| Library / Tipiṭaka / តិបិដក • Tipiṭaka / មហាវគ្គ-អដ្ឋកថា • Mahāvagga-aṭṭhakathā |
ឆន្ទទានកថា
Chandadānakathā
១៦៥. ឆន្ទទានេបិ បារិសុទ្ធិទានេ វុត្តសទិសោយេវ វិនិច្ឆយោ។ បារិសុទ្ធិំ ទេន្តេន ឆន្ទម្បិ ទាតុន្តិ ឯត្ថ សចេ បារិសុទ្ធិមេវ ទេតិ ន ឆន្ទំ, ឧបោសថោ កតោ ហោតិ។ យំ បន សង្ឃោ អញ្ញំ កម្មំ ករោតិ, តំ អកតំ ហោតិ។ ឆន្ទមេវ ទេតិ ន បារិសុទ្ធិំ, ភិក្ខុសង្ឃស្ស ឧបោសថោបិ កម្មម្បិ កតមេវ ហោតិ, ឆន្ទទាយកស្ស បន ឧបោសថោ អកតោ ហោតិ។ សចេបិ កោចិ ភិក្ខុ នទិយា វា សីមាយ វា ឧបោសថំ អធិដ្ឋហិត្វា អាគច្ឆតិ, ‘‘កតោ មយា ឧបោសថោ’’តិ អច្ឆិតុំ ន លភតិ, សាមគ្គី វា ឆន្ទោ វា ទាតព្ពោ។
165. Chandadānepi pārisuddhidāne vuttasadisoyeva vinicchayo. Pārisuddhiṃ dentena chandampidātunti ettha sace pārisuddhimeva deti na chandaṃ, uposatho kato hoti. Yaṃ pana saṅgho aññaṃ kammaṃ karoti, taṃ akataṃ hoti. Chandameva deti na pārisuddhiṃ, bhikkhusaṅghassa uposathopi kammampi katameva hoti, chandadāyakassa pana uposatho akato hoti. Sacepi koci bhikkhu nadiyā vā sīmāya vā uposathaṃ adhiṭṭhahitvā āgacchati, ‘‘kato mayā uposatho’’ti acchituṃ na labhati, sāmaggī vā chando vā dātabbo.
១៦៧. សរតិបិ ឧបោសថំ នបិ សរតីតិ ឯកទា សរតិ, ឯកទា ន សរតិ។ អត្ថិ នេវ សរតីតិ យោ ឯកន្តំ នេវ សរតិ, តស្ស សម្មុតិទានកិច្ចំ នត្ថិ។ អនាគច្ឆន្តោបិ កម្មំ ន កោបេតិ។
167.Saratipi uposathaṃ napi saratīti ekadā sarati, ekadā na sarati. Atthi neva saratīti yo ekantaṃ neva sarati, tassa sammutidānakiccaṃ natthi. Anāgacchantopi kammaṃ na kopeti.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវគ្គបាឡិ • Mahāvaggapāḷi
៨៨. ឆន្ទទានកថា • 88. Chandadānakathā
៩០. ឧម្មត្តកសម្មុតិ • 90. Ummattakasammuti
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ឆន្ទទានកថាវណ្ណនា • Chandadānakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ឆន្ទទានាទិកថាវណ្ណនា • Chandadānādikathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ឆន្ទទានកថាទិវណ្ណនា • Chandadānakathādivaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ៨៨. ឆន្ទទានកថា • 88. Chandadānakathā
