| Library / Tipiṭaka / តិបិដក • Tipiṭaka / បញ្ចបករណ-មូលដីកា • Pañcapakaraṇa-mūlaṭīkā |
១៤. ចុទ្ទសមនយោ វិប្បយុត្តេនសង្គហិតាសង្គហិតបទវណ្ណនា
14. Cuddasamanayo vippayuttenasaṅgahitāsaṅgahitapadavaṇṇanā
៤៥៦. ចុទ្ទសមនយេ ធម្មាយតនាទីនំ អនារម្មណមិស្សកសព្ពចិត្តុប្បាទគតធម្មភាវតោ វិប្បយោគស្ស អរុហណំ ទដ្ឋព្ពំ។ ជាតិអាទិត្តយស្ស ចេត្ថ ធម្មសភាវមត្តត្តា ន កថញ្ចិ សម្បយោគោ វិប្បយោគោ ច រុហតិ អជ្ឈត្តពហិទ្ធធម្មានំ សព្ពធម្មសមោធានត្តា, អនិទស្សនអប្បដិឃាទីនំ អនារម្មណមិស្សកសព្ពចិត្តុប្បាទត្តា។ ទុក្ខសច្ចាទិធម្មាវ ឥធ តេហិ វិប្បយុត្តានំ សង្គហាសង្គហសព្ភាវា គហិតាតិ។
456. Cuddasamanaye dhammāyatanādīnaṃ anārammaṇamissakasabbacittuppādagatadhammabhāvato vippayogassa aruhaṇaṃ daṭṭhabbaṃ. Jātiādittayassa cettha dhammasabhāvamattattā na kathañci sampayogo vippayogo ca ruhati ajjhattabahiddhadhammānaṃ sabbadhammasamodhānattā, anidassanaappaṭighādīnaṃ anārammaṇamissakasabbacittuppādattā. Dukkhasaccādidhammāva idha tehi vippayuttānaṃ saṅgahāsaṅgahasabbhāvā gahitāti.
បាឡិឧទ្ទានគាថាយំ សមុច្ឆេទេ ន លព្ភន្តីតិ បរិយោសានេ នយេ ន លព្ភន្តីតិ អត្ថោ។ មោឃបុច្ឆកេន ចាតិ អលព្ភមានា ច តេ មោឃបុច្ឆកេន ហេតុនា ន លព្ភន្តិ តេសំ បុច្ឆាយ មោឃត្តាតិ វុត្តំ ហោតិ។ អថ វា មោឃបុច្ឆកោ អដ្ឋមោ នយោ, តេន ច សហ ឱសាននយេ ឯតេ ធម្មា វិប្បយោគស្សបិ អភាវា សព្ពថាបិ ន លព្ភន្តីតិ អត្ថោ។
Pāḷiuddānagāthāyaṃ samucchede na labbhantīti pariyosāne naye na labbhantīti attho. Moghapucchakena cāti alabbhamānā ca te moghapucchakena hetunā na labbhanti tesaṃ pucchāya moghattāti vuttaṃ hoti. Atha vā moghapucchako aṭṭhamo nayo, tena ca saha osānanaye ete dhammā vippayogassapi abhāvā sabbathāpi na labbhantīti attho.
ចុទ្ទសមនយវិប្បយុត្តេនសង្គហិតាសង្គហិតបទវណ្ណនា និដ្ឋិតា។
Cuddasamanayavippayuttenasaṅgahitāsaṅgahitapadavaṇṇanā niṭṭhitā.
ធាតុកថាបករណ-មូលដីកា សមត្តា។
Dhātukathāpakaraṇa-mūlaṭīkā samattā.
Related texts:
តិបិដក (មូល) • Tipiṭaka (Mūla) / អភិធម្មបិដក • Abhidhammapiṭaka / ធាតុកថាបាឡិ • Dhātukathāpāḷi / ១៤. វិប្បយុត្តេនសង្គហិតាសង្គហិតបទនិទ្ទេសោ • 14. Vippayuttenasaṅgahitāsaṅgahitapadaniddeso
អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ១៤. ចុទ្ទសមនយោ វិប្បយុត្តេនសង្គហិតាសង្គហិតបទវណ្ណនា • 14. Cuddasamanayo vippayuttenasaṅgahitāsaṅgahitapadavaṇṇanā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-អនុដីកា • Pañcapakaraṇa-anuṭīkā / ១៤. ចុទ្ទសមនយោ វិប្បយុត្តេនសង្គហិតាសង្គហិតបទវណ្ណនា • 14. Cuddasamanayo vippayuttenasaṅgahitāsaṅgahitapadavaṇṇanā
