| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៥. បុប្ផាសនទាយកត្ថេរអបទានំ
5. Pupphāsanadāyakattheraapadānaṃ
២០.
20.
អវិទូរេន គច្ឆន្តំ, សិទ្ធត្ថំ អបរាជិតំ។
Avidūrena gacchantaṃ, siddhatthaṃ aparājitaṃ.
២១.
21.
‘‘តស្ស បច្ចុគ្គមិត្វាន, បវេសេត្វាន អស្សមំ;
‘‘Tassa paccuggamitvāna, pavesetvāna assamaṃ;
បុប្ផាសនំ មយា ទិន្នំ, វិប្បសន្នេន ចេតសា។
Pupphāsanaṃ mayā dinnaṃ, vippasannena cetasā.
២២.
22.
‘‘អញ្ជលិំ បគ្គហេត្វាន, វេទជាតោ តទា អហំ;
‘‘Añjaliṃ paggahetvāna, vedajāto tadā ahaṃ;
ពុទ្ធេ ចិត្តំ បសាទេត្វា, តំ កម្មំ បរិណាមយិំ។
Buddhe cittaṃ pasādetvā, taṃ kammaṃ pariṇāmayiṃ.
២៣.
23.
‘‘យំ មេ អត្ថិ កតំ បុញ្ញំ, សយម្ភុម្ហបរាជិតេ;
‘‘Yaṃ me atthi kataṃ puññaṃ, sayambhumhaparājite;
សព្ពេន តេន កុសលេន, វិមលោ ហោមិ សាសនេ។
Sabbena tena kusalena, vimalo homi sāsane.
២៤.
24.
‘‘ចតុន្នវុតិតោ កប្បេ, បុប្ផាសនមទំ តទា;
‘‘Catunnavutito kappe, pupphāsanamadaṃ tadā;
ទុគ្គតិំ នាភិជានាមិ, បុប្ផាសនស្សិទំ ផលំ។
Duggatiṃ nābhijānāmi, pupphāsanassidaṃ phalaṃ.
២៥.
25.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា បុប្ផាសនទាយកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā pupphāsanadāyako thero imā gāthāyo abhāsitthāti.
បុប្ផាសនទាយកត្ថេរស្សាបទានំ បញ្ចមំ។
Pupphāsanadāyakattherassāpadānaṃ pañcamaṃ.
Footnotes:
