| Library / Tipiṭaka / តិបិដក • Tipiṭaka / អបទាន-អដ្ឋកថា • Apadāna-aṭṭhakathā |
៣២. អារក្ខទាយកវគ្គោ
32. Ārakkhadāyakavaggo
១-១០. អារក្ខទាយកត្ថេរអបទានាទិវណ្ណនា
1-10. Ārakkhadāyakattheraapadānādivaṇṇanā
ពាត្តិំសតិមវគ្គេ បឋមទុតិយតតិយាបទានានិ សុវិញ្ញេយ្យានេវ។
Bāttiṃsatimavagge paṭhamadutiyatatiyāpadānāni suviññeyyāneva.
១៦. ចតុត្ថាបទានេ ជលជគ្គេហិ ឱកិរិន្តិ ជលជេហិ ឧត្តមេហិ ឧប្បលបទុមាទីហិ បុប្ផេហិ ឱកិរិំ បូជេសិន្តិ អត្ថោ។
16. Catutthāpadāne jalajaggehi okirinti jalajehi uttamehi uppalapadumādīhi pupphehi okiriṃ pūjesinti attho.
បញ្ចមាបទានំ ឧត្តានមេវ។
Pañcamāpadānaṃ uttānameva.
២៦-២៧. ឆដ្ឋាបទានេ ចេតិយំ ឧត្តមំ នាម, សិខិនោ លោកពន្ធុនោតិ សកលលោកត្តយស្ស ពន្ធុនោ ញាតកស្ស សិខិស្ស ភគវតោ ឧត្តមំ ចេតិយំ។ ឥរីណេ ជនសញ្ចរវិរហិតេ វនេ មនុស្សានំ កោលាហលវិរហិតេ មហាអរញ្ញេ អហោសីតិ សម្ពន្ធោ។ អន្ធាហិណ្ឌាមហំ តទាតិ តស្មិំ កាលេ វនេ មគ្គមូឡ្ហភាវេន អន្ធោ, ន ចក្ខុនា អន្ធោ, អហំ អាហិណ្ឌាមិ មគ្គំ បរិយេសាមីតិ អត្ថោ។ បវនា និក្ខមន្តេនាតិ មហាវនតោ និក្ខមន្តេន មយា សីហាសនំ ឧត្តមាសនំ, សីហស្ស វា ភគវតោ អាសនំ ទិដ្ឋន្តិ អត្ថោ។ ឯកំសំ អញ្ជលិំ កត្វាតិ ឯកំសំ ឧត្តរាសង្គំ កត្វា សិរសិ អញ្ជលិំ ឋបេត្វាតិ អត្ថោ។ សន្ថវិំ លោកនាយកន្តិ សកលលោកត្តយនយំ តំ និព្ពានំ បាបេន្តំ ថោមិតំ ថុតិំ អកាសិន្តិ អត្ថោ។
26-27. Chaṭṭhāpadāne cetiyaṃ uttamaṃ nāma, sikhino lokabandhunoti sakalalokattayassa bandhuno ñātakassa sikhissa bhagavato uttamaṃ cetiyaṃ. Irīṇe janasañcaravirahite vane manussānaṃ kolāhalavirahite mahāaraññe ahosīti sambandho. Andhāhiṇḍāmahaṃ tadāti tasmiṃ kāle vane maggamūḷhabhāvena andho, na cakkhunā andho, ahaṃ āhiṇḍāmi maggaṃ pariyesāmīti attho. Pavanā nikkhamantenāti mahāvanato nikkhamantena mayā sīhāsanaṃ uttamāsanaṃ, sīhassa vā bhagavato āsanaṃ diṭṭhanti attho. Ekaṃsaṃ añjaliṃ katvāti ekaṃsaṃ uttarāsaṅgaṃ katvā sirasi añjaliṃ ṭhapetvāti attho. Santhaviṃ lokanāyakanti sakalalokattayanayaṃ taṃ nibbānaṃ pāpentaṃ thomitaṃ thutiṃ akāsinti attho.
៣៤. សត្តមាបទានេ សុទស្សនោ មហាវីរោតិ សុន្ទរទស្សនោ ទ្វត្តិំសមហាបុរិសលក្ខណសម្បន្នសរីរត្តា មនោហរទស្សនោ មហាវីរិយោ សិទ្ធត្ថោ ភគវាតិ សម្ពន្ធោ។ វសតិឃរមុត្តមេតិ ឧត្តមេ វិហារេ វសតីតិ អត្ថោ។
34. Sattamāpadāne sudassano mahāvīroti sundaradassano dvattiṃsamahāpurisalakkhaṇasampannasarīrattā manoharadassano mahāvīriyo siddhattho bhagavāti sambandho. Vasatigharamuttameti uttame vihāre vasatīti attho.
អដ្ឋមនវមទសមាបទានានិ ឧត្តានានេវាតិ។
Aṭṭhamanavamadasamāpadānāni uttānānevāti.
ពាត្តិំសតិមវគ្គវណ្ណនា សមត្តា។
Bāttiṃsatimavaggavaṇṇanā samattā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / ខុទ្ទកនិកាយ • Khuddakanikāya / អបទានបាឡិ • Apadānapāḷi
៤. សត្តបទុមិយត្ថេរអបទានំ • 4. Sattapadumiyattheraapadānaṃ
៦. អាសនសន្ថវិកត្ថេរអបទានំ • 6. Āsanasanthavikattheraapadānaṃ
៧. សទ្ទសញ្ញកត្ថេរអបទានំ • 7. Saddasaññakattheraapadānaṃ
