| Library / Tipiṭaka / តិបិដក • Tipiṭaka / ធាតុកថាបាឡិ • Dhātukathāpāḷi |
១៤. ចុទ្ទសមនយោ
14. Cuddasamanayo
១៤. វិប្បយុត្តេនសង្គហិតាសង្គហិតបទនិទ្ទេសោ
14. Vippayuttenasaṅgahitāsaṅgahitapadaniddeso
១. ខន្ធាទិ
1. Khandhādi
៤៥៦. រូបក្ខន្ធេន យេ ធម្មា វិប្បយុត្តា, តេ ធម្មា កតិហិ ខន្ធេហិ កតិហាយតនេហិ កតិហិ ធាតូហិ សង្គហិតា? តេ ធម្មា ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ សង្គហិតា។ កតិហិ អសង្គហិតា? ឯកេន ខន្ធេន ទសហាយតនេហិ ទសហិ ធាតូហិ អសង្គហិតា។
456. Rūpakkhandhena ye dhammā vippayuttā, te dhammā katihi khandhehi katihāyatanehi katihi dhātūhi saṅgahitā? Te dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
៤៥៧. វេទនាក្ខន្ធេន យេ ធម្មា… សញ្ញាក្ខន្ធេន យេ ធម្មា… សង្ខារក្ខន្ធេន យេ ធម្មា… វិញ្ញាណក្ខន្ធេន យេ ធម្មា… មនាយតនេន យេ ធម្មា… មនិន្ទ្រិយេន យេ ធម្មា វិប្បយុត្តា, តេ ធម្មា កតិហិ ខន្ធេហិ កតិហាយតនេហិ កតិហិ ធាតូហិ សង្គហិតា? តេ ធម្មា អសង្ខតំ ខន្ធតោ ឋបេត្វា ឯកេន ខន្ធេន ឯកាទសហាយតនេហិ ឯកាទសហិ ធាតូហិ សង្គហិតា។ កតិហិ អសង្គហិតា? ចតូហិ ខន្ធេហិ ឯកេនាយតនេន សត្តហិ ធាតូហិ អសង្គហិតា។
457. Vedanākkhandhena ye dhammā… saññākkhandhena ye dhammā… saṅkhārakkhandhena ye dhammā… viññāṇakkhandhena ye dhammā… manāyatanena ye dhammā… manindriyena ye dhammā vippayuttā, te dhammā katihi khandhehi katihāyatanehi katihi dhātūhi saṅgahitā? Te dhammā asaṅkhataṃ khandhato ṭhapetvā ekena khandhena ekādasahāyatanehi ekādasahi dhātūhi saṅgahitā. Katihi asaṅgahitā? Catūhi khandhehi ekenāyatanena sattahi dhātūhi asaṅgahitā.
៤៥៨. ចក្ខាយតនេន យេ ធម្មា…បេ.… ផោដ្ឋព្ពាយតនេន យេ ធម្មា… ចក្ខុធាតុយា យេ ធម្មា…បេ.… ផោដ្ឋព្ពធាតុយា យេ ធម្មា វិប្បយុត្តា…បេ.… តេ ធម្មា ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ សង្គហិតា។ កតិហិ អសង្គហិតា? ឯកេន ខន្ធេន ទសហាយតនេហិ ទសហិ ធាតូហិ អសង្គហិតា។
458. Cakkhāyatanena ye dhammā…pe… phoṭṭhabbāyatanena ye dhammā… cakkhudhātuyā ye dhammā…pe… phoṭṭhabbadhātuyā ye dhammā vippayuttā…pe… te dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
៤៥៩. ចក្ខុវិញ្ញាណធាតុយា យេ ធម្មា… សោតវិញ្ញាណធាតុយា យេ ធម្មា… ឃានវិញ្ញាណធាតុយា យេ ធម្មា… ជិវ្ហាវិញ្ញាណធាតុយា យេ ធម្មា… កាយវិញ្ញាណធាតុយា យេ ធម្មា… មនោធាតុយា យេ ធម្មា… មនោវិញ្ញាណធាតុយា យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ សត្តរសហិ ធាតូហិ សង្គហិតា។ កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ, ឯកាយ ធាតុយា អសង្គហិតា។
459. Cakkhuviññāṇadhātuyā ye dhammā… sotaviññāṇadhātuyā ye dhammā… ghānaviññāṇadhātuyā ye dhammā… jivhāviññāṇadhātuyā ye dhammā… kāyaviññāṇadhātuyā ye dhammā… manodhātuyā ye dhammā… manoviññāṇadhātuyā ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi sattarasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi, ekāya dhātuyā asaṅgahitā.
២. សច្ចាទិ
2. Saccādi
៤៦០. ទុក្ខសច្ចេន យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា។ កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា។
460. Dukkhasaccena ye dhammā vippayuttā… te dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
៤៦១. សមុទយសច្ចេន យេ ធម្មា… មគ្គសច្ចេន យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា។ កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា។
461. Samudayasaccena ye dhammā… maggasaccena ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
៤៦២. និរោធសច្ចេន យេ ធម្មា… ចក្ខុន្ទ្រិយេន យេ ធម្មា … កាយិន្ទ្រិយេន យេ ធម្មា… ឥត្ថិន្ទ្រិយេន យេ ធម្មា… បុរិសិន្ទ្រិយេន យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ សង្គហិតា។ កតិហិ អសង្គហិតា? ឯកេន ខន្ធេន ទសហាយតនេហិ ទសហិ ធាតូហិ អសង្គហិតា។
462. Nirodhasaccena ye dhammā… cakkhundriyena ye dhammā … kāyindriyena ye dhammā… itthindriyena ye dhammā… purisindriyena ye dhammā vippayuttā… te dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
៤៦៣. សុខិន្ទ្រិយេន យេ ធម្មា… ទុក្ខិន្ទ្រិយេន យេ ធម្មា… សោមនស្សិន្ទ្រិយេន យេ ធម្មា… ទោមនស្សិន្ទ្រិយេន យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា។ កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា។
463. Sukhindriyena ye dhammā… dukkhindriyena ye dhammā… somanassindriyena ye dhammā… domanassindriyena ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
៤៦៤. ឧបេក្ខិន្ទ្រិយេន យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ តេរសហិ ធាតូហិ សង្គហិតា។ កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ បញ្ចហិ ធាតូហិ អសង្គហិតា។
464. Upekkhindriyena ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi terasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi pañcahi dhātūhi asaṅgahitā.
៤៦៥. សទ្ធិន្ទ្រិយេន យេ ធម្មា… វីរិយិន្ទ្រិយេន យេ ធម្មា… សតិន្ទ្រិយេន យេ ធម្មា… សមាធិន្ទ្រិយេន យេ ធម្មា… បញ្ញិន្ទ្រិយេន យេ ធម្មា… អនញ្ញាតញ្ញស្សាមីតិន្ទ្រិយេន យេ ធម្មា… អញ្ញិន្ទ្រិយេន យេ ធម្មា… អញ្ញាតាវិន្ទ្រិយេន យេ ធម្មា… អវិជ្ជាយ យេ ធម្មា… អវិជ្ជាបច្ចយា សង្ខារេហិ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា។ កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា។
465. Saddhindriyena ye dhammā… vīriyindriyena ye dhammā… satindriyena ye dhammā… samādhindriyena ye dhammā… paññindriyena ye dhammā… anaññātaññassāmītindriyena ye dhammā… aññindriyena ye dhammā… aññātāvindriyena ye dhammā… avijjāya ye dhammā… avijjāpaccayā saṅkhārehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
៤៦៦. សង្ខារបច្ចយា វិញ្ញាណេន យេ ធម្មា… សឡាយតនបច្ចយា ផស្សេន យេ ធម្មា… ផស្សបច្ចយា វេទនាយ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា ឯកេន ខន្ធេន ឯកាទសហាយតនេហិ ឯកាទសហិ ធាតូហិ សង្គហិតា។ កតិហិ អសង្គហិតា? ចតូហិ ខន្ធេហិ ឯកេនាយតនេន សត្តហិ ធាតូហិ អសង្គហិតា។
466. Saṅkhārapaccayā viññāṇena ye dhammā… saḷāyatanapaccayā phassena ye dhammā… phassapaccayā vedanāya ye dhammā vippayuttā… te dhammā asaṅkhataṃ khandhato ṭhapetvā ekena khandhena ekādasahāyatanehi ekādasahi dhātūhi saṅgahitā. Katihi asaṅgahitā? Catūhi khandhehi ekenāyatanena sattahi dhātūhi asaṅgahitā.
៤៦៧. វេទនាបច្ចយា តណ្ហាយ យេ ធម្មា… តណ្ហាបច្ចយា ឧបាទានេន យេ ធម្មា… កម្មភវេន យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា។ កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា។
467. Vedanāpaccayā taṇhāya ye dhammā… taṇhāpaccayā upādānena ye dhammā… kammabhavena ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
៤៦៨. ឧបបត្តិភវេន យេ ធម្មា… សញ្ញាភវេន យេ ធម្មា… បញ្ចវោការភវេន យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ តីហិ ធាតូហិ សង្គហិតា។ កតិហិ អសង្គហិតា? ឯកេន ខន្ធេន ទសហាយតនេហិ បន្នរសហិ ធាតូហិ អសង្គហិតា។
468. Upapattibhavena ye dhammā… saññābhavena ye dhammā… pañcavokārabhavena ye dhammā vippayuttā… te dhammā catūhi khandhehi dvīhāyatanehi tīhi dhātūhi saṅgahitā. Katihi asaṅgahitā? Ekena khandhena dasahāyatanehi pannarasahi dhātūhi asaṅgahitā.
៤៦៩. កាមភវេន យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ បញ្ចហិ ធាតូហិ សង្គហិតា។ កតិហិ អសង្គហិតា? ឯកេន ខន្ធេន ទសហាយតនេហិ តេរសហិ ធាតូហិ អសង្គហិតា។
469. Kāmabhavena ye dhammā vippayuttā… te dhammā catūhi khandhehi dvīhāyatanehi pañcahi dhātūhi saṅgahitā. Katihi asaṅgahitā? Ekena khandhena dasahāyatanehi terasahi dhātūhi asaṅgahitā.
៤៧០. រូបភវេន យេ ធម្មា… អសញ្ញាភវេន យេ ធម្មា… ឯកវោការភវេន យេ ធម្មា… បរិទេវេន យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ សង្គហិតា។ កតិហិ អសង្គហិតា? ឯកេន ខន្ធេន ទសហាយតនេហិ ទសហិ ធាតូហិ អសង្គហិតា។
470. Rūpabhavena ye dhammā… asaññābhavena ye dhammā… ekavokārabhavena ye dhammā… paridevena ye dhammā vippayuttā… te dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
៤៧១. អរូបភវេន យេ ធម្មា… នេវសញ្ញានាសញ្ញាភវេន យេ ធម្មា… ចតុវោការភវេន យេ ធម្មា… សោកេន យេ ធម្មា… ទុក្ខេន យេ ធម្មា… ទោមនស្សេន យេ ធម្មា… ឧបាយាសេន យេ ធម្មា… សតិបដ្ឋានេន យេ ធម្មា… សម្មប្បធានេន យេ ធម្មា… ឥទ្ធិបាទេន យេ ធម្មា… ឈានេន យេ ធម្មា… អប្បមញ្ញាយ យេ ធម្មា… បញ្ចហិ ឥន្ទ្រិយេហិ យេ ធម្មា… បញ្ចហិ ពលេហិ យេ ធម្មា … សត្តហិ ពោជ្ឈង្គេហិ យេ ធម្មា… អរិយេន អដ្ឋង្គិកេន មគ្គេន យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា។ កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា។
471. Arūpabhavena ye dhammā… nevasaññānāsaññābhavena ye dhammā… catuvokārabhavena ye dhammā… sokena ye dhammā… dukkhena ye dhammā… domanassena ye dhammā… upāyāsena ye dhammā… satipaṭṭhānena ye dhammā… sammappadhānena ye dhammā… iddhipādena ye dhammā… jhānena ye dhammā… appamaññāya ye dhammā… pañcahi indriyehi ye dhammā… pañcahi balehi ye dhammā … sattahi bojjhaṅgehi ye dhammā… ariyena aṭṭhaṅgikena maggena ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
៣. ផស្សាទិសត្តកំ
3. Phassādisattakaṃ
៤៧២. ផស្សេន យេ ធម្មា… វេទនាយ យេ ធម្មា… សញ្ញាយ យេ ធម្មា… ចេតនាយ យេ ធម្មា… ចិត្តេន យេ ធម្មា… មនសិការេន យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា ឯកេន ខន្ធេន ឯកាទសហាយតនេហិ ឯកាទសហិ ធាតូហិ សង្គហិតា។ កតិហិ អសង្គហិតា? ចតូហិ ខន្ធេហិ ឯកេនាយតនេន សត្តហិ ធាតូហិ អសង្គហិតា។
472. Phassena ye dhammā… vedanāya ye dhammā… saññāya ye dhammā… cetanāya ye dhammā… cittena ye dhammā… manasikārena ye dhammā vippayuttā… te dhammā asaṅkhataṃ khandhato ṭhapetvā ekena khandhena ekādasahāyatanehi ekādasahi dhātūhi saṅgahitā. Katihi asaṅgahitā? Catūhi khandhehi ekenāyatanena sattahi dhātūhi asaṅgahitā.
៤៧៣. អធិមោក្ខេន យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ សត្តរសហិ ធាតូហិ សង្គហិតា។ កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ឯកាយ ធាតុយា អសង្គហិតា។
473. Adhimokkhena ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi sattarasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi ekāya dhātuyā asaṅgahitā.
៤. តិកំ
4. Tikaṃ
៤៧៤. កុសលេហិ ធម្មេហិ យេ ធម្មា… អកុសលេហិ ធម្មេហិ យេ ធម្មា… សុខាយ វេទនាយ សម្បយុត្តេហិ ធម្មេហិ យេ ធម្មា… ទុក្ខាយ វេទនាយ សម្បយុត្តេហិ ធម្មេហិ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា។ កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា។
474. Kusalehi dhammehi ye dhammā… akusalehi dhammehi ye dhammā… sukhāya vedanāya sampayuttehi dhammehi ye dhammā… dukkhāya vedanāya sampayuttehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
៤៧៥. អព្យាកតេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា។ កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា។
475. Abyākatehi dhammehi ye dhammā vippayuttā… te dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
៤៧៦. អទុក្ខមសុខាយ វេទនាយ សម្បយុត្តេហិ ធម្មេហិ យេ ធម្មា… វិបាកេហិ ធម្មេហិ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ តេរសហិ ធាតូហិ សង្គហិតា។ កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ បញ្ចហិ ធាតូហិ អសង្គហិតា។
476. Adukkhamasukhāya vedanāya sampayuttehi dhammehi ye dhammā… vipākehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi terasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi pañcahi dhātūhi asaṅgahitā.
៤៧៧. វិបាកធម្មធម្មេហិ យេ ធម្មា… សំកិលិដ្ឋសំកិលេសិកេហិ ធម្មេហិ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា។ កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា។
477. Vipākadhammadhammehi ye dhammā… saṃkiliṭṭhasaṃkilesikehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
៤៧៨. នេវវិបាកនវិបាកធម្មធម្មេហិ យេ ធម្មា… អនុបាទិន្នុបាទានិយេហិ ធម្មេហិ យេ ធម្មា… អនុបាទិន្នអនុបាទានិយេហិ ធម្មេហិ យេ ធម្មា… អសំកិលិដ្ឋអសំកិលេសិកេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ សង្គហិតា។ កតិហិ អសង្គហិតា? ឯកេន ខន្ធេន ទសហាយតនេហិ ទសហិ ធាតូហិ អសង្គហិតា។
478. Nevavipākanavipākadhammadhammehi ye dhammā… anupādinnupādāniyehi dhammehi ye dhammā… anupādinnaanupādāniyehi dhammehi ye dhammā… asaṃkiliṭṭhaasaṃkilesikehi dhammehi ye dhammā vippayuttā… te dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
៤៧៩. ឧបាទិន្នុបាទានិយេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ តីហិ ធាតូហិ សង្គហិតា។ កតិហិ អសង្គហិតា? ឯកេន ខន្ធេន ទសហាយតនេហិ បន្នរសហិ ធាតូហិ អសង្គហិតា។
479. Upādinnupādāniyehi dhammehi ye dhammā vippayuttā… te dhammā catūhi khandhehi dvīhāyatanehi tīhi dhātūhi saṅgahitā. Katihi asaṅgahitā? Ekena khandhena dasahāyatanehi pannarasahi dhātūhi asaṅgahitā.
៤៨០. អសំកិលិដ្ឋសំកិលេសិកេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា។ កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា។
480. Asaṃkiliṭṭhasaṃkilesikehi dhammehi ye dhammā vippayuttā… te dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
៤៨១. សវិតក្កសវិចារេហិ ធម្មេហិ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ សត្តរសហិ ធាតូហិ សង្គហិតា។ កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ឯកាយ ធាតុយា អសង្គហិតា។
481. Savitakkasavicārehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi sattarasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi ekāya dhātuyā asaṅgahitā.
៤៨២. អវិតក្កវិចារមត្តេហិ ធម្មេហិ យេ ធម្មា… បីតិសហគតេហិ ធម្មេហិ យេ ធម្មា… សុខសហគតេហិ ធម្មេហិ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា។ កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា។
482. Avitakkavicāramattehi dhammehi ye dhammā… pītisahagatehi dhammehi ye dhammā… sukhasahagatehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
៤៨៣. អវិតក្កអវិចារេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ តីហិ ធាតូហិ សង្គហិតា។ កតិហិ អសង្គហិតា? ឯកេន ខន្ធេន ទសហាយតនេហិ បន្នរសហិ ធាតូហិ អសង្គហិតា។
483. Avitakkaavicārehi dhammehi ye dhammā vippayuttā… te dhammā catūhi khandhehi dvīhāyatanehi tīhi dhātūhi saṅgahitā. Katihi asaṅgahitā? Ekena khandhena dasahāyatanehi pannarasahi dhātūhi asaṅgahitā.
៤៨៤. ឧបេក្ខាសហគតេហិ ធម្មេហិ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ តេរសហិ ធាតូហិ សង្គហិតា។ កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ បញ្ចហិ ធាតូហិ អសង្គហិតា។
484. Upekkhāsahagatehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi terasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi pañcahi dhātūhi asaṅgahitā.
៤៨៥. ទស្សនេន បហាតព្ពេហិ ធម្មេហិ យេ ធម្មា… ភាវនាយ បហាតព្ពេហិ ធម្មេហិ យេ ធម្មា… ទស្សនេន បហាតព្ពហេតុកេហិ ធម្មេហិ យេ ធម្មា… ភាវនាយ បហាតព្ពហេតុកេហិ ធម្មេហិ យេ ធម្មា… អាចយគាមីហិ ធម្មេហិ យេ ធម្មា… អបចយគាមីហិ ធម្មេហិ យេ ធម្មា… សេក្ខេហិ ធម្មេហិ យេ ធម្មា… អសេក្ខេហិ ធម្មេហិ យេ ធម្មា… មហគ្គតេហិ ធម្មេហិ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា។ កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា។
485. Dassanena pahātabbehi dhammehi ye dhammā… bhāvanāya pahātabbehi dhammehi ye dhammā… dassanena pahātabbahetukehi dhammehi ye dhammā… bhāvanāya pahātabbahetukehi dhammehi ye dhammā… ācayagāmīhi dhammehi ye dhammā… apacayagāmīhi dhammehi ye dhammā… sekkhehi dhammehi ye dhammā… asekkhehi dhammehi ye dhammā… mahaggatehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
៤៨៦. នេវ ទស្សនេន ន ភាវនាយ បហាតព្ពេហិ ធម្មេហិ យេ ធម្មា… នេវ ទស្សនេន ន ភាវនាយ បហាតព្ពហេតុកេហិ ធម្មេហិ យេ ធម្មា… នេវាចយគាមិនាបចយគាមីហិ ធម្មេហិ យេ ធម្មា… នេវសេក្ខនាសេក្ខេហិ ធម្មេហិ យេ ធម្មា… បរិត្តេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា។ កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា។
486. Neva dassanena na bhāvanāya pahātabbehi dhammehi ye dhammā… neva dassanena na bhāvanāya pahātabbahetukehi dhammehi ye dhammā… nevācayagāmināpacayagāmīhi dhammehi ye dhammā… nevasekkhanāsekkhehi dhammehi ye dhammā… parittehi dhammehi ye dhammā vippayuttā… te dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
៤៨៧. អប្បមាណេហិ ធម្មេហិ យេ ធម្មា… បណីតេហិ ធម្មេហិ យេ វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ សង្គហិតា។ កតិហិ អសង្គហិតា? ឯកេន ខន្ធេន ទសហាយតនេហិ ទសហិ ធាតូហិ អសង្គហិតា។
487. Appamāṇehi dhammehi ye dhammā… paṇītehi dhammehi ye vippayuttā… te dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
៤៨៨. បរិត្តារម្មណេហិ ធម្មេហិ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ ទ្វាទសហិ ធាតូហិ សង្គហិតា។ កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ឆហិ ធាតូហិ អសង្គហិតា។
488. Parittārammaṇehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi dvādasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi chahi dhātūhi asaṅgahitā.
៤៨៩. មហគ្គតារម្មណេហិ ធម្មេហិ យេ ធម្មា… អប្បមាណារម្មណេហិ ធម្មេហិ យេ ធម្មា… ហីនេហិ ធម្មេហិ យេ ធម្មា… មិច្ឆត្តនិយតេហិ ធម្មេហិ យេ ធម្មា… សម្មត្តនិយតេហិ ធម្មេហិ យេ ធម្មា… មគ្គារម្មណេហិ ធម្មេហិ យេ ធម្មា… មគ្គហេតុកេហិ ធម្មេហិ យេ ធម្មា… មគ្គាធិបតីហិ ធម្មេហិ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា។ កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា។
489. Mahaggatārammaṇehi dhammehi ye dhammā… appamāṇārammaṇehi dhammehi ye dhammā… hīnehi dhammehi ye dhammā… micchattaniyatehi dhammehi ye dhammā… sammattaniyatehi dhammehi ye dhammā… maggārammaṇehi dhammehi ye dhammā… maggahetukehi dhammehi ye dhammā… maggādhipatīhi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
៤៩០. មជ្ឈិមេហិ ធម្មេហិ យេ ធម្មា… អនិយតេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា។ កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា។
490. Majjhimehi dhammehi ye dhammā… aniyatehi dhammehi ye dhammā vippayuttā… te dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
៤៩១. ឧប្បន្នេហិ ធម្មេហិ យេ ធម្មា… អនុប្បន្នេហិ ធម្មេហិ យេ ធម្មា… ឧប្បាទីហិ ធម្មេហិ យេ ធម្មា… អតីតេហិ ធម្មេហិ យេ ធម្មា… អនាគតេហិ ធម្មេហិ យេ ធម្មា… បច្ចុប្បន្នេហិ ធម្មេហិ យេ ធម្មា… អជ្ឈត្តេហិ ធម្មេហិ យេ ធម្មា… ពហិទ្ធាហិ ធម្មេហិ យេ ធម្មា… សនិទស្សនសប្បដិឃេហិ ធម្មេហិ យេ ធម្មា… អនិទស្សនសប្បដិឃេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ សង្គហិតា។ កតិហិ អសង្គហិតា? ឯកេន ខន្ធេន ទសហាយតនេហិ ទសហិ ធាតូហិ អសង្គហិតា។
491. Uppannehi dhammehi ye dhammā… anuppannehi dhammehi ye dhammā… uppādīhi dhammehi ye dhammā… atītehi dhammehi ye dhammā… anāgatehi dhammehi ye dhammā… paccuppannehi dhammehi ye dhammā… ajjhattehi dhammehi ye dhammā… bahiddhāhi dhammehi ye dhammā… sanidassanasappaṭighehi dhammehi ye dhammā… anidassanasappaṭighehi dhammehi ye dhammā vippayuttā… te dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
៤៩២. អតីតារម្មណេហិ ធម្មេហិ យេ ធម្មា… អនាគតារម្មណេហិ ធម្មេហិ យេ ធម្មា… អជ្ឈត្តារម្មណេហិ ធម្មេហិ យេ ធម្មា… ពហិទ្ធារម្មណេហិ ធម្មេហិ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា។ កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា។
492. Atītārammaṇehi dhammehi ye dhammā… anāgatārammaṇehi dhammehi ye dhammā… ajjhattārammaṇehi dhammehi ye dhammā… bahiddhārammaṇehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
៤៩៣. បច្ចុប្បន្នារម្មណេហិ ធម្មេហិ យេ ធម្មា… អជ្ឈត្តពហិទ្ធារម្មណេហិ ធម្មេហិ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ ទ្វាទសហិ ធាតូហិ សង្គហិតា។ កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ឆហិ ធាតូហិ អសង្គហិតា។
493. Paccuppannārammaṇehi dhammehi ye dhammā… ajjhattabahiddhārammaṇehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi dvādasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi chahi dhātūhi asaṅgahitā.
៥. ទុកំ
5. Dukaṃ
៤៩៤. ហេតូហិ ធម្មេហិ យេ ធម្មា… សហេតុកេហិ ធម្មេហិ យេ ធម្មា… ហេតុសម្បយុត្តេហិ ធម្មេហិ យេ ធម្មា… ហេតូហិ ចេវ សហេតុកេហិ ច ធម្មេហិ យេ ធម្មា… សហេតុកេហិ ចេវ ន ច ហេតូហិ ធម្មេហិ យេ ធម្មា… ហេតូហិ ចេវ ហេតុសម្បយុត្តេហិ ច ធម្មេហិ យេ ធម្មា… ហេតុសម្បយុត្តេហិ ចេវ ន ច ហេតូហិ ធម្មេហិ យេ ធម្មា… ន ហេតុសហេតុកេហិ ធម្មេហិ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា។ កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា។
494. Hetūhi dhammehi ye dhammā… sahetukehi dhammehi ye dhammā… hetusampayuttehi dhammehi ye dhammā… hetūhi ceva sahetukehi ca dhammehi ye dhammā… sahetukehi ceva na ca hetūhi dhammehi ye dhammā… hetūhi ceva hetusampayuttehi ca dhammehi ye dhammā… hetusampayuttehi ceva na ca hetūhi dhammehi ye dhammā… na hetusahetukehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
៤៩៥. អហេតុកេហិ ធម្មេហិ យេ ធម្មា… ហេតុវិប្បយុត្តេហិ ធម្មេហិ យេ ធម្មា… ន ហេតុអហេតុកេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា។ កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា។
495. Ahetukehi dhammehi ye dhammā… hetuvippayuttehi dhammehi ye dhammā… na hetuahetukehi dhammehi ye dhammā vippayuttā… te dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
៤៩៦. អប្បច្ចយេហិ ធម្មេហិ យេ ធម្មា… អសង្ខតេហិ ធម្មេហិ យេ ធម្មា… សនិទស្សនេហិ ធម្មេហិ យេ ធម្មា… សប្បដិឃេហិ ធម្មេហិ យេ ធម្មា… រូបីហិ ធម្មេហិ យេ ធម្មា… លោកុត្តរេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ សង្គហិតា។ កតិហិ អសង្គហិតា? ឯកេន ខន្ធេន ទសហាយតនេហិ ទសហិ ធាតូហិ អសង្គហិតា។
496. Appaccayehi dhammehi ye dhammā… asaṅkhatehi dhammehi ye dhammā… sanidassanehi dhammehi ye dhammā… sappaṭighehi dhammehi ye dhammā… rūpīhi dhammehi ye dhammā… lokuttarehi dhammehi ye dhammā vippayuttā… te dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
៤៩៧. លោកិយេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា។ កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា។
497. Lokiyehi dhammehi ye dhammā vippayuttā… te dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
៤៩៨. អាសវេហិ ធម្មេហិ យេ ធម្មា… អាសវសម្បយុត្តេហិ ធម្មេហិ យេ ធម្មា… អាសវេហិ ចេវ សាសវេហិ ច ធម្មេហិ យេ ធម្មា… អាសវេហិ ចេវ អាសវសម្បយុត្តេហិ ច ធម្មេហិ យេ ធម្មា… អាសវសម្បយុត្តេហិ ចេវ នោ ច អាសវេហិ ធម្មេហិ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា។ កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា។
498. Āsavehi dhammehi ye dhammā… āsavasampayuttehi dhammehi ye dhammā… āsavehi ceva sāsavehi ca dhammehi ye dhammā… āsavehi ceva āsavasampayuttehi ca dhammehi ye dhammā… āsavasampayuttehi ceva no ca āsavehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
៤៩៩. សាសវេហិ ធម្មេហិ យេ ធម្មា… អាសវវិប្បយុត្តេហិ ធម្មេហិ យេ ធម្មា… សាសវេហិ ចេវ នោ ច អាសវេហិ ធម្មេហិ យេ ធម្មា… អាសវវិប្បយុត្តេហិ សាសវេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា។ កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា។
499. Sāsavehi dhammehi ye dhammā… āsavavippayuttehi dhammehi ye dhammā… sāsavehi ceva no ca āsavehi dhammehi ye dhammā… āsavavippayuttehi sāsavehi dhammehi ye dhammā vippayuttā… te dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
៥០០. អនាសវេហិ ធម្មេហិ យេ ធម្មា… អាសវវិប្បយុត្តេហិ អនាសវេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ សង្គហិតា។ កតិហិ អសង្គហិតា? ឯកេន ខន្ធេន ទសហាយតនេហិ ទសហិ ធាតូហិ អសង្គហិតា។
500. Anāsavehi dhammehi ye dhammā… āsavavippayuttehi anāsavehi dhammehi ye dhammā vippayuttā… te dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
៥០១. សំយោជនេហិ ធម្មេហិ យេ ធម្មា… គន្ថេហិ ធម្មេហិ យេ ធម្មា… ឱឃេហិ ធម្មេហិ យេ ធម្មា… យោគេហិ ធម្មេហិ យេ ធម្មា… នីវរណេហិ ធម្មេហិ យេ ធម្មា… បរាមាសេហិ ធម្មេហិ យេ ធម្មា… បរាមាសសម្បយុត្តេហិ ធម្មេហិ យេ ធម្មា… បរាមាសេហិ ចេវ បរាមដ្ឋេហិ ច ធម្មេហិ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា។ កតិហិ អសង្គហិតា ? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា។
501. Saṃyojanehi dhammehi ye dhammā… ganthehi dhammehi ye dhammā… oghehi dhammehi ye dhammā… yogehi dhammehi ye dhammā… nīvaraṇehi dhammehi ye dhammā… parāmāsehi dhammehi ye dhammā… parāmāsasampayuttehi dhammehi ye dhammā… parāmāsehi ceva parāmaṭṭhehi ca dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā ? Na kehici khandhehi na kehici āyatanehi na kāhici dhātūhi asaṅgahitā.
៥០២. បរាមដ្ឋេហិ ធម្មេហិ យេ ធម្មា… បរាមាសវិប្បយុត្តេហិ ធម្មេហិ យេ ធម្មា… បរាមដ្ឋេហិ ចេវ នោ ច បរាមាសេហិ ធម្មេហិ យេ ធម្មា… បរាមាសវិប្បយុត្តេហិ បរាមដ្ឋេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា។ កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា។
502. Parāmaṭṭhehi dhammehi ye dhammā… parāmāsavippayuttehi dhammehi ye dhammā… parāmaṭṭhehi ceva no ca parāmāsehi dhammehi ye dhammā… parāmāsavippayuttehi parāmaṭṭhehi dhammehi ye dhammā vippayuttā… te dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
៥០៣. អបរាមដ្ឋេហិ ធម្មេហិ យេ ធម្មា… បរាមាសវិប្បយុត្តេហិ អបរាមដ្ឋេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ សង្គហិតា។ កតិហិ អសង្គហិតា? ឯកេន ខន្ធេន ទសហាយតនេហិ ទសហិ ធាតូហិ អសង្គហិតា។
503. Aparāmaṭṭhehi dhammehi ye dhammā… parāmāsavippayuttehi aparāmaṭṭhehi dhammehi ye dhammā vippayuttā… te dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
៥០៤. សារម្មណេហិ ធម្មេហិ យេ ធម្មា… ចិត្តេហិ ធម្មេហិ យេ ធម្មា… ចេតសិកេហិ ធម្មេហិ យេ ធម្មា… ចិត្តសម្បយុត្តេហិ ធម្មេហិ យេ ធម្មា… ចិត្តសំសដ្ឋេហិ ធម្មេហិ យេ ធម្មា… ចិត្តសំសដ្ឋសមុដ្ឋានេហិ ធម្មេហិ យេ ធម្មា… ចិត្តសំសដ្ឋសមុដ្ឋានសហភូហិ ធម្មេហិ យេ ធម្មា… ចិត្តសំសដ្ឋសមុដ្ឋានានុបរិវត្តីហិ ធម្មេហិ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា ឯកេន ខន្ធេន ឯកាទសហាយតនេហិ ឯកាទសហិ ធាតូហិ សង្គហិតា។ កតិហិ អសង្គហិតា? ចតូហិ ខន្ធេហិ ឯកេនាយតនេន សត្តហិ ធាតូហិ អសង្គហិតា។
504. Sārammaṇehi dhammehi ye dhammā… cittehi dhammehi ye dhammā… cetasikehi dhammehi ye dhammā… cittasampayuttehi dhammehi ye dhammā… cittasaṃsaṭṭhehi dhammehi ye dhammā… cittasaṃsaṭṭhasamuṭṭhānehi dhammehi ye dhammā… cittasaṃsaṭṭhasamuṭṭhānasahabhūhi dhammehi ye dhammā… cittasaṃsaṭṭhasamuṭṭhānānuparivattīhi dhammehi ye dhammā vippayuttā… te dhammā asaṅkhataṃ khandhato ṭhapetvā ekena khandhena ekādasahāyatanehi ekādasahi dhātūhi saṅgahitā. Katihi asaṅgahitā? Catūhi khandhehi ekenāyatanena sattahi dhātūhi asaṅgahitā.
៥០៥. អនារម្មណេហិ ធម្មេហិ យេ ធម្មា… ចិត្តវិប្បយុត្តេហិ ធម្មេហិ យេ ធម្មា… ចិត្តសំសដ្ឋេហិ ធម្មេហិ យេ ធម្មា… ឧបាទាធម្មេហិ យេ ធម្មា… អនុបាទិន្នេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ សង្គហិតា។ កតិហិ អសង្គហិតា ? ឯកេន ខន្ធេន ទសហាយតនេហិ ទសហិ ធាតូហិ អសង្គហិតា។
505. Anārammaṇehi dhammehi ye dhammā… cittavippayuttehi dhammehi ye dhammā… cittasaṃsaṭṭhehi dhammehi ye dhammā… upādādhammehi ye dhammā… anupādinnehi dhammehi ye dhammā vippayuttā… te dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā ? Ekena khandhena dasahāyatanehi dasahi dhātūhi asaṅgahitā.
៥០៦. ឧបាទិន្នេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ តីហិ ធាតូហិ សង្គហិតា។ កតិហិ អសង្គហិតា? ឯកេន ខន្ធេន ទសហាយតនេហិ បន្នរសហិ ធាតូហិ អសង្គហិតា។
506. Upādinnehi dhammehi ye dhammā vippayuttā… te dhammā catūhi khandhehi dvīhāyatanehi tīhi dhātūhi saṅgahitā. Katihi asaṅgahitā? Ekena khandhena dasahāyatanehi pannarasahi dhātūhi asaṅgahitā.
៥០៧. ឧបាទានេហិ ធម្មេហិ យេ ធម្មា… កិលេសេហិ ធម្មេហិ យេ ធម្មា… សំកិលិដ្ឋេហិ ធម្មេហិ យេ ធម្មា… កិលេសសម្បយុត្តេហិ ធម្មេហិ យេ ធម្មា… កិលេសេហិ ចេវ សំកិលេសិកេហិ ច ធម្មេហិ យេ ធម្មា… កិលេសេហិ ចេវ សំកិលិដ្ឋេហិ ច ធម្មេហិ យេ ធម្មា… សំកិលិដ្ឋេហិ ចេវ នោ ច កិលេសេហិ ធម្មេហិ យេ ធម្មា… កិលេសេហិ ចេវ កិលេសសម្បយុត្តេហិ ច ធម្មេហិ យេ ធម្មា… កិលេសសម្បយុត្តេហិ ចេវ នោ ច កិលេសេហិ ធម្មេហិ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា។ កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា។
507. Upādānehi dhammehi ye dhammā… kilesehi dhammehi ye dhammā… saṃkiliṭṭhehi dhammehi ye dhammā… kilesasampayuttehi dhammehi ye dhammā… kilesehi ceva saṃkilesikehi ca dhammehi ye dhammā… kilesehi ceva saṃkiliṭṭhehi ca dhammehi ye dhammā… saṃkiliṭṭhehi ceva no ca kilesehi dhammehi ye dhammā… kilesehi ceva kilesasampayuttehi ca dhammehi ye dhammā… kilesasampayuttehi ceva no ca kilesehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
៥០៨. សំកិលេសិកេហិ ធម្មេហិ យេ ធម្មា… អសំកិលិដ្ឋេហិ ធម្មេហិ យេ ធម្មា… កិលេសវិប្បយុត្តេហិ ធម្មេហិ យេ ធម្មា… សំកិលេសិកេហិ ចេវ នោ ច កិលេសេហិ ធម្មេហិ យេ ធម្មា… កិលេសវិប្បយុត្តេហិ សំកិលេសិកេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា។ កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា។
508. Saṃkilesikehi dhammehi ye dhammā… asaṃkiliṭṭhehi dhammehi ye dhammā… kilesavippayuttehi dhammehi ye dhammā… saṃkilesikehi ceva no ca kilesehi dhammehi ye dhammā… kilesavippayuttehi saṃkilesikehi dhammehi ye dhammā vippayuttā… te dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
៥០៩. អសំកិលេសិកេហិ ធម្មេហិ យេ ធម្មា… កិលេសវិប្បយុត្តេហិ អសំកិលេសិកេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ សង្គហិតា។ កតិហិ អសង្គហិតា? ឯកេន ខន្ធេន ទសហាយតនេហិ ទសហិ ធាតូហិ អសង្គហិតា។
509. Asaṃkilesikehi dhammehi ye dhammā… kilesavippayuttehi asaṃkilesikehi dhammehi ye dhammā vippayuttā… te dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
៥១០. ទស្សនេន បហាតព្ពេហិ ធម្មេហិ យេ ធម្មា… ភាវនាយ បហាតព្ពេហិ ធម្មេហិ យេ ធម្មា… ទស្សនេន បហាតព្ពហេតុកេហិ ធម្មេហិ យេ ធម្មា… ភាវនាយ បហាតព្ពហេតុកេហិ ធម្មេហិ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា។ កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា។
510. Dassanena pahātabbehi dhammehi ye dhammā… bhāvanāya pahātabbehi dhammehi ye dhammā… dassanena pahātabbahetukehi dhammehi ye dhammā… bhāvanāya pahātabbahetukehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
៥១១. ន ទស្សនេន បហាតព្ពេហិ ធម្មេហិ យេ ធម្មា… ន ភាវនាយ បហាតព្ពេហិ ធម្មេហិ យេ ធម្មា… ន ទស្សនេន បហាតព្ពហេតុកេហិ ធម្មេហិ យេ ធម្មា… ន ភាវនាយ បហាតព្ពហេតុកេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា។ កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា។
511. Na dassanena pahātabbehi dhammehi ye dhammā… na bhāvanāya pahātabbehi dhammehi ye dhammā… na dassanena pahātabbahetukehi dhammehi ye dhammā… na bhāvanāya pahātabbahetukehi dhammehi ye dhammā vippayuttā… te dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
៥១២. សវិតក្កេហិ ធម្មេហិ យេ ធម្មា… សវិចារេហិ ធម្មេហិ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ សត្តរសហិ ធាតូហិ សង្គហិតា ។ កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ឯកាយ ធាតុយា អសង្គហិតា។
512. Savitakkehi dhammehi ye dhammā… savicārehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi sattarasahi dhātūhi saṅgahitā . Katihi asaṅgahitā? Na kehici khandhehi na kehici āyatanehi ekāya dhātuyā asaṅgahitā.
៥១៣. សប្បីតិកេហិ ធម្មេហិ យេ ធម្មា… បីតិសហគតេហិ ធម្មេហិ យេ ធម្មា… សុខសហគតេហិ ធម្មេហិ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា។ កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា។
513. Sappītikehi dhammehi ye dhammā… pītisahagatehi dhammehi ye dhammā… sukhasahagatehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
៥១៤. ឧបេក្ខាសហគតេហិ ធម្មេហិ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ តេរសហិ ធាតូហិ សង្គហិតា។ កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ បញ្ចហិ ធាតូហិ អសង្គហិតា។
514. Upekkhāsahagatehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi terasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi pañcahi dhātūhi asaṅgahitā.
៥១៥. កាមាវចរេហិ ធម្មេហិ យេ ធម្មា… បរិយាបន្នេហិ ធម្មេហិ យេ ធម្មា… សឧត្តរេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា។ កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា។
515. Kāmāvacarehi dhammehi ye dhammā… pariyāpannehi dhammehi ye dhammā… sauttarehi dhammehi ye dhammā vippayuttā… te dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
៥១៦. ន កាមាវចរេហិ ធម្មេហិ យេ ធម្មា… អបរិយាបន្នេហិ ធម្មេហិ យេ ធម្មា… អនុត្តរេហិ ធម្មេហិ យេ ធម្មា វិប្បយុត្តា… តេ ធម្មា ចតូហិ ខន្ធេហិ ទ្វីហាយតនេហិ អដ្ឋហិ ធាតូហិ សង្គហិតា។ កតិហិ អសង្គហិតា? ឯកេន ខន្ធេន ទសហាយតនេហិ ទសហិ ធាតូហិ អសង្គហិតា។
516. Na kāmāvacarehi dhammehi ye dhammā… apariyāpannehi dhammehi ye dhammā… anuttarehi dhammehi ye dhammā vippayuttā… te dhammā catūhi khandhehi dvīhāyatanehi aṭṭhahi dhātūhi saṅgahitā. Katihi asaṅgahitā? Ekena khandhena dasahāyatanehi dasahi dhātūhi asaṅgahitā.
៥១៧. រូបាវចរេហិ ធម្មេហិ យេ ធម្មា… អរូបាវចរេហិ ធម្មេហិ យេ ធម្មា… និយ្យានិកេហិ ធម្មេហិ យេ ធម្មា… និយតេហិ ធម្មេហិ យេ ធម្មា … សរណេហិ ធម្មេហិ យេ ធម្មា វិប្បយុត្តា… តេ ធម្មា អសង្ខតំ ខន្ធតោ ឋបេត្វា បញ្ចហិ ខន្ធេហិ ទ្វាទសហាយតនេហិ អដ្ឋារសហិ ធាតូហិ សង្គហិតា។ កតិហិ អសង្គហិតា? ន កេហិចិ ខន្ធេហិ ន កេហិចិ អាយតនេហិ ន កាហិចិ ធាតូហិ អសង្គហិតា។
517. Rūpāvacarehi dhammehi ye dhammā… arūpāvacarehi dhammehi ye dhammā… niyyānikehi dhammehi ye dhammā… niyatehi dhammehi ye dhammā … saraṇehi dhammehi ye dhammā vippayuttā… te dhammā asaṅkhataṃ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā. Katihi asaṅgahitā? Na kehici khandhehi na kehici āyatanehi na kāhici dhātūhi asaṅgahitā.
៥១៨. ន រូបាវចរេហិ ធម្មេហិ យេ ធម្មា… ន អរូបាវចរេហិ ធម្មេហិ យេ ធម្មា… អនិយ្យានិកេហិ ធម្មេហិ យេ ធម្មា… អនិយតេហិ ធម្មេហិ យេ ធម្មា… អរណេហិ ធម្មេហិ យេ ធម្មា វិប្បយុត្តា , តេ ធម្មា កតិហិ ខន្ធេហិ កតិហាយតនេហិ កតិហិ ធាតូហិ សង្គហិតា? តេ ធម្មា ចតូហិ ខន្ធេហិ ទ្វីហាយតនេហិ ទ្វីហិ ធាតូហិ សង្គហិតា។ កតិហិ អសង្គហិតា? ឯកេន ខន្ធេន ទសហាយតនេហិ សោឡសហិ ធាតូហិ អសង្គហិតា។
518. Na rūpāvacarehi dhammehi ye dhammā… na arūpāvacarehi dhammehi ye dhammā… aniyyānikehi dhammehi ye dhammā… aniyatehi dhammehi ye dhammā… araṇehi dhammehi ye dhammā vippayuttā , te dhammā katihi khandhehi katihāyatanehi katihi dhātūhi saṅgahitā? Te dhammā catūhi khandhehi dvīhāyatanehi dvīhi dhātūhi saṅgahitā. Katihi asaṅgahitā? Ekena khandhena dasahāyatanehi soḷasahi dhātūhi asaṅgahitā.
ធម្មាយតនំ ធម្មធាតុ, អថ ជីវិតំ នាមរូបំ;
Dhammāyatanaṃ dhammadhātu, atha jīvitaṃ nāmarūpaṃ;
សឡាយតនំ ជាតិជរាមតំ, ទ្វេ ច តិកេ ន លព្ភរេ។
Saḷāyatanaṃ jātijarāmataṃ, dve ca tike na labbhare.
បឋមន្តរេ សត្ត ច, គោច្ឆកេ ទស អបរន្តេ;
Paṭhamantare satta ca, gocchake dasa aparante;
ចុទ្ទស ឆ ច មត្ថកេ, ឥច្ចេតេ សត្តចត្តាលីស ធម្មា;
Cuddasa cha ca matthake, iccete sattacattālīsa dhammā;
សមុច្ឆេទេ ន លព្ភន្តិ, មោឃបុច្ឆកេន ចាតិ។
Samucchede na labbhanti, moghapucchakena cāti.
វិប្បយុត្តេនសង្គហិតាសង្គហិតបទនិទ្ទេសោ ចុទ្ទសមោ។
Vippayuttenasaṅgahitāsaṅgahitapadaniddeso cuddasamo.
ធាតុកថាបករណំ និដ្ឋិតំ។
Dhātukathāpakaraṇaṃ niṭṭhitaṃ.
Related texts:
អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ១៤. ចុទ្ទសមនយោ វិប្បយុត្តេនសង្គហិតាសង្គហិតបទវណ្ណនា • 14. Cuddasamanayo vippayuttenasaṅgahitāsaṅgahitapadavaṇṇanā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-មូលដីកា • Pañcapakaraṇa-mūlaṭīkā / ១៤. ចុទ្ទសមនយោ វិប្បយុត្តេនសង្គហិតាសង្គហិតបទវណ្ណនា • 14. Cuddasamanayo vippayuttenasaṅgahitāsaṅgahitapadavaṇṇanā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-អនុដីកា • Pañcapakaraṇa-anuṭīkā / ១៤. ចុទ្ទសមនយោ វិប្បយុត្តេនសង្គហិតាសង្គហិតបទវណ្ណនា • 14. Cuddasamanayo vippayuttenasaṅgahitāsaṅgahitapadavaṇṇanā
