| Library / Tipiṭaka / តិបិដក • Tipiṭaka / មហាវគ្គ-អដ្ឋកថា • Mahāvagga-aṭṭhakathā |
វស្សានេចារិកាបដិក្ខេបាទិកថា
Vassānecārikāpaṭikkhepādikathā
១៨៥-៦. យោ បក្កមេយ្យាតិ ឯត្ថ អនបេក្ខគមនេន វា អញ្ញត្ថ អរុណំ ឧដ្ឋាបនេន វា អាបត្តិ វេទិតព្ពា។ យោ អតិក្កមេយ្យាតិ ឯត្ថ វិហារគណនាយ អាបត្តិយោ វេទិតព្ពា។ សចេ ហិ តំ ទិវសំ វិហារសតស្ស ឧបចារំ ឱក្កមិត្វា អតិក្កមតិ, សតំ អាបត្តិយោ។ សចេ បន វិហារូបចារំ អតិក្កមិត្វា អញ្ញស្ស វិហារស្ស ឧបចារំ អនោក្កមិត្វាវ និវត្តតិ, ឯកា ឯវ អាបត្តិ។ កេនចិ អន្តរាយេន បុរិមិកំ អនុបគតេន បច្ឆិមិកា ឧបគន្តព្ពា។
185-6.Yo pakkameyyāti ettha anapekkhagamanena vā aññattha aruṇaṃ uṭṭhāpanena vā āpatti veditabbā. Yo atikkameyyāti ettha vihāragaṇanāya āpattiyo veditabbā. Sace hi taṃ divasaṃ vihārasatassa upacāraṃ okkamitvā atikkamati, sataṃ āpattiyo. Sace pana vihārūpacāraṃ atikkamitvā aññassa vihārassa upacāraṃ anokkamitvāva nivattati, ekā eva āpatti. Kenaci antarāyena purimikaṃ anupagatena pacchimikā upagantabbā.
វស្សំ ឧក្កឌ្ឍិតុកាមោតិ វស្សនាមកំ បឋមមាសំ ឧក្កឌ្ឍិតុកាមោ, សាវណមាសំ អកត្វា បុន អាសាឡ្ហីមាសមេវ កត្តុកាមោតិ អត្ថោ។ អាគមេ ជុណ្ហេតិ អាគមេ មាសេតិ អត្ថោ។ អនុជានាមិ ភិក្ខវេ រាជូនំ អនុវត្តិតុន្តិ ឯត្ថ វស្សុក្កឌ្ឍនេ ភិក្ខូនំ កាចិ បរិហានិ នាម នត្ថីតិ អនុវត្តិតុំ អនុញ្ញាតំ, តស្មា អញ្ញស្មិម្បិ ធម្មិកេ កម្មេ អនុវត្តិតព្ពំ។ អធម្មិកេ បន ន កស្សចិ អនុវត្តិតព្ពំ។
Vassaṃukkaḍḍhitukāmoti vassanāmakaṃ paṭhamamāsaṃ ukkaḍḍhitukāmo, sāvaṇamāsaṃ akatvā puna āsāḷhīmāsameva kattukāmoti attho. Āgame juṇheti āgame māseti attho. Anujānāmi bhikkhave rājūnaṃ anuvattitunti ettha vassukkaḍḍhane bhikkhūnaṃ kāci parihāni nāma natthīti anuvattituṃ anuññātaṃ, tasmā aññasmimpi dhammike kamme anuvattitabbaṃ. Adhammike pana na kassaci anuvattitabbaṃ.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវគ្គបាឡិ • Mahāvaggapāḷi / ១០៨. វស្សានេ ចារិកាបដិក្ខេបាទិ • 108. Vassāne cārikāpaṭikkhepādi
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / វស្សានេ ចារិកាបដិក្ខេបាទិកថាវណ្ណនា • Vassāne cārikāpaṭikkhepādikathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / វស្សានេចារិកាបដិក្ខេបាទិកថាវណ្ណនា • Vassānecārikāpaṭikkhepādikathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / វស្សូបនាយិកអនុជាននកថាទិវណ្ណនា • Vassūpanāyikaanujānanakathādivaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ១០៨. វស្សានេចារិកាបដិក្ខេបាទិកថា • 108. Vassānecārikāpaṭikkhepādikathā
