| Library / Tipiṭaka / តិបិដក • Tipiṭaka / បាចិត្យាទិយោជនាបាឡិ • Pācityādiyojanāpāḷi |
៣. ហសធម្មសិក្ខាបទំ
3. Hasadhammasikkhāpadaṃ
៣៣៥. តតិយេ បការេន ករីយតិ ឋបីយតីតិ បកតំ បញ្ញត្តន្តិ ទស្សេន្តោ អាហ ‘‘យំ ភគវតា’’តិអាទិ។ យន្តិ សិក្ខាបទំ។
335. Tatiye pakārena karīyati ṭhapīyatīti pakataṃ paññattanti dassento āha ‘‘yaṃ bhagavatā’’tiādi. Yanti sikkhāpadaṃ.
៣៣៦. ហសសង្ខាតោ ធម្មោ សភាវោ ហសធម្មោតិ វុត្តេ អត្ថតោ កីឡិកាយេវាតិ អាហ ‘‘កីឡិកា វុច្ចតី’’តិ។
336. Hasasaṅkhāto dhammo sabhāvo hasadhammoti vutte atthato kīḷikāyevāti āha ‘‘kīḷikā vuccatī’’ti.
៣៣៧. គោប្ផកានន្តិ ចរណគណ្ឋិកានំ។ តេ ហិ បាទេ បាទំ ឋបនកាលេ អញ្ញមញ្ញូបរិ ឋបនតោ គោបីយន្តីតិ គោប្ផា, តេ ឯវ គោប្ផកាតិ វុច្ចន្តិ។ បាទស្ស ហិ ឧបរិ បាទំ ឋបនកាលេ ឯកស្ស ឧបរិ ឯកោ ន ឋបេតព្ពោ។ តេនាហ ភគវា ‘‘បាទេ បាទំ អច្ចាធាយា’’តិ (ទី. និ. ២.១៩៦; ម. និ. ១.៤២៣; អ. និ. ៣.១៦)។ ឱដ្ឋជោ ទុតិយោ។ ឱរោហន្តស្ស ភិក្ខុនោតិ សម្ពន្ធោ។
337.Gopphakānanti caraṇagaṇṭhikānaṃ. Te hi pāde pādaṃ ṭhapanakāle aññamaññūpari ṭhapanato gopīyantīti gopphā, te eva gopphakāti vuccanti. Pādassa hi upari pādaṃ ṭhapanakāle ekassa upari eko na ṭhapetabbo. Tenāha bhagavā ‘‘pāde pādaṃ accādhāyā’’ti (dī. ni. 2.196; ma. ni. 1.423; a. ni. 3.16). Oṭṭhajo dutiyo. Orohantassa bhikkhunoti sambandho.
៣៣៨. ផិយារិត្តាទីហីតិ អាទិសទ្ទេន លង្ការាទយោ សង្គណ្ហាតិ។ កេចិ វទន្តីតិ សម្ពន្ធោ។ បតនុប្បតនវារេសូតិ បតនវារ ឧប្បតនវារេសុ។ តត្ថាតិ តស្សំ ខិត្តកថលាយំ។ ហីតិ សច្ចំ , យស្មា វា។ ឋបេត្វា កីឡន្តស្សាតិ សម្ពន្ធោ។ លិខិតុំ វដ្ដតិ កីឡាធិប្បាយស្ស វិរហិតត្តាតិ អធិប្បាយោ។ កីឡាធិប្បាយេន អត្ថជោតកំ អក្ខរំ លិខន្តស្សាបិ អាបត្តិយេវាតិ វទន្តិ។ ឯត្ថាតិ ឥមស្មិំ សិក្ខាបទេតិ។ តតិយំ។
338.Phiyārittādīhīti ādisaddena laṅkārādayo saṅgaṇhāti. Keci vadantīti sambandho. Patanuppatanavāresūti patanavāra uppatanavāresu. Tatthāti tassaṃ khittakathalāyaṃ. Hīti saccaṃ , yasmā vā. Ṭhapetvā kīḷantassāti sambandho. Likhituṃ vaṭṭati kīḷādhippāyassa virahitattāti adhippāyo. Kīḷādhippāyena atthajotakaṃ akkharaṃ likhantassāpi āpattiyevāti vadanti. Etthāti imasmiṃ sikkhāpadeti. Tatiyaṃ.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga / ៦. សុរាបានវគ្គោ • 6. Surāpānavaggo
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវិភង្គ-អដ្ឋកថា • Mahāvibhaṅga-aṭṭhakathā / ៣. ហសធម្មសិក្ខាបទវណ្ណនា • 3. Hasadhammasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ៣. ហសធម្មសិក្ខាបទវណ្ណនា • 3. Hasadhammasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ៣. ហសធម្មសិក្ខាបទវណ្ណនា • 3. Hasadhammasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ៣. ហសធម្មសិក្ខាបទវណ្ណនា • 3. Hasadhammasikkhāpadavaṇṇanā
