| Library / Tipiṭaka / តិបិដក • Tipiṭaka / វិមតិវិនោទនី-ដីកា • Vimativinodanī-ṭīkā |
ទិគុណាទិឧបាហនបដិក្ខេបកថាវណ្ណនា
Diguṇādiupāhanapaṭikkhepakathāvaṇṇanā
២៤៥. សកដវាហេតិ ទ្វីហិ សកដេហិ បរិច្ឆិន្នេ វាហេ។ ‘‘វាហេ’’តិ ពហុវចនស្ស ហិរញ្ញវិសេសនត្តេបិ សាមញ្ញាបេក្ខាយ ‘‘ហិរញ្ញ’’ន្តិ ឯកវចនំ កតំ។
245.Sakaṭavāheti dvīhi sakaṭehi paricchinne vāhe. ‘‘Vāhe’’ti bahuvacanassa hiraññavisesanattepi sāmaññāpekkhāya ‘‘hirañña’’nti ekavacanaṃ kataṃ.
២៤៦. អទ្ទារិដ្ឋកវណ្ណាតិ អល្លារិដ្ឋផលវណ្ណា, តិន្តកាកបក្ខវណ្ណាតិបិ វទន្តិ។ រជនន្តិ ឧបលិត្តំ នីលាទិវណ្ណំ សន្ធាយ វុត្តំ។ តេនាហ ‘‘ចោឡកេន បុញ្ឆិត្វា’’តិ។ តញ្ហិ តថា បុញ្ឆិតេ វិគច្ឆតិ។ យំ បន ចម្មស្ស ទុគ្គន្ធាបនយនត្ថំ កាឡរត្តាទិរជនេហិ រញ្ជិតត្តា កាឡរត្តាទិវណ្ណំ ហោតិ, តំ ចោឡាទីហិ អបនេតុំ ន សក្កា ចម្មគតិកមេវ, តស្មា តំ វដ្ដតីតិ ទដ្ឋព្ពំ។
246.Addāriṭṭhakavaṇṇāti allāriṭṭhaphalavaṇṇā, tintakākapakkhavaṇṇātipi vadanti. Rajananti upalittaṃ nīlādivaṇṇaṃ sandhāya vuttaṃ. Tenāha ‘‘coḷakena puñchitvā’’ti. Tañhi tathā puñchite vigacchati. Yaṃ pana cammassa duggandhāpanayanatthaṃ kāḷarattādirajanehi rañjitattā kāḷarattādivaṇṇaṃ hoti, taṃ coḷādīhi apanetuṃ na sakkā cammagatikameva, tasmā taṃ vaṭṭatīti daṭṭhabbaṃ.
ខល្លកន្តិ សព្ពបណ្ហិបិធានចម្មំ, អបរិគឡនត្ថំ បណ្ហិឧបរិភាគេ អបិធាយ អារោបនពន្ធនមត្តំ វដ្ដតិ។ វិចិត្រាតិ សណ្ឋានតោ វិចិត្របដា អធិប្បេតា, ន វណ្ណតោ សព្ពសោ អបនេតព្ពេសុ ខល្លកាទីសុ បវិដ្ឋត្តា។ ពិឡាលសទិសមុខត្តា មហាឧលូកា ‘‘បក្ខិពិឡាលា’’តិ វុច្ចតិ, តេសំ ចម្មំ នាម បក្ខលោមមេវ។
Khallakanti sabbapaṇhipidhānacammaṃ, aparigaḷanatthaṃ paṇhiuparibhāge apidhāya āropanabandhanamattaṃ vaṭṭati. Vicitrāti saṇṭhānato vicitrapaṭā adhippetā, na vaṇṇato sabbaso apanetabbesu khallakādīsu paviṭṭhattā. Biḷālasadisamukhattā mahāulūkā ‘‘pakkhibiḷālā’’ti vuccati, tesaṃ cammaṃ nāma pakkhalomameva.
ទិគុណាទិឧបាហនបដិក្ខេបកថាវណ្ណនា និដ្ឋិតា។
Diguṇādiupāhanapaṭikkhepakathāvaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវគ្គបាឡិ • Mahāvaggapāḷi
១៤៨. ទិគុណាទិឧបាហនបដិក្ខេបោ • 148. Diguṇādiupāhanapaṭikkhepo
១៤៩. សព្ពនីលិកាទិបដិក្ខេបោ • 149. Sabbanīlikādipaṭikkhepo
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវគ្គ-អដ្ឋកថា • Mahāvagga-aṭṭhakathā
ទិគុណាទិឧបាហនបដិក្ខេបកថា • Diguṇādiupāhanapaṭikkhepakathā
សព្ពនីលិកាទិបដិក្ខេបកថា • Sabbanīlikādipaṭikkhepakathā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / សព្ពនីលិកាទិបដិក្ខេបកថាវណ្ណនា • Sabbanīlikādipaṭikkhepakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / សព្ពនីលិកាទិបដិក្ខេបកថាវណ្ណនា • Sabbanīlikādipaṭikkhepakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi
១៤៨. ទិគុណាទិឧបាហនបដិក្ខេបកថា • 148. Diguṇādiupāhanapaṭikkhepakathā
១៤៩. សព្ពនីលិកាទិបដិក្ខេបកថា • 149. Sabbanīlikādipaṭikkhepakathā
