| Library / Tipiṭaka / តិបិដក • Tipiṭaka / បរិវារបាឡិ • Parivārapāḷi |
សមុដ្ឋានសីសសង្ខេបោ
Samuṭṭhānasīsasaṅkhepo
សមុដ្ឋានស្សុទ្ទានំ
Samuṭṭhānassuddānaṃ
២៥៧.
257.
អនិច្ចា សព្ពេ សង្ខារា, ទុក្ខានត្តា ច សង្ខតា;
Aniccā sabbe saṅkhārā, dukkhānattā ca saṅkhatā;
និព្ពានញ្ចេវ បញ្ញត្តិ, អនត្តា ឥតិ និច្ឆយា។
Nibbānañceva paññatti, anattā iti nicchayā.
ពុទ្ធចន្ទេ អនុប្បន្នេ, ពុទ្ធាទិច្ចេ អនុគ្គតេ;
Buddhacande anuppanne, buddhādicce anuggate;
តេសំ សភាគធម្មានំ, នាមមត្តំ ន នាយតិ។
Tesaṃ sabhāgadhammānaṃ, nāmamattaṃ na nāyati.
ទុក្ករំ វិវិធំ កត្វា, បូរយិត្វាន បារមី;
Dukkaraṃ vividhaṃ katvā, pūrayitvāna pāramī;
ឧប្បជ្ជន្តិ មហាវីរា, ចក្ខុភូតា សព្រហ្មកេ។
Uppajjanti mahāvīrā, cakkhubhūtā sabrahmake.
តេ ទេសយន្តិ សទ្ធម្មំ, ទុក្ខហានិំ សុខាវហំ;
Te desayanti saddhammaṃ, dukkhahāniṃ sukhāvahaṃ;
អង្គីរសោ សក្យមុនិ, សព្ពភូតានុកម្បកោ។
Aṅgīraso sakyamuni, sabbabhūtānukampako.
សព្ពសត្តុត្តមោ សីហោ, បិដកេ តីណិ ទេសយិ;
Sabbasattuttamo sīho, piṭake tīṇi desayi;
សុត្តន្តមភិធម្មញ្ច, វិនយញ្ច មហាគុណំ។
Suttantamabhidhammañca, vinayañca mahāguṇaṃ.
ឯវំ នីយតិ សទ្ធម្មោ, វិនយោ យទិ តិដ្ឋតិ;
Evaṃ nīyati saddhammo, vinayo yadi tiṭṭhati;
ឧភតោ ច វិភង្គានិ, ខន្ធកា យា ច មាតិកា។
Ubhato ca vibhaṅgāni, khandhakā yā ca mātikā.
មាលា សុត្តគុណេនេវ, បរិវារេន គន្ថិតា;
Mālā suttaguṇeneva, parivārena ganthitā;
តស្សេវ បរិវារស្ស, សមុដ្ឋានំ និយតោ កតំ។
Tasseva parivārassa, samuṭṭhānaṃ niyato kataṃ.
សម្ភេទំ និទានំ ចញ្ញំ, សុត្តេ ទិស្សន្តិ ឧបរិ;
Sambhedaṃ nidānaṃ caññaṃ, sutte dissanti upari;
តស្មា សិក្ខេ បរិវារំ, ធម្មកាមោ សុបេសលោតិ។
Tasmā sikkhe parivāraṃ, dhammakāmo supesaloti.
Related texts:
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / បរិវារ-អដ្ឋកថា • Parivāra-aṭṭhakathā / សមុដ្ឋានសីសវណ្ណនា • Samuṭṭhānasīsavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / សមុដ្ឋានសីសវណ្ណនា • Samuṭṭhānasīsavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / សមុដ្ឋានសីសវណ្ណនា • Samuṭṭhānasīsavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / សមុដ្ឋានសីសវណ្ណនា • Samuṭṭhānasīsavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / សមុដ្ឋានសីសវណ្ណនា • Samuṭṭhānasīsavaṇṇanā
