| Library / Tipiṭaka / តិបិដក • Tipiṭaka / មហាវគ្គ-អដ្ឋកថា • Mahāvagga-aṭṭhakathā |
ចតុវគ្គករណាទិកថា
Catuvaggakaraṇādikathā
៣៨៨. ឥទានិ យទិទំ ឆដ្ឋំ ធម្មេន សមគ្គកម្មំ នាម, តំ យេហិ សង្ឃេហិ កាតព្ពំ, តេសំ បភេទំ ទស្សេតុំ ‘‘បញ្ច សង្ឃា’’តិអាទិ វុត្តំ។ កម្មប្បត្តោតិ កម្មំ បត្តោ, កម្មយុត្តោ កម្មារហោ; ន កិញ្ចិ កម្មំ កាតុំ នារហតីតិ អត្ថោ។
388. Idāni yadidaṃ chaṭṭhaṃ dhammena samaggakammaṃ nāma, taṃ yehi saṅghehi kātabbaṃ, tesaṃ pabhedaṃ dassetuṃ ‘‘pañca saṅghā’’tiādi vuttaṃ. Kammappattoti kammaṃ patto, kammayutto kammāraho; na kiñci kammaṃ kātuṃ nārahatīti attho.
៣៨៩. ចតុវគ្គករណញ្ចេ ភិក្ខវេ កម្មំ ភិក្ខុនិចតុត្ថោតិអាទិ បរិសតោ កម្មវិបត្តិទស្សនត្ថំ វុត្តំ។ តត្ថ ឧក្ខិត្តកគ្គហណេន កម្មនានាសំវាសកោ គហិតោ, នានាសំវាសកគ្គហណេន លទ្ធិនានាសំវាសកោ។ នានាសីមាយ ឋិតចតុត្ថោតិ សីមន្តរិកាយ វា ពហិសីមាយ វា ហត្ថបាសេ ឋិតេនាបិ សទ្ធិំ ចតុវគ្គោ ហុត្វាតិ អត្ថោ។
389.Catuvaggakaraṇañce bhikkhave kammaṃ bhikkhunicatutthotiādi parisato kammavipattidassanatthaṃ vuttaṃ. Tattha ukkhittakaggahaṇena kammanānāsaṃvāsako gahito, nānāsaṃvāsakaggahaṇena laddhinānāsaṃvāsako. Nānāsīmāya ṭhitacatutthoti sīmantarikāya vā bahisīmāya vā hatthapāse ṭhitenāpi saddhiṃ catuvaggo hutvāti attho.
៣៩៣. បារិវាសិកចតុត្ថោតិអាទិ បរិវាសាទិកម្មានំយេវ បរិសតោ វិបត្តិទស្សនត្ថំ វុត្តំ, តេសំ វិនិច្ឆយំ បរតោ វណ្ណយិស្សាម។
393.Pārivāsikacatutthotiādi parivāsādikammānaṃyeva parisato vipattidassanatthaṃ vuttaṃ, tesaṃ vinicchayaṃ parato vaṇṇayissāma.
៣៩៤. ឯកច្ចស្ស ភិក្ខវេ សង្ឃមជ្ឈេ បដិក្កោសនា រុហតីតិអាទិ បដិកុដ្ឋកតកម្មស្ស កុប្បាកុប្បភាវទស្សនត្ថំ វុត្តំ។ បកតត្តស្សាតិ អវិបន្នសីលស្ស បារាជិកំ អនជ្ឈាបន្នស្ស។ អានន្តរិកស្សាតិ អត្តនោ អនន្តរំ និសិន្នស្ស។
394.Ekaccassa bhikkhave saṅghamajjhe paṭikkosanā ruhatītiādi paṭikuṭṭhakatakammassa kuppākuppabhāvadassanatthaṃ vuttaṃ. Pakatattassāti avipannasīlassa pārājikaṃ anajjhāpannassa. Ānantarikassāti attano anantaraṃ nisinnassa.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវគ្គបាឡិ • Mahāvaggapāḷi
២៣៧. ចតុវគ្គករណាទិកថា • 237. Catuvaggakaraṇādikathā
២៣៨. បារិវាសិកាទិកថា • 238. Pārivāsikādikathā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ចតុវគ្គករណាទិកថាវណ្ណនា • Catuvaggakaraṇādikathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / កស្សបគោត្តភិក្ខុវត្ថុកថាទិវណ្ណនា • Kassapagottabhikkhuvatthukathādivaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ២៣៧. ចតុវគ្គករណាទិកថា • 237. Catuvaggakaraṇādikathā
