| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៤. សត្តបទុមិយត្ថេរអបទានំ
4. Sattapadumiyattheraapadānaṃ
១៤.
14.
‘‘នទីកូលេ វសាមហំ, នេសាទោ នាម ព្រាហ្មណោ;
‘‘Nadīkūle vasāmahaṃ, nesādo nāma brāhmaṇo;
សតបត្តេហិ បុប្ផេហិ, សម្មជ្ជិត្វាន អស្សមំ។
Satapattehi pupphehi, sammajjitvāna assamaṃ.
១៥.
15.
‘‘សុវណ្ណវណ្ណំ សម្ពុទ្ធំ, សិទ្ធត្ថំ លោកនាយកំ;
‘‘Suvaṇṇavaṇṇaṃ sambuddhaṃ, siddhatthaṃ lokanāyakaṃ;
១៦.
16.
‘‘បច្ចុគ្គន្ត្វាន សម្ពុទ្ធំ, លោកជេដ្ឋំ នរាសភំ;
‘‘Paccuggantvāna sambuddhaṃ, lokajeṭṭhaṃ narāsabhaṃ;
អស្សមំ អតិនាមេត្វា, ជលជគ្គេហិ ឱកិរិំ។
Assamaṃ atināmetvā, jalajaggehi okiriṃ.
១៧.
17.
‘‘ចតុន្នវុតិតោ កប្បេ, យំ បុប្ផមភិរោបយិំ;
‘‘Catunnavutito kappe, yaṃ pupphamabhiropayiṃ;
ទុគ្គតិំ នាភិជានាមិ, ពុទ្ធបូជាយិទំ ផលំ។
Duggatiṃ nābhijānāmi, buddhapūjāyidaṃ phalaṃ.
១៨.
18.
‘‘ឥតោ តេ សត្តមេ កប្បេ, ចតុរោ បាទបាវរា;
‘‘Ito te sattame kappe, caturo pādapāvarā;
សត្តរតនសម្បន្នា, ចក្កវត្តី មហព្ពលា។
Sattaratanasampannā, cakkavattī mahabbalā.
១៩.
19.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា សត្តបទុមិយោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā sattapadumiyo thero imā gāthāyo abhāsitthāti.
សត្តបទុមិយត្ថេរស្សាបទានំ ចតុត្ថំ។
Sattapadumiyattherassāpadānaṃ catutthaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ១-១០. អារក្ខទាយកត្ថេរអបទានាទិវណ្ណនា • 1-10. Ārakkhadāyakattheraapadānādivaṇṇanā
