| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၇. တရုဏရုက္ခသုတ္တဝဏ္ဏနာ
7. Taruṇarukkhasuttavaṇṇanā
၅၇-၅၉. သတ္တမေ တရုဏောတိ အဇာတဖလော။ ပလိမဇ္ဇေယ္ယာတိ သောဓေယ္ယ။ ပံသုံ ဒဒေယ္ယာတိ ထဒ္ဓဖရုသပံသုံ ဟရိတ္ဝာ မုဒုဂောမယစုဏ္ဏမိသ္သံ မဓုရပံသုံ ပက္ခိပေယ္ယ။ ဝုဒ္ဓိန္တိ ဝုဒ္ဓိံ အာပဇ္ဇိတ္ဝာ ပုပ္ဖူပဂော ပုပ္ဖံ, ဖလူပဂော ဖလံ ဂဏ္ဟေယ္ယ။ ဣဒံ ပနေတ္ထ ဩပမ္မသံသန္ဒနံ – တရုဏရုက္ခော ဝိယ ဟိ တေဘူမကဝဋ္ဋံ, ရုက္ခဇဂ္ဂကော ပုရိသော ဝိယ ဝဋ္ဋနိသ္သိတော ပုထုဇ္ဇနော, မူလဖလသန္တာနာဒီနိ ဝိယ တီဟိ ဒ္ဝာရေဟိ ကုသလာကုသလကမ္မာယူဟနံ, ရုက္ခသ္သ ဝုဍ္ဎိအာပဇ္ဇနံ ဝိယ ပုထုဇ္ဇနသ္သ တီဟိ ဒ္ဝာရေဟိ ကမ္မံ အာယူဟတော အပရာပရံ ဝဋ္ဋပ္ပဝတ္တိ။ ဝိဝဋ္ဋံ ဝုတ္တနယေနေဝ ဝေဒိတဗ္ဗံ။ အဋ္ဌမနဝမာနိ ဥတ္တာနတ္ထာနေဝ။ သတ္တမာဒီနိ။
57-59. Sattame taruṇoti ajātaphalo. Palimajjeyyāti sodheyya. Paṃsuṃ dadeyyāti thaddhapharusapaṃsuṃ haritvā mudugomayacuṇṇamissaṃ madhurapaṃsuṃ pakkhipeyya. Vuddhinti vuddhiṃ āpajjitvā pupphūpago pupphaṃ, phalūpago phalaṃ gaṇheyya. Idaṃ panettha opammasaṃsandanaṃ – taruṇarukkho viya hi tebhūmakavaṭṭaṃ, rukkhajaggako puriso viya vaṭṭanissito puthujjano, mūlaphalasantānādīni viya tīhi dvārehi kusalākusalakammāyūhanaṃ, rukkhassa vuḍḍhiāpajjanaṃ viya puthujjanassa tīhi dvārehi kammaṃ āyūhato aparāparaṃ vaṭṭappavatti. Vivaṭṭaṃ vuttanayeneva veditabbaṃ. Aṭṭhamanavamāni uttānatthāneva. Sattamādīni.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya
၇. တရုဏရုက္ခသုတ္တံ • 7. Taruṇarukkhasuttaṃ
၈. နာမရူပသုတ္တံ • 8. Nāmarūpasuttaṃ
၉. ဝိညာဏသုတ္တံ • 9. Viññāṇasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၇. တရုဏရုက္ခသုတ္တဝဏ္ဏနာ • 7. Taruṇarukkhasuttavaṇṇanā
