| Library / Tipiṭaka / ติปิฎก • Tipiṭaka / จูฬนิเทฺทส-อฎฺฐกถา • Cūḷaniddesa-aṭṭhakathā |
๙. โตเทยฺยมาณวสุตฺตนิเทฺทสวณฺณนา
9. Todeyyamāṇavasuttaniddesavaṇṇanā
๕๗. นวเม โตเทยฺยสุเตฺต – วิโมโกฺข ตสฺส กีทิโสติ ตสฺส กีทิโส วิโมโกฺข อิจฺฉิตโพฺพติ ปุจฺฉติฯ
57. Navame todeyyasutte – vimokkho tassa kīdisoti tassa kīdiso vimokkho icchitabboti pucchati.
๕๘. อิทานิสฺส อญฺญวิโมกฺขาภาวํ ทเสฺสโนฺต ภควา ทุติยํ คาถมาหฯ ตตฺถ วิโมโกฺข ตสฺส นาปโรติ ตสฺส อโญฺญ วิโมโกฺข นตฺถิฯ
58. Idānissa aññavimokkhābhāvaṃ dassento bhagavā dutiyaṃ gāthamāha. Tattha vimokkho tassa nāparoti tassa añño vimokkho natthi.
๕๙. เอวํ ‘‘ตณฺหกฺขโย เอว วิโมโกฺข’’ติ วุเตฺตปิ ตมตฺถํ อสลฺลเกฺขโนฺต ‘‘นิราสโส โส อุท อาสสาโน’’ติ ปุน ปุจฺฉติฯ ตตฺถ อุท ปญฺญกปฺปีติ อุทาหุ สมาปตฺติญาณาทินา ญาเณน ตณฺหากปฺปํ วา ทิฎฺฐิกปฺปํ วา กปฺปยติฯ
59. Evaṃ ‘‘taṇhakkhayo eva vimokkho’’ti vuttepi tamatthaṃ asallakkhento ‘‘nirāsaso so uda āsasāno’’ti puna pucchati. Tattha uda paññakappīti udāhu samāpattiñāṇādinā ñāṇena taṇhākappaṃ vā diṭṭhikappaṃ vā kappayati.
๖๐. อถสฺส ภควา ตํ อาจิกฺขโนฺต จตุตฺถํ คาถมาหฯ ตตฺถ กามภเวติ กาเม จ ภเว จฯ
60. Athassa bhagavā taṃ ācikkhanto catutthaṃ gāthamāha. Tattha kāmabhaveti kāme ca bhave ca.
รูเป นาสีสตีติ จตุสมุฎฺฐานิเก รูปารมฺมเณ ฉนฺทราควเสน น ปเตฺถติฯ สทฺธาทีสุปิ เอเสว นโยฯ ปลิโพธเฎฺฐน ราโค เอว กิญฺจนํ ราคกิญฺจนํ มทนเฎฺฐน วาฯ โทสกิญฺจนาทีสุปิ เอเสว นโยฯ เสสํ สพฺพตฺถ ปากฎเมวฯ
Rūpe nāsīsatīti catusamuṭṭhānike rūpārammaṇe chandarāgavasena na pattheti. Saddhādīsupi eseva nayo. Palibodhaṭṭhena rāgo eva kiñcanaṃ rāgakiñcanaṃ madanaṭṭhena vā. Dosakiñcanādīsupi eseva nayo. Sesaṃ sabbattha pākaṭameva.
เอวํ ภควา อิทมฺปิ สุตฺตํ อรหตฺตนิกูเฎเนว เทเสสิ, เทสนาปริโยสาเน จ ปุพฺพสทิโส เอว ธมฺมาภิสมโย อโหสีติฯ
Evaṃ bhagavā idampi suttaṃ arahattanikūṭeneva desesi, desanāpariyosāne ca pubbasadiso eva dhammābhisamayo ahosīti.
สทฺธมฺมปฺปโชฺชติกาย จูฬนิเทฺทส-อฎฺฐกถาย
Saddhammappajjotikāya cūḷaniddesa-aṭṭhakathāya
โตเทยฺยมาณวสุตฺตนิเทฺทสวณฺณนา นิฎฺฐิตาฯ
Todeyyamāṇavasuttaniddesavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / ขุทฺทกนิกาย • Khuddakanikāya / จูฬนิเทฺทสปาฬิ • Cūḷaniddesapāḷi
๙. โตเทยฺยมาณวปุจฺฉา • 9. Todeyyamāṇavapucchā
๙. โตเทยฺยมาณวปุจฺฉานิเทฺทโส • 9. Todeyyamāṇavapucchāniddeso
