| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၉. ဝိညာဏသုတ္တံ
9. Viññāṇasuttaṃ
၅၉. သာဝတ္ထိယံ ဝိဟရတိ။ပေ.။ ‘‘သံယောဇနိယေသု, ဘိက္ခဝေ, ဓမ္မေသု အသ္သာဒာနုပသ္သိနော ဝိဟရတော ဝိညာဏသ္သ အဝက္ကန္တိ ဟောတိ။ ဝိညာဏပစ္စယာ နာမရူပံ။ပေ.။ ဧဝမေတသ္သ ကေဝလသ္သ ဒုက္ခက္ခန္ဓသ္သ သမုဒယော ဟောတိ’’။
59. Sāvatthiyaṃ viharati…pe… ‘‘saṃyojaniyesu, bhikkhave, dhammesu assādānupassino viharato viññāṇassa avakkanti hoti. Viññāṇapaccayā nāmarūpaṃ…pe… evametassa kevalassa dukkhakkhandhassa samudayo hoti’’.
‘‘သေယ္ယထာပိ, ဘိက္ခဝေ, မဟာရုက္ခော။ တသ္သ ယာနိ စေဝ မူလာနိ ။ပေ.။ ဧဝမေဝ ခော, ဘိက္ခဝေ, သံယောဇနိယေသု ဓမ္မေသု အသ္သာဒာနုပသ္သိနော ဝိဟရတော ဝိညာဏသ္သ အဝက္ကန္တိ ဟောတိ။ပေ.။။
‘‘Seyyathāpi, bhikkhave, mahārukkho. Tassa yāni ceva mūlāni …pe… evameva kho, bhikkhave, saṃyojaniyesu dhammesu assādānupassino viharato viññāṇassa avakkanti hoti…pe….
‘‘သံယောဇနိယေသု, ဘိက္ခဝေ, ဓမ္မေသု အာဒီနဝာနုပသ္သိနော ဝိဟရတော ဝိညာဏသ္သ အဝက္ကန္တိ န ဟောတိ။ ဝိညာဏနိရောဓာ နာမရူပနိရောဓော။ပေ.။ ဧဝမေတသ္သ ကေဝလသ္သ ဒုက္ခက္ခန္ဓသ္သ နိရောဓော ဟောတိ။
‘‘Saṃyojaniyesu, bhikkhave, dhammesu ādīnavānupassino viharato viññāṇassa avakkanti na hoti. Viññāṇanirodhā nāmarūpanirodho…pe… evametassa kevalassa dukkhakkhandhassa nirodho hoti.
‘‘သေယ္ယထာပိ, ဘိက္ခဝေ, မဟာရုက္ခော။ အထ ပုရိသော အာဂစ္ဆေယ္ယ ကုဒ္ဒာလပိဋကံ အာဒာယ။ပေ.။ အာယတိံ အနုပ္ပာဒဓမ္မော။ ဧဝမေဝ ခော, ဘိက္ခဝေ, သံယောဇနိယေသု ဓမ္မေသု အာဒီနဝာနုပသ္သိနော ဝိဟရတော ဝိညာဏသ္သ အဝက္ကန္တိ န ဟောတိ။ ဝိညာဏသ္သ နိရောဓာ နာမရူပနိရောဓော။ပေ.။ ဧဝမေတသ္သ ကေဝလသ္သ ဒုက္ခက္ခန္ဓသ္သ နိရောဓော ဟောတီ’’တိ။ နဝမံ။
‘‘Seyyathāpi, bhikkhave, mahārukkho. Atha puriso āgaccheyya kuddālapiṭakaṃ ādāya…pe… āyatiṃ anuppādadhammo. Evameva kho, bhikkhave, saṃyojaniyesu dhammesu ādīnavānupassino viharato viññāṇassa avakkanti na hoti. Viññāṇassa nirodhā nāmarūpanirodho…pe… evametassa kevalassa dukkhakkhandhassa nirodho hotī’’ti. Navamaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၇. တရုဏရုက္ခသုတ္တဝဏ္ဏနာ • 7. Taruṇarukkhasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၇. တရုဏရုက္ခသုတ္တဝဏ္ဏနာ • 7. Taruṇarukkhasuttavaṇṇanā
