| Library / Tipiṭaka / តិបិដក • Tipiṭaka / មហាវគ្គ-អដ្ឋកថា • Mahāvagga-aṭṭhakathā |
ឧរុវេលបាដិហារិយកថា
Uruvelapāṭihāriyakathā
៣៧. បមុខោតិ បុព្ពង្គមោ។ បាមោក្ខោតិ ឧត្តមោ វិសុទ្ធបញ្ញោ។
37.Pamukhoti pubbaṅgamo. Pāmokkhoti uttamo visuddhapañño.
៣៨. អនុបហច្ចាតិ អវិនាសេត្វា។ តេជសា តេជន្តិ អត្តនោ តេជេន នាគស្ស តេជំ។ បរិយាទិយេយ្យន្តិ អភិភវេយ្យំ, វិនាសេយ្យំ វាតិ។ មក្ខន្តិ កោធំ។ នត្វេវ ច ខោ អរហា យថា អហន្តិ អត្តានំ ‘‘អរហា អហ’’ន្តិ មញ្ញមានោ វទតិ។
38.Anupahaccāti avināsetvā. Tejasā tejanti attano tejena nāgassa tejaṃ. Pariyādiyeyyanti abhibhaveyyaṃ, vināseyyaṃ vāti. Makkhanti kodhaṃ. Natveva ca kho arahā yathā ahanti attānaṃ ‘‘arahā aha’’nti maññamāno vadati.
៣៩. នេរញ្ជរាយំ ភគវាតិអាទិកា គាថាយោ បច្ឆា បក្ខិត្តា។
39.Nerañjarāyaṃ bhagavātiādikā gāthāyo pacchā pakkhittā.
៤៤-៩. វិស្សជ្ជេយ្យន្តិ សុក្ខាបនត្ថាយ បសារេត្វា ឋបេយ្យន្តិ អត្ថោ។ ‘‘ភន្តេ អាហរ ហត្ថ’’ន្តិ ឯវំ វទន្តោ វិយ ឱណតោតិ អាហរហត្ថោ។ ឧយ្យោជេត្វាតិ វិស្សជ្ជេត្វា។ មន្ទាមុខិយោតិ អគ្គិភាជនានិ វុច្ចន្តិ។
44-9.Vissajjeyyanti sukkhāpanatthāya pasāretvā ṭhapeyyanti attho. ‘‘Bhante āhara hattha’’nti evaṃ vadanto viya oṇatoti āharahattho. Uyyojetvāti vissajjetvā. Mandāmukhiyoti aggibhājanāni vuccanti.
៥១. ចិរបដិកាតិ ចិរកាលតោ បដ្ឋាយ។
51.Cirapaṭikāti cirakālato paṭṭhāya.
៥២. កេសមិស្សន្តិអាទីសុ កេសា ឯវ កេសមិស្សំ។ ឯស នយោ សព្ពត្ថ។ ខារិកាជន្តិ ខារិភារោ។
52.Kesamissantiādīsu kesā eva kesamissaṃ. Esa nayo sabbattha. Khārikājanti khāribhāro.
ឧរុវេលបាដិហារិយកថា និដ្ឋិតា។
Uruvelapāṭihāriyakathā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវគ្គបាឡិ • Mahāvaggapāḷi / ១២. ឧរុវេលបាដិហារិយកថា • 12. Uruvelapāṭihāriyakathā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ឧរុវេលបាដិហារិយកថាវណ្ណនា • Uruvelapāṭihāriyakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ឧរុវេលបាដិហារិយកថាវណ្ណនា • Uruvelapāṭihāriyakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ឧរុវេលបាដិហារិយកថាវណ្ណនា • Uruvelapāṭihāriyakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ១២. ឧរុវេលបាដិហារិយកថា • 12. Uruvelapāṭihāriyakathā
