| Library / Tipiṭaka / តិបិដក • Tipiṭaka / វជិរពុទ្ធិ-ដីកា • Vajirabuddhi-ṭīkā |
៧. គព្ភិនិវគ្គវណ្ណនា
7. Gabbhinivaggavaṇṇanā
១. បឋមាទិសិក្ខាបទវណ្ណនា
1. Paṭhamādisikkhāpadavaṇṇanā
១០៦៧. ‘‘គព្ភិនិ’’ន្តិ ទស្សនាទីហិបិ គព្ភសម្ភវតោ វុត្តំ។ បទភាជនេបិ បវារិតភាវោ ន ទិស្សតិ។
1067.‘‘Gabbhini’’nti dassanādīhipi gabbhasambhavato vuttaṃ. Padabhājanepi pavāritabhāvo na dissati.
១០៧៤. ធាតិ វាតិ ឯត្ថ ទារកំ សាមិកានំ ទត្វា អាហដេ វឌ្ឍេតិ, តថា មាតាបីតិ កេចិ។
1074.Dhāti vāti ettha dārakaṃ sāmikānaṃ datvā āhaṭe vaḍḍheti, tathā mātāpīti keci.
១០៨០. ‘‘សិក្ខមាន’’ន្តិ បាឋំ ទីបវាសិនោ រោចេន្តិ កិរិយាកិរិយត្តា, ជម្ពុទីបវាសិនោ ‘‘សិក្ខមានា’’តិ។ តស្សត្ថោ សិក្ខាធម្មមាននតោ សិក្ខមានាតិ។ ឥធ កិរិយា ន ហោតិ, សញ្ញាវ អធិប្បេតា។ ន ឯតាសុ អសិក្ខិតា ឧបសម្បាទេតព្ពា ឧបជ្ឈាយិនីអាទីនំ អាបត្តិភាវា។ ‘‘តស្សា ឧបសម្បទា ហោតិ ឯវា’’តិ វទន្តិ។
1080. ‘‘Sikkhamāna’’nti pāṭhaṃ dīpavāsino rocenti kiriyākiriyattā, jambudīpavāsino ‘‘sikkhamānā’’ti. Tassattho sikkhādhammamānanato sikkhamānāti. Idha kiriyā na hoti, saññāva adhippetā. Na etāsu asikkhitā upasampādetabbā upajjhāyinīādīnaṃ āpattibhāvā. ‘‘Tassā upasampadā hoti evā’’ti vadanti.
១០៨២. ធម្មកម្មេតិ ឧបសម្បទកម្មំ អធិប្បេតំ។
1082.Dhammakammeti upasampadakammaṃ adhippetaṃ.
១១១២. វុដ្ឋាបិតន្តិ សាមណេរិភូមិតោ យាយ ថេរិយា ឧបសម្បទាបេក្ខា វុដ្ឋបិតា, សា ថេរី វុដ្ឋាបិតា នាម, តេនេវ បុន វិសេសនត្ថំ ‘‘បវត្តិនិ’’ន្តិ អាហ។
1112.Vuṭṭhāpitanti sāmaṇeribhūmito yāya theriyā upasampadāpekkhā vuṭṭhapitā, sā therī vuṭṭhāpitā nāma, teneva puna visesanatthaṃ ‘‘pavattini’’nti āha.
បឋមាទិសិក្ខាបទវណ្ណនា និដ្ឋិតា។
Paṭhamādisikkhāpadavaṇṇanā niṭṭhitā.
គព្ភិនិវគ្គវណ្ណនា និដ្ឋិតា។
Gabbhinivaggavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / ភិក្ខុនីវិភង្គ • Bhikkhunīvibhaṅga
១. បឋមសិក្ខាបទំ • 1. Paṭhamasikkhāpadaṃ
២. ទុតិយសិក្ខាបទំ • 2. Dutiyasikkhāpadaṃ
៣. តតិយសិក្ខាបទំ • 3. Tatiyasikkhāpadaṃ
៩. នវមសិក្ខាបទំ • 9. Navamasikkhāpadaṃ
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / ភិក្ខុនីវិភង្គ-អដ្ឋកថា • Bhikkhunīvibhaṅga-aṭṭhakathā / ២. ទុតិយសិក្ខាបទវណ្ណនា • 2. Dutiyasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ៥. ចិត្តាគារវគ្គវណ្ណនា • 5. Cittāgāravaggavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ១. បឋមាទិសិក្ខាបទវណ្ណនា • 1. Paṭhamādisikkhāpadavaṇṇanā
