| Library / Tipiṭaka / តិបិដក • Tipiṭaka / វិមតិវិនោទនី-ដីកា • Vimativinodanī-ṭīkā |
នសម្មាវត្តនាទិកថាវណ្ណនា
Nasammāvattanādikathāvaṇṇanā
៦៨. នសម្មាវត្តនាទិកថាយំ វត្តំ ន បូរេយ្យាតិ ‘‘វត្តករណកាលោ’’តិ វត្ថុវិជាននវសេន ញត្វា មានកោសជ្ជាទិវសេន វា ឧបជ្ឈាយាទីសុ អនាទរេន វា ‘‘អកាតុំ ន វដ្ដតី’’តិ អជាននតាយ វា ន ករេយ្យ, ទុក្កដមេវ។ អសញ្ចិច្ច អសតិយាតិអាទីហិ ច អករោន្តស្ស បន អនាបត្តិ។ សព្ពានិ ហិ វត្តានិ សេខិយានេវ, តស្មា សេខិយេសុ វុត្តនយេនេវេត្ថ សព្ពោបិ វិនិច្ឆយោ វេទិតព្ពោ។ គេហស្សិតបេមន្តិ មេត្តាបេមំ។
68. Nasammāvattanādikathāyaṃ vattaṃ na pūreyyāti ‘‘vattakaraṇakālo’’ti vatthuvijānanavasena ñatvā mānakosajjādivasena vā upajjhāyādīsu anādarena vā ‘‘akātuṃ na vaṭṭatī’’ti ajānanatāya vā na kareyya, dukkaṭameva. Asañcicca asatiyātiādīhi ca akarontassa pana anāpatti. Sabbāni hi vattāni sekhiyāneva, tasmā sekhiyesu vuttanayenevettha sabbopi vinicchayo veditabbo. Gehassitapemanti mettāpemaṃ.
សាទិយនំ វា អសាទិយនំ វា ន ជានាតីតិ ‘‘មយិ សាទិយន្តេ អករោន្តានំ អាបត្តិ ហោតិ, បដិក្ខិបិត្វា អសាទិយន្តេ អាបត្តិ ន ហោតី’’តិ ឯវំ ន ជានាតីតិ អត្ថោ។ ‘‘តេសុ ឯកោ វត្តសម្បន្នោ ភិក្ខុ…បេ.… តេសំ អនាបត្តី’’តិ វចនតោ សចេ កោចិ ‘‘តុម្ហាកំ សទ្ធិវិហារិកេ, អន្តេវាសិកេ វា គិលានេ ឧបដ្ឋហិស្សាមិ, ឱវាទានុសាសនិអាទិកំ សព្ពំ កត្តព្ពំ ករិស្សាមី’’តិ វទតិ, តេ វា សទ្ធិវិហារិកាទយោ ‘‘អប្បោស្សុក្កា ហោថា’’តិ វទន្តិ, វត្តំ វា ន សាទិយន្តិ, អាចរិយុបជ្ឈាយានម្បិ អនាបត្តិ។
Sādiyanaṃvā asādiyanaṃ vā na jānātīti ‘‘mayi sādiyante akarontānaṃ āpatti hoti, paṭikkhipitvā asādiyante āpatti na hotī’’ti evaṃ na jānātīti attho. ‘‘Tesu eko vattasampanno bhikkhu…pe… tesaṃ anāpattī’’ti vacanato sace koci ‘‘tumhākaṃ saddhivihārike, antevāsike vā gilāne upaṭṭhahissāmi, ovādānusāsaniādikaṃ sabbaṃ kattabbaṃ karissāmī’’ti vadati, te vā saddhivihārikādayo ‘‘appossukkā hothā’’ti vadanti, vattaṃ vā na sādiyanti, ācariyupajjhāyānampi anāpatti.
នសម្មាវត្តនាទិកថាវណ្ណនា និដ្ឋិតា។
Nasammāvattanādikathāvaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវគ្គបាឡិ • Mahāvaggapāḷi / ១៧. បណាមិតកថា • 17. Paṇāmitakathā
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវគ្គ-អដ្ឋកថា • Mahāvagga-aṭṭhakathā / នសម្មាវត្តនាទិកថា • Nasammāvattanādikathā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / នសម្មាវត្តនាទិកថាវណ្ណនា • Nasammāvattanādikathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / នសម្មាវត្តនាទិកថាវណ្ណនា • Nasammāvattanādikathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / នសម្មាវត្តនាទិកថា • Nasammāvattanādikathā
