| Library / Tipiṭaka / តិបិដក • Tipiṭaka / វិមតិវិនោទនី-ដីកា • Vimativinodanī-ṭīkā |
៧. បាទុកវគ្គវណ្ណនា
7. Pādukavaggavaṇṇanā
៦៤៧. សត្តមវគ្គេ រុក្ខតោ បតិតោតិ ឯកំ ឱលម្ពនសាខំ គហេត្វា បតិតោ។ បាឡិយាតិ អត្តនោ អាចារប្បកាសកគន្ថស្ស។ ធីរត្ថូតិ ធី អត្ថុ, និន្ទា ហោតូតិ អត្ថោ។ វិនិបាតនហេតុនាតិ វិនិបាតនស្ស ហេតុភាវេន។ ត្វន្តិ ឧបយោគត្ថេ បច្ចត្តវចនំ, តំ ឥច្ចេវ វា បាឋោ។ អស្មាតិ បាសាណោ។
647. Sattamavagge rukkhato patitoti ekaṃ olambanasākhaṃ gahetvā patito. Pāḷiyāti attano ācārappakāsakaganthassa. Dhīratthūti dhī atthu, nindā hotūti attho. Vinipātanahetunāti vinipātanassa hetubhāvena. Tvanti upayogatthe paccattavacanaṃ, taṃ icceva vā pāṭho. Asmāti pāsāṇo.
៦៤៩. ន កថេតព្ពន្តិ ថេរេន អត្តនោ កង្ខាដ្ឋានស្ស បុច្ឆិតត្តា វុត្តំ។ ទហរស្ស អត្ថកោសល្លំ ញាតុំ បុច្ឆិតេន ឧច្ចាសនេ និសិន្នស្ស អាចរិយស្ស អនុយោគទាននយេន វត្តុំ វដ្ដតិ។
649.Na kathetabbanti therena attano kaṅkhāṭṭhānassa pucchitattā vuttaṃ. Daharassa atthakosallaṃ ñātuṃ pucchitena uccāsane nisinnassa ācariyassa anuyogadānanayena vattuṃ vaṭṭati.
៦៥២. ខេឡេន ចេត្ថ សិង្ឃាណិកាបិ សង្គហិតាតិ ឯត្ថ ឧទកគណ្ឌុសកំ កត្វា ឧច្ឆុកចវរាទិញ្ច មុខេនេវ ហរិតុំ ឧទកេសុ ឆឌ្ឌេតុំ វដ្ដតីតិ ទដ្ឋព្ពំ។ សេសំ សព្ពត្ថ ឧត្តានមេវ។
652.Kheḷena cettha siṅghāṇikāpi saṅgahitāti ettha udakagaṇḍusakaṃ katvā ucchukacavarādiñca mukheneva harituṃ udakesu chaḍḍetuṃ vaṭṭatīti daṭṭhabbaṃ. Sesaṃ sabbattha uttānameva.
បាទុកវគ្គវណ្ណនា និដ្ឋិតា។
Pādukavaggavaṇṇanā niṭṭhitā.
សេខិយវណ្ណនានយោ និដ្ឋិតោ។
Sekhiyavaṇṇanānayo niṭṭhito.
៦៥៥. អធិករណសមថេសុ ច ឥធ វត្តព្ពំ នត្ថិ។
655. Adhikaraṇasamathesu ca idha vattabbaṃ natthi.
ឥតិ សមន្តបាសាទិកាយ វិនយដ្ឋកថាយ វិមតិវិនោទនិយំ
Iti samantapāsādikāya vinayaṭṭhakathāya vimativinodaniyaṃ
ភិក្ខុវិភង្គវណ្ណនានយោ និដ្ឋិតោ។
Bhikkhuvibhaṅgavaṇṇanānayo niṭṭhito.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga
៧. បាទុកវគ្គោ • 7. Pādukavaggo
៨. អធិករណសមថា • 8. Adhikaraṇasamathā
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវិភង្គ-អដ្ឋកថា • Mahāvibhaṅga-aṭṭhakathā
៧. បាទុកវគ្គវណ្ណនា • 7. Pādukavaggavaṇṇanā
៨. សត្តាធិករណសមថា • 8. Sattādhikaraṇasamathā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ៧. បាទុកវគ្គវណ្ណនា • 7. Pādukavaggavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ៧. បាទុកវគ្គវណ្ណនា • 7. Pādukavaggavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi
៧. បាទុកវគ្គ-អត្ថយោជនា • 7. Pādukavagga-atthayojanā
៨. សត្តាធិករណសមថ-អត្ថយោជនា • 8. Sattādhikaraṇasamatha-atthayojanā
