| Library / Tipiṭaka / តិបិដក • Tipiṭaka / អបទាន-អដ្ឋកថា • Apadāna-aṭṭhakathā |
៣៣. ឧមាបុប្ផិយវគ្គោ
33. Umāpupphiyavaggo
១-១០. ឧមាបុប្ផិយត្ថេរអបទានាទិវណ្ណនា
1-10. Umāpupphiyattheraapadānādivaṇṇanā
តេត្តិំសតិមេ វគ្គេ បឋមទុតិយតតិយចតុត្ថបញ្ចមឆដ្ឋាបទានានិ ឧត្តានានិយេវ។
Tettiṃsatime vagge paṭhamadutiyatatiyacatutthapañcamachaṭṭhāpadānāni uttānāniyeva.
៥៥. សត្តមាបទានេ សមយំ អគមាសហន្តិ សមូហំ សមាគមដ្ឋានំ អហំ អគមាសិន្តិ អត្ថោ។
55. Sattamāpadāne samayaṃ agamāsahanti samūhaṃ samāgamaṭṭhānaṃ ahaṃ agamāsinti attho.
៦២. អព្ពុទនិរព្ពុទានីតិ ‘‘បកោដិសតសហស្សានំ សតំ អព្ពុទំ, អព្ពុទសតសហស្សានំ សតំ និរព្ពុទ’’ន្តិ វុត្តត្តា អាយុនា អព្ពុទនិរព្ពុទានិ គតមហាអាយុវន្តា មនុជាធិបា ចក្កវត្តិនោ ខត្តិយា អដ្ឋ អដ្ឋ ហុត្វា កប្បានំ បញ្ចវីសសហស្សម្ហិ អាសិំសុ អហេសុន្តិ អត្ថោ។ អដ្ឋមនវមទសមាបទានានិ បាកដានេវាតិ។
62.Abbudanirabbudānīti ‘‘pakoṭisatasahassānaṃ sataṃ abbudaṃ, abbudasatasahassānaṃ sataṃ nirabbuda’’nti vuttattā āyunā abbudanirabbudāni gatamahāāyuvantā manujādhipā cakkavattino khattiyā aṭṭha aṭṭha hutvā kappānaṃ pañcavīsasahassamhi āsiṃsu ahesunti attho. Aṭṭhamanavamadasamāpadānāni pākaṭānevāti.
តេត្តិំសតិមវគ្គវណ្ណនា សមត្តា។
Tettiṃsatimavaggavaṇṇanā samattā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / ខុទ្ទកនិកាយ • Khuddakanikāya / អបទានបាឡិ • Apadānapāḷi / ៧. និគ្គុណ្ឌិបុប្ផិយត្ថេរអបទានំ • 7. Nigguṇḍipupphiyattheraapadānaṃ
