| Library / Tipiṭaka / តិបិដក • Tipiṭaka / វិមតិវិនោទនី-ដីកា • Vimativinodanī-ṭīkā |
៦. បាដិទេសនីយកណ្ឌំ
6. Pāṭidesanīyakaṇḍaṃ
១. បឋមបាដិទេសនីយសិក្ខាបទវណ្ណនា
1. Paṭhamapāṭidesanīyasikkhāpadavaṇṇanā
៥៥៣. បាដិទេសនីយេសុ បឋមេ បដិទេសេតព្ពាការទស្សនន្តិ ឯវំ អាបត្តិំ នវកស្ស សន្តិកេ ទេសេតព្ពាការទស្សនំ។ ឥមិនា លក្ខណេន សម្ពហុលានំ អាបត្តីនម្បិ វុឌ្ឍស្ស សន្តិកេ ច ទេសេតព្ពាការោ សក្កា វិញ្ញាតុន្តិ។ តត្រាយំ នយោ – ‘‘គារយ្ហេ, អាវុសោ, ធម្មេ អាបជ្ជិំ អសប្បាយេ បាដិទេសនីយេ’’តិ ឯវំ សម្ពហុលាសុ។ វុឌ្ឍស្ស បន សន្តិកេ ‘‘គារយ្ហំ, ភន្តេ, ធម្មំ…បេ.… គារយ្ហេ, ភន្តេ, ធម្មេ’’តិ យោជនា វេទិតព្ពា។ តត្ថ អសប្បាយន្តិ សគ្គមោក្ខន្តរាយករន្តិ អត្ថោ។ អញ្ញាតិកាយ ភិក្ខុនិយា អន្តរឃរេ ឋិតាយ ហត្ថតោ សហត្ថា យាវកាលិកគ្គហណំ, អជ្ឈោហរណន្តិ ទ្វេ អង្គានិ។
553. Pāṭidesanīyesu paṭhame paṭidesetabbākāradassananti evaṃ āpattiṃ navakassa santike desetabbākāradassanaṃ. Iminā lakkhaṇena sambahulānaṃ āpattīnampi vuḍḍhassa santike ca desetabbākāro sakkā viññātunti. Tatrāyaṃ nayo – ‘‘gārayhe, āvuso, dhamme āpajjiṃ asappāye pāṭidesanīye’’ti evaṃ sambahulāsu. Vuḍḍhassa pana santike ‘‘gārayhaṃ, bhante, dhammaṃ…pe… gārayhe, bhante, dhamme’’ti yojanā veditabbā. Tattha asappāyanti saggamokkhantarāyakaranti attho. Aññātikāya bhikkhuniyā antaraghare ṭhitāya hatthato sahatthā yāvakālikaggahaṇaṃ, ajjhoharaṇanti dve aṅgāni.
បឋមបាដិទេសនីយសិក្ខាបទវណ្ណនា និដ្ឋិតា។
Paṭhamapāṭidesanīyasikkhāpadavaṇṇanā niṭṭhitā.
៥៥៨. ទុតិយេ បរិបុណ្ណូបសម្បន្នាយ អននុញ្ញាតាការេន វោសាសនា, អនិវារេត្វា ភោជនជ្ឈោហារោតិ ទ្វេ អង្គានិ។
558. Dutiye paripuṇṇūpasampannāya ananuññātākārena vosāsanā, anivāretvā bhojanajjhohāroti dve aṅgāni.
៥៦៣. តតិយេ សេក្ខសម្មតតា, ឃរូបចារេ អនិមន្តិតតា, គិលានស្ស អនិច្ចភត្តាទិំ គហេត្វា ភុញ្ជនន្តិ តីណិ អង្គានិ។
563. Tatiye sekkhasammatatā, gharūpacāre animantitatā, gilānassa aniccabhattādiṃ gahetvā bhuñjananti tīṇi aṅgāni.
៥៧០. ចតុត្ថេ សាសង្ការញ្ញសេនាសនតា, អននុញ្ញាតំ យាវកាលិកំ អប្បដិសំវិទិតំ អជ្ឈារាមេ បដិគ្គហេត្វា អគិលានស្ស អជ្ឈោហរណន្តិ ទ្វេ អង្គានិ។ សេសំ ឧត្តានមេវ។
570. Catutthe sāsaṅkāraññasenāsanatā, ananuññātaṃ yāvakālikaṃ appaṭisaṃviditaṃ ajjhārāme paṭiggahetvā agilānassa ajjhoharaṇanti dve aṅgāni. Sesaṃ uttānameva.
បាដិទេសនីយវណ្ណនានយោ និដ្ឋិតោ។
Pāṭidesanīyavaṇṇanānayo niṭṭhito.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga
១. បឋមបាដិទេសនីយសិក្ខាបទំ • 1. Paṭhamapāṭidesanīyasikkhāpadaṃ
២. ទុតិយបាដិទេសនីយសិក្ខាបទំ • 2. Dutiyapāṭidesanīyasikkhāpadaṃ
៣. តតិយបាដិទេសនីយសិក្ខាបទំ • 3. Tatiyapāṭidesanīyasikkhāpadaṃ
៤. ចតុត្ថបាដិទេសនីយសិក្ខាបទំ • 4. Catutthapāṭidesanīyasikkhāpadaṃ
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវិភង្គ-អដ្ឋកថា • Mahāvibhaṅga-aṭṭhakathā
១. បឋមបាដិទេសនីយសិក្ខាបទវណ្ណនា • 1. Paṭhamapāṭidesanīyasikkhāpadavaṇṇanā
២. ទុតិយបាដិទេសនីយសិក្ខាបទវណ្ណនា • 2. Dutiyapāṭidesanīyasikkhāpadavaṇṇanā
៤. ចតុត្ថបាដិទេសនីយសិក្ខាបទវណ្ណនា • 4. Catutthapāṭidesanīyasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / បាដិទេសនីយសិក្ខាបទវណ្ណនា • Pāṭidesanīyasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā
១. បឋមបាដិទេសនីយសិក្ខាបទវណ្ណនា • 1. Paṭhamapāṭidesanīyasikkhāpadavaṇṇanā
២. ទុតិយបាដិទេសនីយសិក្ខាបទវណ្ណនា • 2. Dutiyapāṭidesanīyasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi
១. បឋមបាដិទេសនីយសិក្ខាបទ-អត្ថយោជនា • 1. Paṭhamapāṭidesanīyasikkhāpada-atthayojanā
២. ទុតិយបាដិទេសនីយសិក្ខាបទំ • 2. Dutiyapāṭidesanīyasikkhāpadaṃ
៤. ចតុត្ថបាដិទេសនីយសិក្ខាបទំ • 4. Catutthapāṭidesanīyasikkhāpadaṃ
