สํยุตฺต นิกาย ๒๒ฯ๑๔๙

๑๔ฯ กุกฺกุฬวคฺค

อนตฺตานุปสฺสีสุตฺต

สาวตฺถินิทานํฯ

“สทฺธาปพฺพชิตสฺส, ภิกฺขเว, กุลปุตฺตสฺส อยมนุธมฺโม โหติ—ยํ รูเป อนตฺตานุปสฺสี วิหเรยฺยฯ เวทนาย … สญฺญาย … สงฺขาเรสุ … วิญฺญาเณ อนตฺตานุปสฺสี วิหเรยฺยฯ อนตฺตานุปสฺสี วิหรนฺโต, เวทนาย … สญฺญาย … สงฺขาเรสุ … วิญฺญาเณ อนตฺตานุปสฺสี วิหรนฺโต รูปํ ปริชานาติ, เวทนํ …เป… สญฺญํ … สงฺขาเร … วิญฺญาณํ ปริชานาติฯ โส รูปํ ปริชานํ เวทนํ ปริชานํ สญฺญํ ปริชานํ สงฺขาเร ปริชานํ วิญฺญาณํ ปริชานํ ปริมุจฺจติ รูปมฺหา, ปริมุจฺจติ เวทนาย, ปริมุจฺจติ สญฺญาย, ปริมุจฺจติ สงฺขาเรหิ, ปริมุจฺจติ วิญฺญาณมฺหา, ปริมุจฺจติ ชาติยา ชราย มรเณน โสเกหิ ปริเทเวหิ ทุกฺเขหิ โทมนเสฺสหิ อุปายาเสหิ; ‘ปริมุจฺจติ ทุกฺขสฺมา'ติ วทามี”ติฯ

จุทฺทสมํฯ

กุกฺกุฬวคฺโค จตุตฺโถฯ

ตสฺสุทฺทานํ

กุกฺกุฬา ตโย อนิจฺเจน, ทุกฺเขน อปเร ตโย; อนตฺเตน ตโย วุตฺตา, กุลปุตฺเตน เทฺว ทุกาติฯ