| Library / Tipiṭaka / តិបិដក • Tipiṭaka / បាចិត្យាទិយោជនាបាឡិ • Pācityādiyojanāpāḷi |
១២. ឧរុវេលបាដិហារិយកថា
12. Uruvelapāṭihāriyakathā
៣៨. បរិយាទិយេយ្យន្តិ ឯត្ថ ទាធាតុស្ស បរីតិ ច អាតិ ច ឧបសគ្គវសេន អភិភវនត្ថោតិ អាហ ‘‘អភិភវេយ្យ’’ន្តិ។
38.Pariyādiyeyyanti ettha dādhātussa parīti ca āti ca upasaggavasena abhibhavanatthoti āha ‘‘abhibhaveyya’’nti.
៣៩. បច្ឆា បក្ខិត្តាតិ សង្គីតិតោ បរំ បោត្ថការូឡ្ហេហិ ឋបិតាតិ អត្ថោ។
39.Pacchāpakkhittāti saṅgītito paraṃ potthakārūḷhehi ṭhapitāti attho.
៤៤. ‘‘ឯវំ វទន្តោ វិយ ឱណតោ’’តិ ឥមិនា ‘‘អាហរហត្ថោ’’តិបទស្ស តទ្ធិតភាវំ ទស្សេតិ។ វិត្ថិណ្ណមុខត្តា មន្ទំ ហីនំ អតិមុខមេតាសន្តិ វចនត្ថេន អគ្គិកបាលា មន្ទាមុខិយោតិ វុច្ចន្តីតិ អាហ ‘‘អគ្គិភាជនានិ វុច្ចន្តី’’តិ។
44. ‘‘Evaṃ vadanto viya oṇato’’ti iminā ‘‘āharahattho’’tipadassa taddhitabhāvaṃ dasseti. Vitthiṇṇamukhattā mandaṃ hīnaṃ atimukhametāsanti vacanatthena aggikapālā mandāmukhiyoti vuccantīti āha ‘‘aggibhājanāni vuccantī’’ti.
៥១. យស្មា យោ នាគទមនកាលោ ចិរំ បតតិ បវត្តតិ, តស្មា សោ ចិរបតិកោតិ វុច្ចតិ, តស្មា ចិរបតិកា បដ្ឋាយ អភិប្បសន្នាតិ យោជនា។ ឥតិ ឥមមត្ថំ ទស្សេន្តោ អាហ ‘‘ចិរកាលតោ បដ្ឋាយា’’តិ។
51. Yasmā yo nāgadamanakālo ciraṃ patati pavattati, tasmā so cirapatikoti vuccati, tasmā cirapatikā paṭṭhāya abhippasannāti yojanā. Iti imamatthaṃ dassento āha ‘‘cirakālato paṭṭhāyā’’ti.
៥២. សព្ពត្ថាតិ សព្ពេសុ ‘‘ជដាមិស្ស’’ន្តិអាទិបទេសុ។ ខារិកាជន្តិ ឯត្ថ កមណ្ឌលុអាទិកា តាបសបរិក្ខារា ខារីតិ វុច្ចន្តិ, ខារិសង្ខាតេន ភារេន បូរិតោ កាជោ ខារិកាជោតិ អត្ថំ ឯកទេសេន ទស្សេន្តោ អាហ ‘‘ខារិភារោ’’តិ។
52.Sabbatthāti sabbesu ‘‘jaṭāmissa’’ntiādipadesu. Khārikājanti ettha kamaṇḍaluādikā tāpasaparikkhārā khārīti vuccanti, khārisaṅkhātena bhārena pūrito kājo khārikājoti atthaṃ ekadesena dassento āha ‘‘khāribhāro’’ti.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវគ្គបាឡិ • Mahāvaggapāḷi / ១២. ឧរុវេលបាដិហារិយកថា • 12. Uruvelapāṭihāriyakathā
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវគ្គ-អដ្ឋកថា • Mahāvagga-aṭṭhakathā / ឧរុវេលបាដិហារិយកថា • Uruvelapāṭihāriyakathā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ឧរុវេលបាដិហារិយកថាវណ្ណនា • Uruvelapāṭihāriyakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ឧរុវេលបាដិហារិយកថាវណ្ណនា • Uruvelapāṭihāriyakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ឧរុវេលបាដិហារិយកថាវណ្ណនា • Uruvelapāṭihāriyakathāvaṇṇanā
