องฺคุตฺตร นิกาย ๓

๑๘ฯ ราคเปยฺยาล

~

“ราคสฺส, ภิกฺขเว, อภิญฺญาย ตโย ธมฺมา ภาเวตพฺพาฯ กตเม ตโย? สุญฺญโต สมาธิ, อนิมิตฺโต สมาธิ, อปฺปณิหิโต สมาธิ—ราคสฺส, ภิกฺขเว, อภิญฺญาย อิเม ตโย ธมฺมา ภาเวตพฺพาฯ (…)

ราคสฺส, ภิกฺขเว, ปริญฺญาย …เป… ปริกฺขยาย … ปหานาย … ขยาย … วยาย … วิราคาย … นิโรธาย … จาคาย … ปฏินิสฺสคฺคาย อิเม ตโย ธมฺมา ภาเวตพฺพาฯ

โทสสฺส … โมหสฺส … โกธสฺส … อุปนาหสฺส … มกฺขสฺส … ปฬาสสฺส … อิสฺสาย … มจฺฉริยสฺส … มายาย … สาเฐยฺยสฺส … ถมฺภสฺส … สารมฺภสฺส … มานสฺส … อติมานสฺส … มทสฺส … ปมาทสฺส … อภิญฺญาย … ปริญฺญาย … ปริกฺขยาย … ปหานาย … ขยาย … วยาย … วิราคาย … นิโรธาย … จาคาย … ปฏินิสฺสคฺคาย อิเม ตโย ธมฺมา ภาเวตพฺพา”ติฯ

อิทมโวจ ภควาฯ อตฺตมนา เต ภิกฺขู ภควโต ภาสิตํ อภินนฺทุนฺติฯ

ราคเปยฺยาลํ นิฏฺฐิตํฯ

ตสฺสุทฺทานํ

ราคํ โทสญฺจ โมหญฺจ, โกธูปนาหปญฺจมํ; มกฺขปฬาไสสฺสา จ, มจฺฉริมายาสาเฐยฺยาฯ

ถมฺภสารมฺภมานญฺจ, อติมานมทสฺส จ; ปมาทา สตฺตรส วุตฺตา, ราคเปยฺยาลนิสฺสิตาฯ

เอเต โอปมฺมยุตฺเตน, อาปาเทน อภิญฺญาย; ปริญฺญาย ปริกฺขยา, ปหานกฺขยพฺพเยน; วิราคนิโรธจาคํ, ปฏินิสฺสคฺเค อิเม ทสฯ

สุญฺญโต อนิมิตฺโต จ, อปฺปณิหิโต จ ตโย; สมาธิมูลกา เปยฺยา—เลสุปิ ววตฺถิตา จาติฯ

ตติโย ปณฺณาสโก นิฏฺฐิโตฯ

ติกนิปาตปาฬิ นิฏฺฐิตาฯ