| Library / Tipiṭaka / តិបិដក • Tipiṭaka / បាចិត្យាទិយោជនាបាឡិ • Pācityādiyojanāpāḷi |
៨៨. ឆន្ទទានកថា
88. Chandadānakathā
១៦៥. ឆន្ទទានេបិ វិនិច្ឆយោ វេទិតព្ពោតិ យោជនា។ ឧបោសថោ កតោ ហោតីតិ បារិសុទ្ធិទាយកស្ស ច សង្ឃស្ស ច ឧបោសថោ កតោ ហោតិ។ អញ្ញន្តិ ឧបោសថកម្មតោ អញ្ញំ។ យំ បន កម្មន្តិ សម្ពន្ធោ។ កម្មម្បីតិ ឧបោសថកម្មតោ អញ្ញំ កម្មម្បិ។ ឯត្ថ ច តទហុបោសថេ អត្តនោ ច សង្ឃស្ស ច សចេ ឧបោសថកម្មំ ហោតិ, បារិសុទ្ធិយេវ ទាតព្ពា។ អថ អញ្ញំ កម្មំ ហោតិ, ឆន្ទោយេវ ទាតព្ពោ។ យទិ ឧបោសថកម្មញ្ច អញ្ញកម្មញ្ច ហោតិ, បារិសុទ្ធិ ច ឆន្ទោ ច ទាតព្ពោ។ តំ សន្ធាយ វុត្តំ ‘‘តទហុបោសថេ បារិសុទ្ធិំ ទេន្តេន ឆន្ទម្បិ ទាតុ’’ន្តិ។ សីមាយ វាតិ ពទ្ធសីមាយ វា។ អច្ឆិតុន្តិ ឧបវេសិតុំ។ ‘‘អាស ឧបវេសនេ’’តិ ហិ ធាតុបាឋេសុ (សទ្ទនីតិធាតុមាលាយំ ១៦ សការន្តធាតុ) វុត្តំ។ សាមគ្គី វាតិ កាយសាមគ្គី វា។
165. Chandadānepi vinicchayo veditabboti yojanā. Uposatho kato hotīti pārisuddhidāyakassa ca saṅghassa ca uposatho kato hoti. Aññanti uposathakammato aññaṃ. Yaṃ pana kammanti sambandho. Kammampīti uposathakammato aññaṃ kammampi. Ettha ca tadahuposathe attano ca saṅghassa ca sace uposathakammaṃ hoti, pārisuddhiyeva dātabbā. Atha aññaṃ kammaṃ hoti, chandoyeva dātabbo. Yadi uposathakammañca aññakammañca hoti, pārisuddhi ca chando ca dātabbo. Taṃ sandhāya vuttaṃ ‘‘tadahuposathe pārisuddhiṃ dentena chandampi dātu’’nti. Sīmāya vāti baddhasīmāya vā. Acchitunti upavesituṃ. ‘‘Āsa upavesane’’ti hi dhātupāṭhesu (saddanītidhātumālāyaṃ 16 sakārantadhātu) vuttaṃ. Sāmaggī vāti kāyasāmaggī vā.
១៦៧. សរតិបិ ឧបោសថំ, នបិ សរតីតិ ឯត្ថ បិសទ្ទស្ស អនិយមវិកប្បត្ថំ ទស្សេតុំ វុត្តំ ‘‘ឯកទា សរតិ, ឯកទា ន សរតី’’តិ។ ‘‘ឯកន្ត’’ន្តិ ឥមិនា នេវ សរតីតិ ឯត្ថ ឯវសទ្ទស្ស សន្និដ្ឋានត្ថំ ទស្សេតិ។ កម្មំ ន កោបេតីតិ សម្មុតិលទ្ធោបិ អលទ្ធោបិ ឧម្មត្តកោ កម្មំ ន កោបេតិ។
167.Saratipi uposathaṃ, napi saratīti ettha pisaddassa aniyamavikappatthaṃ dassetuṃ vuttaṃ ‘‘ekadā sarati, ekadā na saratī’’ti. ‘‘Ekanta’’nti iminā neva saratīti ettha evasaddassa sanniṭṭhānatthaṃ dasseti. Kammaṃ na kopetīti sammutiladdhopi aladdhopi ummattako kammaṃ na kopeti.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវគ្គបាឡិ • Mahāvaggapāḷi
៨៨. ឆន្ទទានកថា • 88. Chandadānakathā
៩០. ឧម្មត្តកសម្មុតិ • 90. Ummattakasammuti
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវគ្គ-អដ្ឋកថា • Mahāvagga-aṭṭhakathā / ឆន្ទទានកថា • Chandadānakathā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ឆន្ទទានកថាវណ្ណនា • Chandadānakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ឆន្ទទានាទិកថាវណ្ណនា • Chandadānādikathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ឆន្ទទានកថាទិវណ្ណនា • Chandadānakathādivaṇṇanā
