| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၇. တရုဏရုက္ခသုတ္တဝဏ္ဏနာ
7. Taruṇarukkhasuttavaṇṇanā
၅၇-၅၉. ပလိမဇ္ဇေယ္ယာတိ အလ္လကရဏဝသေန ပရိတော ပာဠိံ ဗန္ဓေယ္ယ။ တထာ ကရောန္တော ယသ္မာ စ တတ္ထ တိဏဂစ္ဆာဒီနံ မူလသန္တာနဂ္ဂဟဏေန တံ ဌာနံ သောဓေတိ နာမ, တသ္မာ ဝုတ္တံ ‘‘သောဓေယ္ယာ’’တိ။ ပံသုန္တိ အသ္သ ပဝဍ္ဎကာရကံ, အာဂန္တုကံ ပံသုန္တိ အတ္ထော။ ဒဒေယ္ယာတိ ပက္ခိပေယ္ယ။ တေနာဟ ‘‘ထဒ္ဓ’’န္တိအာဒိ။ ဝုတ္တနယေနေဝာတိ ‘‘ရုက္ခံ နာသေတုကာမော ပုရိသော ဝိယာ’’တိအာဒိနာ ပဉ္စမသုတ္တေ ဝုတ္တနယေန။ အဋ္ဌမနဝမာနိ ဥတ္တာနတ္ထာနေဝ ဝုတ္တနယတ္တာ။
57-59.Palimajjeyyāti allakaraṇavasena parito pāḷiṃ bandheyya. Tathā karonto yasmā ca tattha tiṇagacchādīnaṃ mūlasantānaggahaṇena taṃ ṭhānaṃ sodheti nāma, tasmā vuttaṃ ‘‘sodheyyā’’ti. Paṃsunti assa pavaḍḍhakārakaṃ, āgantukaṃ paṃsunti attho. Dadeyyāti pakkhipeyya. Tenāha ‘‘thaddha’’ntiādi. Vuttanayenevāti ‘‘rukkhaṃ nāsetukāmo puriso viyā’’tiādinā pañcamasutte vuttanayena. Aṭṭhamanavamāni uttānatthāneva vuttanayattā.
တရုဏရုက္ခသုတ္တဝဏ္ဏနာ နိဋ္ဌိတာ။
Taruṇarukkhasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya
၇. တရုဏရုက္ခသုတ္တံ • 7. Taruṇarukkhasuttaṃ
၈. နာမရူပသုတ္တံ • 8. Nāmarūpasuttaṃ
၉. ဝိညာဏသုတ္တံ • 9. Viññāṇasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၇. တရုဏရုက္ခသုတ္တဝဏ္ဏနာ • 7. Taruṇarukkhasuttavaṇṇanā
