឋោ។ សីតីកតោតិ សីតង្កោ។ ‘‘សិលកពុទ្ធោតិ អរិយានំ បរិហាសវចនមេវេត’’ន្តិ លិខិតំ។
627. ‘‘Surusuru’’nti ca ‘‘surosuro’’ti ca pāṭho. Sītīkatoti sītaṅko. ‘‘Silakabuddhoti ariyānaṃ parihāsavacanameveta’’nti likhitaṃ.
៦៣១. បដិក្កូលវសេនាតិ ឯត្ថ យទិ បដិក្កូលវសេន បដិក្ខិត្តំ, ‘‘សេយ្យថាបិ កាមភោគិនោ’’តិ ន វត្តព្ពំ។ ន ហិ តេ បដិក្កូលំ ករោន្តីតិ ចេ? ន, ឥស្សរិយលិង្គវសេន គហណសម្ភវតោ។ តេ ហិ អនាទរា ហោន្តិ។ បត្តធោវនន្តិ បត្តធោវនោទកំ ភោជនបដិសំយុត្តំ។
631.Paṭikkūlavasenāti ettha yadi paṭikkūlavasena paṭikkhittaṃ, ‘‘seyyathāpi kāmabhogino’’ti na vattabbaṃ. Na hi te paṭikkūlaṃ karontīti ce? Na, issariyaliṅgavasena gahaṇasambhavato. Te hi anādarā honti. Pattadhovananti pattadhovanodakaṃ bhojanapaṭisaṃyuttaṃ.
៦៣៤. ‘‘ឆត្តបាទុកាយ’’ន្តិ ច ‘‘ឆត្តបាទេ’’តិ ច បាឋោ។
634. ‘‘Chattapādukāya’’nti ca ‘‘chattapāde’’ti ca pāṭho.
៦៣៧. ចាបោតិ សត្តខាទនវធោ។ ‘‘សេសា សព្ពា ធនុវិកតិ កោទណ្ឌេ បវិដ្ឋា’’តិ ច លិខិតំ, បដិមុក្កន្តិ បវេសិតំ, លគ្គិតំ ហោតីតិ អត្ថោ។
637.Cāpoti sattakhādanavadho. ‘‘Sesā sabbā dhanuvikati kodaṇḍe paviṭṭhā’’ti ca likhitaṃ, paṭimukkanti pavesitaṃ, laggitaṃ hotīti attho.
សុរុសុរុវគ្គវណ្ណនា និដ្ឋិតា។
Surusuruvaggavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga / ៦. សុរុសុរុវគ្គោ • 6. Surusuruvaggo
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវិភង្គ-អដ្ឋកថា • Mahāvibhaṅga-aṭṭhakathā / ៦. សុរុសុរុវគ្គវណ្ណនា • 6. Surusuruvaggavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ៦. សុរុសុរុវគ្គវណ្ណនា • 6. Surusuruvaggavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ៦. សុរុសុរុវគ្គវណ្ណនា • 6. Surusuruvaggavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ៦. សុរុសុរុវគ្គ-អត្ថយោជនា • 6. Surusuruvagga-atthayojanā
