| Library / Tipiṭaka / តិបិដក • Tipiṭaka / វជិរពុទ្ធិ-ដីកា • Vajirabuddhi-ṭīkā |
នសម្មាវត្តនាទិកថាវណ្ណនា
Nasammāvattanādikathāvaṇṇanā
៦៨. អធិមត្តំ គេហស្សិតបេមំ ន ហោតីតិ ឯត្ថ គេហស្សិតបេមំ ន អកុសលមិច្ចេវ ទដ្ឋព្ពំ ខីណាសវានម្បិ សាធារណត្តា ឥមស្ស លក្ខណស្ស។ ន ខីណាសវានំ អសម្មាវត្តនាភាវតោតិ ចេ? ន, តេសំ ន បណាមេតព្ពំ តំសមន្នាគមនសិទ្ធិតោ, តស្មា ‘‘មមេស ភារោ’’តិ មមត្តករណំ តត្ថ បេមន្តិ វេទិតព្ពំ។ ‘‘ឯកោ វត្តសម្បន្នោ…បេ.… តេសំ អនាបត្តី’តិ ឯត្ថ វិយ សចេ ឯកោ វត្តសម្បន្នោ ភិក្ខុ ‘ភន្តេ, តុម្ហេ អប្បោស្សុក្កា ហោថ, អហំ តុម្ហាកំ សទ្ធិវិហារិកំ, អន្តេវាសិកំ វា គិលានំ វា ឧបដ្ឋហិស្សាមិ, ឱវទិតព្ពំ ឱវទិស្សាមិ, ឥតិ ករណីយេសុ ឧស្សុក្កំ អាបជ្ជិស្សាមី’តិ វទតិ, តេ ឯវាសទ្ធិវិហារិកាទយោ ‘ភន្តេ, តុម្ហេវ កេវលំ អប្បោស្សុក្កា ហោថា’តិ វទន្តិ, វត្តំ វា ន សាទិយន្តិ, តតោ បដ្ឋាយ អាចរិយុបជ្ឈាយានំ អនាបត្តី’’តិ វុត្តំ។
68.Adhimattaṃ gehassitapemaṃ na hotīti ettha gehassitapemaṃ na akusalamicceva daṭṭhabbaṃ khīṇāsavānampi sādhāraṇattā imassa lakkhaṇassa. Na khīṇāsavānaṃ asammāvattanābhāvatoti ce? Na, tesaṃ na paṇāmetabbaṃ taṃsamannāgamanasiddhito, tasmā ‘‘mamesa bhāro’’ti mamattakaraṇaṃ tattha pemanti veditabbaṃ. ‘‘Eko vattasampanno…pe… tesaṃ anāpattī’ti ettha viya sace eko vattasampanno bhikkhu ‘bhante, tumhe appossukkā hotha, ahaṃ tumhākaṃ saddhivihārikaṃ, antevāsikaṃ vā gilānaṃ vā upaṭṭhahissāmi, ovaditabbaṃ ovadissāmi, iti karaṇīyesu ussukkaṃ āpajjissāmī’ti vadati, te evāsaddhivihārikādayo ‘bhante, tumheva kevalaṃ appossukkā hothā’ti vadanti, vattaṃ vā na sādiyanti, tato paṭṭhāya ācariyupajjhāyānaṃ anāpattī’’ti vuttaṃ.
នសម្មាវត្តនាទិកថាវណ្ណនា និដ្ឋិតា។
Nasammāvattanādikathāvaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវគ្គបាឡិ • Mahāvaggapāḷi / ១៧. បណាមិតកថា • 17. Paṇāmitakathā
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវគ្គ-អដ្ឋកថា • Mahāvagga-aṭṭhakathā / នសម្មាវត្តនាទិកថា • Nasammāvattanādikathā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / នសម្មាវត្តនាទិកថាវណ្ណនា • Nasammāvattanādikathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / នសម្មាវត្តនាទិកថាវណ្ណនា • Nasammāvattanādikathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / នសម្មាវត្តនាទិកថា • Nasammāvattanādikathā
