| Library / Tipiṭaka / តិបិដក • Tipiṭaka / សារត្ថទីបនី-ដីកា • Sāratthadīpanī-ṭīkā |
៦. ភេសជ្ជក្ខន្ធកំ
6. Bhesajjakkhandhakaṃ
បញ្ចភេសជ្ជាទិកថាវណ្ណនា
Pañcabhesajjādikathāvaṇṇanā
២៦១. ភេសជ្ជក្ខន្ធកេ នច្ឆាទេន្តីតិ រុចិំ ន ឧប្បាទេន្តិ។
261. Bhesajjakkhandhake nacchādentīti ruciṃ na uppādenti.
២៦២. សុសុកាតិ សមុទ្ទេ ភវា ឯកា មច្ឆជាតិ។ កុម្ភីលាតិបិ វទន្តិ។ សំសដ្ឋន្តិ បរិស្សាវិតំ។ តេលបរិភោគេនាតិ សត្តាហកាលិកបរិភោគំ សន្ធាយ វុត្តំ។
262.Susukāti samudde bhavā ekā macchajāti. Kumbhīlātipi vadanti. Saṃsaṭṭhanti parissāvitaṃ. Telaparibhogenāti sattāhakālikaparibhogaṃ sandhāya vuttaṃ.
២៦៣. បិដ្ឋេហីតិ បិសិតេហិ។ ឧព្ភិទំ នាម ឩសរបំសុមយំ។
263.Piṭṭhehīti pisitehi. Ubbhidaṃ nāma ūsarapaṃsumayaṃ.
២៦៤. ឆកណន្តិ គោមយំ។ បាកតិកចុណ្ណំ នាម អបក្កកសាវចុណ្ណំ។ តេន ឋបេត្វា គន្ធចុណ្ណំ សព្ពំ វដ្ដតីតិ វទន្តិ។
264.Chakaṇanti gomayaṃ. Pākatikacuṇṇaṃ nāma apakkakasāvacuṇṇaṃ. Tena ṭhapetvā gandhacuṇṇaṃ sabbaṃ vaṭṭatīti vadanti.
២៦៥. សុវណ្ណគេរុកោតិ សុវណ្ណតុត្ថាទិ។ អញ្ជនូបបិសនន្តិ អញ្ជនត្ថាយ ឧបបិសិតព្ពំ យំ កិញ្ចិ ចុណ្ណជាតំ។
265.Suvaṇṇagerukoti suvaṇṇatutthādi. Añjanūpapisananti añjanatthāya upapisitabbaṃ yaṃ kiñci cuṇṇajātaṃ.
២៦៨. សាមំ គហេត្វាតិ ឯត្ថ សប្បទដ្ឋស្ស អត្ថាយ អញ្ញេន ភិក្ខុនា គហិតម្បិ សាមំ គហិតសង្ខមេវ គច្ឆតីតិ វេទិតព្ពំ។
268.Sāmaṃ gahetvāti ettha sappadaṭṭhassa atthāya aññena bhikkhunā gahitampi sāmaṃ gahitasaṅkhameva gacchatīti veditabbaṃ.
២៦៩. ឃរទិន្នកាពាធោ នាម វសីករណត្ថាយ ឃរណិយា ទិន្នភេសជ្ជសមុដ្ឋិតោ អាពាធោ។ តេនាហ ‘‘វសីករណបាណកសមុដ្ឋិតរោគោ’’តិ។ ឃរ-សទ្ទោ ចេត្ថ អភេទេន ឃរណិយា វត្តមានោ អធិប្បេតោ។ ‘‘អកដយូសេនាតិ អនភិសង្ខតេន មុគ្គយូសេន។ កដាកដេនាតិ មុគ្គេ បចិត្វា អចាលេត្វាវ បរិស្សាវិតេន មុគ្គសូបេនា’’តិ គណ្ឋិបទេសុ វុត្តំ។
269.Gharadinnakābādho nāma vasīkaraṇatthāya gharaṇiyā dinnabhesajjasamuṭṭhito ābādho. Tenāha ‘‘vasīkaraṇapāṇakasamuṭṭhitarogo’’ti. Ghara-saddo cettha abhedena gharaṇiyā vattamāno adhippeto. ‘‘Akaṭayūsenāti anabhisaṅkhatena muggayūsena. Kaṭākaṭenāti mugge pacitvā acāletvāva parissāvitena muggasūpenā’’ti gaṇṭhipadesu vuttaṃ.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវគ្គបាឡិ • Mahāvaggapāḷi
១៦០. បញ្ចភេសជ្ជកថា • 160. Pañcabhesajjakathā
១៦១. មូលាទិភេសជ្ជកថា • 161. Mūlādibhesajjakathā
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវគ្គ-អដ្ឋកថា • Mahāvagga-aṭṭhakathā / បញ្ចភេសជ្ជាទិកថា • Pañcabhesajjādikathā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / បញ្ចភេសជ្ជាទិកថាវណ្ណនា • Pañcabhesajjādikathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / បញ្ចភេសជ្ជាទិកថាវណ្ណនា • Pañcabhesajjādikathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi
១៦០. បញ្ចភេសជ្ជាទិកថា • 160. Pañcabhesajjādikathā
១៦១. មូលាទិភេសជ្ជកថា • 161. Mūlādibhesajjakathā
