| Library / Tipiṭaka / តិបិដក • Tipiṭaka / វិមតិវិនោទនី-ដីកា • Vimativinodanī-ṭīkā |
អដ្ឋារសវត្ថុកថាវណ្ណនា
Aṭṭhārasavatthukathāvaṇṇanā
៤៦៨. យថា ធម្មោ តថា តិដ្ឋាហីតិ យថា ធម្មោ ច វិនយោ ច ឋិតោ, តថា តិដ្ឋ, ធម្មវាទីបក្ខេ តិដ្ឋាតិ អត្ថោ។
468.Yathā dhammo tathā tiṭṭhāhīti yathā dhammo ca vinayo ca ṭhito, tathā tiṭṭha, dhammavādīpakkhe tiṭṭhāti attho.
៤៧៣. ‘‘យោ បដិពាហេយ្យ, អាបត្តិ ទុក្កដស្សា’’តិ ឥទំ សាមគ្គីភេទស្ស អការកេ សន្ធាយ វុត្តំ។ យេ បន ភេទការកា វិរុទ្ធា អលជ្ជិនោ , តេសំ បដិពាហិតុំ វដ្ដតិ តេសំ សន្តកស្សបិ សេនាសនស្ស វិនាសនវចនតោ។ ‘‘វិវិត្តំ កត្វាបិ ទាតព្ព’’ន្តិ វុត្តត្តា បន យថាវុឌ្ឍំ វរសេនាសនំ អទត្វា វុឌ្ឍានម្បិ អសញ្ញតានំ សញ្ញតេហិ វិវិត្តំ កត្វា ទាតព្ពន្តិ ទដ្ឋព្ពំ។
473.‘‘Yopaṭibāheyya, āpatti dukkaṭassā’’ti idaṃ sāmaggībhedassa akārake sandhāya vuttaṃ. Ye pana bhedakārakā viruddhā alajjino , tesaṃ paṭibāhituṃ vaṭṭati tesaṃ santakassapi senāsanassa vināsanavacanato. ‘‘Vivittaṃ katvāpi dātabba’’nti vuttattā pana yathāvuḍḍhaṃ varasenāsanaṃ adatvā vuḍḍhānampi asaññatānaṃ saññatehi vivittaṃ katvā dātabbanti daṭṭhabbaṃ.
៤៧៥. កម្មវាចាយ ឱសារេត្វាតិ ឯត្ថ ឧក្ខិត្តស្ស ភិក្ខុនោ អាបត្តិយាបន្នភាវំ បដិជានិត្វា សម្មាវត្តនេន ឧក្ខេបកានំ សមុប្បន្នឱសារណច្ឆន្ទស្ស បគេវ ញាតត្តា បដិប្បស្សម្ភនកម្មវាចាយ ឧក្ខិត្តានុវត្តកា សយមេវ នំ ឱសារេសុន្តិ ទដ្ឋព្ពំ។
475.Kammavācāya osāretvāti ettha ukkhittassa bhikkhuno āpattiyāpannabhāvaṃ paṭijānitvā sammāvattanena ukkhepakānaṃ samuppannaosāraṇacchandassa pageva ñātattā paṭippassambhanakammavācāya ukkhittānuvattakā sayameva naṃ osāresunti daṭṭhabbaṃ.
៤៧៦. អត្ថតោ អបគតាតិ សាមគ្គីអត្ថវិរហិតា, តុច្ឆព្យញ្ជនាតិ អត្ថោ។
476.Atthato apagatāti sāmaggīatthavirahitā, tucchabyañjanāti attho.
៤៧៧. អប្បដិច្ឆន្នាចារោតិ អប្បដិច្ឆាទេតព្ពសុន្ទរាចារោ។ អនបគតន្តិ ការណតោ អនបេតំ។ អាទាតព្ពតោ គហេតព្ពតោ អាទាយន្តិ អាចរិយវាទោ វុត្តោតិ អាហ ‘‘អាទាយំ អត្តនោ អាចរិយវាទ’’ន្តិ។
477.Appaṭicchannācāroti appaṭicchādetabbasundarācāro. Anapagatanti kāraṇato anapetaṃ. Ādātabbato gahetabbato ādāyanti ācariyavādo vuttoti āha ‘‘ādāyaṃ attano ācariyavāda’’nti.
អដ្ឋហិ ទូតង្គេហីតិ ‘‘សោតា ច ហោតិ សាវេតា ច ឧគ្គហេតា ច ធារេតា ច វិញ្ញាតា ច វិញ្ញាបេតា ច កុសលោ ច សហិតាសហិតស្ស នោ ច កលហការកោ’’តិ (អ. និ. ៨.១៦) ឯវំ វុត្តេហិ អដ្ឋហិ ទូតង្គេហិ។ សេសមេត្ថ, ហេដ្ឋា ច សព្ពត្ថ សុវិញ្ញេយ្យមេវាតិ។
Aṭṭhahi dūtaṅgehīti ‘‘sotā ca hoti sāvetā ca uggahetā ca dhāretā ca viññātā ca viññāpetā ca kusalo ca sahitāsahitassa no ca kalahakārako’’ti (a. ni. 8.16) evaṃ vuttehi aṭṭhahi dūtaṅgehi. Sesamettha, heṭṭhā ca sabbattha suviññeyyamevāti.
អដ្ឋារសវត្ថុកថាវណ្ណនា និដ្ឋិតា។
Aṭṭhārasavatthukathāvaṇṇanā niṭṭhitā.
កោសម្ពកក្ខន្ធកវណ្ណនានយោ និដ្ឋិតោ។
Kosambakakkhandhakavaṇṇanānayo niṭṭhito.
ឥតិ សមន្តបាសាទិកាយ វិនយដ្ឋកថាយ វិមតិវិនោទនិយំ
Iti samantapāsādikāya vinayaṭṭhakathāya vimativinodaniyaṃ
មហាវគ្គវណ្ណនានយោ និដ្ឋិតោ។
Mahāvaggavaṇṇanānayo niṭṭhito.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវគ្គបាឡិ • Mahāvaggapāḷi
២៧៦. អដ្ឋារសវត្ថុកថា • 276. Aṭṭhārasavatthukathā
២៧៨. សង្ឃសាមគ្គីកថា • 278. Saṅghasāmaggīkathā
២៧៩. ឧបាលិសង្ឃសាមគ្គីបុច្ឆា • 279. Upālisaṅghasāmaggīpucchā
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវគ្គ-អដ្ឋកថា • Mahāvagga-aṭṭhakathā / អដ្ឋារសវត្ថុកថា • Aṭṭhārasavatthukathā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā
អដ្ឋារសវត្ថុកថាវណ្ណនា • Aṭṭhārasavatthukathāvaṇṇanā
ឧបាលិសង្ឃសាមគ្គីបុច្ឆាវណ្ណនា • Upālisaṅghasāmaggīpucchāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā
អដ្ឋារសវត្ថុកថាវណ្ណនា • Aṭṭhārasavatthukathāvaṇṇanā
សង្ឃសាមគ្គីកថាវណ្ណនា • Saṅghasāmaggīkathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ២៧៦. អដ្ឋារសវត្ថុកថា • 276. Aṭṭhārasavatthukathā
