| Library / Tipiṭaka / តិបិដក • Tipiṭaka / មហាវិភង្គ-អដ្ឋកថា • Mahāvibhaṅga-aṭṭhakathā |
៤. សក្កច្ចវគ្គវណ្ណនា
4. Sakkaccavaggavaṇṇanā
៦០៦. សក្កច្ចន្តិ ឯត្ថាបិ អសក្កច្ចំ បដិគ្គហណេយេវ អាបត្តិ, បដិគ្គហិតំ បន សុបដិគ្គហិតមេវ។ សក្កច្ចន្តិ ច បត្តសញ្ញីតិ ចាតិ ឧភយំ វុត្តនយមេវ។
606.Sakkaccanti etthāpi asakkaccaṃ paṭiggahaṇeyeva āpatti, paṭiggahitaṃ pana supaṭiggahitameva. Sakkaccanti ca pattasaññīti cāti ubhayaṃ vuttanayameva.
៦០៨. សបទានន្តិ តត្ថ តត្ថ ឱធិំ អកត្វា អនុបដិបាដិយា។ សមសូបកេ វត្តព្ពំ វុត្តមេវ។
608.Sapadānanti tattha tattha odhiṃ akatvā anupaṭipāṭiyā. Samasūpake vattabbaṃ vuttameva.
៦១០. ថូបកតោតិ មត្ថកតោ; វេមជ្ឈតោតិ អត្ថោ។
610.Thūpakatoti matthakato; vemajjhatoti attho.
៦១១. បដិច្ឆាទេត្វា ទេន្តីតិ មាឃាតសមយាទីសុ បដិច្ឆន្នំ ព្យញ្ជនំ កត្វា ទេន្តិ។ វិញ្ញត្តិយំ វត្តព្ពំ នត្ថិ។
611.Paṭicchādetvādentīti māghātasamayādīsu paṭicchannaṃ byañjanaṃ katvā denti. Viññattiyaṃ vattabbaṃ natthi.
៦១៤. ឧជ្ឈានសញ្ញីសិក្ខាបទេបិ គិលានោ ន មុច្ចតិ។
614.Ujjhānasaññīsikkhāpadepi gilāno na muccati.
៦១៥. នាតិមហន្តោ កពឡោតិ មយូរណ្ឌំ អតិមហន្តំ, កុក្កុដណ្ឌំ អតិខុទ្ទកំ, តេសំ វេមជ្ឈប្បមាណោ។ ខជ្ជកេតិ ឯត្ថ មូលខាទនីយាទិ សព្ពំ គហេតព្ពំ។
615.Nātimahanto kabaḷoti mayūraṇḍaṃ atimahantaṃ, kukkuṭaṇḍaṃ atikhuddakaṃ, tesaṃ vemajjhappamāṇo. Khajjaketi ettha mūlakhādanīyādi sabbaṃ gahetabbaṃ.
ចតុត្ថោ វគ្គោ។
Catuttho vaggo.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga / ៤. សក្កច្ចវគ្គោ • 4. Sakkaccavaggo
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ៤. សក្កច្ចវគ្គវណ្ណនា • 4. Sakkaccavaggavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ៤. សក្កច្ចវគ្គវណ្ណនា • 4. Sakkaccavaggavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ៤. សក្កច្ចវគ្គ-អត្ថយោជនា • 4. Sakkaccavagga-atthayojanā
