| Library / Tipiṭaka / តិបិដក • Tipiṭaka / បរិវារបាឡិ • Parivārapāḷi |
តេរសសមុដ្ឋានំ
Terasasamuṭṭhānaṃ
វិភង្គេ ទ្វីសុ បញ្ញត្តំ, ឧទ្ទិសន្តិ ឧបោសថេ;
Vibhaṅge dvīsu paññattaṃ, uddisanti uposathe;
បវក្ខាមិ សមុដ្ឋានំ, យថាញាយំ សុណាថ មេ។
Pavakkhāmi samuṭṭhānaṃ, yathāñāyaṃ suṇātha me.
បារាជិកំ យំ បឋមំ, ទុតិយញ្ច តតោ បរំ;
Pārājikaṃ yaṃ paṭhamaṃ, dutiyañca tato paraṃ;
សញ្ចរិត្តានុភាសនញ្ច, អតិរេកញ្ច ចីវរំ។
Sañcarittānubhāsanañca, atirekañca cīvaraṃ.
លោមានិ បទសោធម្មោ, ភូតំ សំវិធានេន ច;
Lomāni padasodhammo, bhūtaṃ saṃvidhānena ca;
ថេយ្យទេសនចោរី ច, អននុញ្ញាតាយ តេរស។
Theyyadesanacorī ca, ananuññātāya terasa.
តេរសេតេ សមុដ្ឋាន នយា, វិញ្ញូហិ ចិន្តិតា។
Terasete samuṭṭhāna nayā, viññūhi cintitā.
ឯកេកស្មិំ សមុដ្ឋានេ, សទិសា ឥធ ទិស្សរេ។
Ekekasmiṃ samuṭṭhāne, sadisā idha dissare.
