| Library / Tipiṭaka / តិបិដក • Tipiṭaka / ភិក្ខុនីវិភង្គ-អដ្ឋកថា • Bhikkhunīvibhaṅga-aṭṭhakathā |
២. ទុតិយសង្ឃាទិសេសសិក្ខាបទវណ្ណនា
2. Dutiyasaṅghādisesasikkhāpadavaṇṇanā
៦៨២. ទុតិយេ – វរភណ្ឌន្តិ មុត្តាមណិវេឡុរិយាទិ មហគ្ឃភណ្ឌំ។
682. Dutiye – varabhaṇḍanti muttāmaṇiveḷuriyādi mahagghabhaṇḍaṃ.
៦៨៣. អនបលោកេត្វាតិ អនាបុច្ឆិត្វា។ គណំ វាតិ មល្លគណភដិបុត្តគណាទិកំ។ បូគន្តិ ធម្មគណំ។ សេណិន្តិ គន្ធិកសេណិទុស្សិកសេណិអាទិកំ។ យត្ថ យត្ថ ហិ រាជានោ គណាទីនំ គាមនិគមេ និយ្យាតេន្តិ ‘‘តុម្ហេវ ឯត្ថ អនុសាសថា’’តិ, តត្ថ តត្ថ តេ ឯវ ឥស្សរា ហោន្តិ។ តស្មា តេ សន្ធាយ ឥទំ វុត្តំ។ ឯត្ថ ច រាជានំ វា គណាទិកេ វា អាបុច្ឆិត្វាបិ ភិក្ខុនិសង្ឃោ អាបុច្ឆិតព្ពោវ។ ឋបេត្វា កប្បន្តិ តិត្ថិយេសុ វា អញ្ញភិក្ខុនីសុ វា បព្ពជិតបុព្ពំ កប្បគតិកំ ឋបេត្វាតិ។ សេសំ ឧត្តានមេវ។
683.Anapaloketvāti anāpucchitvā. Gaṇaṃ vāti mallagaṇabhaṭiputtagaṇādikaṃ. Pūganti dhammagaṇaṃ. Seṇinti gandhikaseṇidussikaseṇiādikaṃ. Yattha yattha hi rājāno gaṇādīnaṃ gāmanigame niyyātenti ‘‘tumheva ettha anusāsathā’’ti, tattha tattha te eva issarā honti. Tasmā te sandhāya idaṃ vuttaṃ. Ettha ca rājānaṃ vā gaṇādike vā āpucchitvāpi bhikkhunisaṅgho āpucchitabbova. Ṭhapetvā kappanti titthiyesu vā aññabhikkhunīsu vā pabbajitapubbaṃ kappagatikaṃ ṭhapetvāti. Sesaṃ uttānameva.
ចោរីវុដ្ឋាបនសមុដ្ឋានំ – កេនចិ ករណីយេន បក្កន្តាសុ ភិក្ខុនីសុ អគន្ត្វា ខណ្ឌសីមំ យថានិសិន្នដ្ឋានេយេវ អត្តនោ និស្សិតកបរិសាយ សទ្ធិំ វុដ្ឋាបេន្តិយា វាចាចិត្តតោ សមុដ្ឋាតិ, ខណ្ឌសីមំ វា នទិំ វា គន្ត្វា វុដ្ឋាបេន្តិយា កាយវាចាចិត្តតោ សមុដ្ឋាតិ, អនាបុច្ឆា វុដ្ឋាបនវសេន កិរិយាកិរិយំ, សញ្ញាវិមោក្ខំ, សចិត្តកំ, បណ្ណត្តិវជ្ជំ, កាយកម្មំ, វចីកម្មំ, តិចិត្តំ, តិវេទនន្តិ។
Corīvuṭṭhāpanasamuṭṭhānaṃ – kenaci karaṇīyena pakkantāsu bhikkhunīsu agantvā khaṇḍasīmaṃ yathānisinnaṭṭhāneyeva attano nissitakaparisāya saddhiṃ vuṭṭhāpentiyā vācācittato samuṭṭhāti, khaṇḍasīmaṃ vā nadiṃ vā gantvā vuṭṭhāpentiyā kāyavācācittato samuṭṭhāti, anāpucchā vuṭṭhāpanavasena kiriyākiriyaṃ, saññāvimokkhaṃ, sacittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
ទុតិយសិក្ខាបទំ។
Dutiyasikkhāpadaṃ.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / ភិក្ខុនីវិភង្គ • Bhikkhunīvibhaṅga / ២. ទុតិយសង្ឃាទិសេសសិក្ខាបទំ • 2. Dutiyasaṅghādisesasikkhāpadaṃ
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ២. ទុតិយសង្ឃាទិសេសសិក្ខាបទវណ្ណនា • 2. Dutiyasaṅghādisesasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ២. ទុតិយសង្ឃាទិសេសសិក្ខាបទវណ្ណនា • 2. Dutiyasaṅghādisesasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ២. ទុតិយសង្ឃាទិសេសសិក្ខាបទវណ្ណនា • 2. Dutiyasaṅghādisesasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ២. ទុតិយសង្ឃាទិសេសសិក្ខាបទំ • 2. Dutiyasaṅghādisesasikkhāpadaṃ
