| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੮. ਪਰੋਸਹਸ੍ਸਸੁਤ੍ਤવਣ੍ਣਨਾ
8. Parosahassasuttavaṇṇanā
੨੧੬. ਅਟ੍ਠਮੇ ਪਰੋਸਹਸ੍ਸਨ੍ਤਿ ਅਤਿਰੇਕਸਹਸ੍ਸਂ। ਅਕੁਤੋਭਯਨ੍ਤਿ ਨਿਬ੍ਬਾਨੇ ਕੁਤੋਚਿ ਭਯਂ ਨਤ੍ਥਿ, ਨਿਬ੍ਬਾਨਪ੍ਪਤ੍ਤਸ੍ਸ વਾ ਕੁਤੋਚਿ ਭਯਂ ਨਤ੍ਥੀਤਿ ਨਿਬ੍ਬਾਨਂ ਅਕੁਤੋਭਯਂ ਨਾਮ। ਇਸੀਨਂ ਇਸਿਸਤ੍ਤਮੋਤਿ વਿਪਸ੍ਸਿਤੋ ਪਟ੍ਠਾਯ ਇਸੀਨਂ ਸਤ੍ਤਮਕੋ ਇਸਿ।
216. Aṭṭhame parosahassanti atirekasahassaṃ. Akutobhayanti nibbāne kutoci bhayaṃ natthi, nibbānappattassa vā kutoci bhayaṃ natthīti nibbānaṃ akutobhayaṃ nāma. Isīnaṃ isisattamoti vipassito paṭṭhāya isīnaṃ sattamako isi.
ਕਿਂ ਨੁ ਤੇ વਙ੍ਗੀਸਾਤਿ ਇਦਂ ਭਗવਾ ਅਤ੍ਥੁਪ੍ਪਤ੍ਤਿવਸੇਨ ਆਹ। ਸਙ੍ਘਮਜ੍ਝੇ ਕਿਰ ਕਥਾ ਉਦਪਾਦਿ ‘‘વਙ੍ਗੀਸਤ੍ਥੇਰੋ વਿਸ੍ਸਟ੍ਠવਤ੍ਤੋ , ਨੇવ ਉਦ੍ਦੇਸੇ, ਨ ਪਰਿਪੁਚ੍ਛਾਯ, ਨ ਯੋਨਿਸੋਮਨਸਿਕਾਰੇ ਕਮ੍ਮਂ ਕਰੋਤਿ, ਗਾਥਾ ਬਨ੍ਧਨ੍ਤੋ ਚੁਣ੍ਣਿਯਪਦਾਨਿ ਕਰੋਨ੍ਤੋ વਿਚਰਤੀ’’ਤਿ। ਅਥ ਭਗવਾ ਚਿਨ੍ਤੇਸਿ – ‘‘ਇਮੇ ਭਿਕ੍ਖੂ વਙ੍ਗੀਸਸ੍ਸ ਪਟਿਭਾਨਸਮ੍ਪਤ੍ਤਿਂ ਨ ਜਾਨਨ੍ਤਿ, ਚਿਨ੍ਤੇਤ੍વਾ ਚਿਨ੍ਤੇਤ੍વਾ વਦਤੀਤਿ ਮਞ੍ਞਨ੍ਤਿ, ਪਟਿਭਾਨਸਮ੍ਪਤ੍ਤਿਮਸ੍ਸ ਜਾਨਾਪੇਸ੍ਸਾਮੀ’’ਤਿ ਚਿਨ੍ਤੇਤ੍વਾ, ‘‘ਕਿਂ ਨੁ ਤੇ વਙ੍ਗੀਸਾ’’ਤਿਆਦਿਮਾਹ।
Kiṃ nu te vaṅgīsāti idaṃ bhagavā atthuppattivasena āha. Saṅghamajjhe kira kathā udapādi ‘‘vaṅgīsatthero vissaṭṭhavatto , neva uddese, na paripucchāya, na yonisomanasikāre kammaṃ karoti, gāthā bandhanto cuṇṇiyapadāni karonto vicaratī’’ti. Atha bhagavā cintesi – ‘‘ime bhikkhū vaṅgīsassa paṭibhānasampattiṃ na jānanti, cintetvā cintetvā vadatīti maññanti, paṭibhānasampattimassa jānāpessāmī’’ti cintetvā, ‘‘kiṃ nu te vaṅgīsā’’tiādimāha.
ਉਮ੍ਮਗ੍ਗਪਥਨ੍ਤਿ ਅਨੇਕਾਨਿ ਕਿਲੇਸੁਮ੍ਮੁਜ੍ਜਨਸਤਾਨਿ, વਟ੍ਟਪਥਤ੍ਤਾ ਪਨ ਪਥਨ੍ਤਿ વੁਤ੍ਤਂ। ਪਭਿਜ੍ਜ ਖਿਲਾਨੀਤਿ ਰਾਗਖਿਲਾਦੀਨਿ ਪਞ੍ਚ ਭਿਨ੍ਦਿਤ੍વਾ ਚਰਸਿ। ਤਂ ਪਸ੍ਸਥਾਤਿ ਤਂ ਏવਂ ਅਭਿਭੁਯ੍ਯ ਭਿਨ੍ਦਿਤ੍વਾ ਚਰਨ੍ਤਂ ਬੁਦ੍ਧਂ ਪਸ੍ਸਥ। ਬਨ੍ਧਪਮੁਞ੍ਚਕਰਨ੍ਤਿ ਬਨ੍ਧਨਮੋਚਨਕਰਂ। ਅਸਿਤਨ੍ਤਿ ਅਨਿਸ੍ਸਿਤਂ। ਭਾਗਸੋ ਪવਿਭਜਨ੍ਤਿ ਸਤਿਪਟ੍ਠਾਨਾਦਿਕੋਟ੍ਠਾਸવਸੇਨ ਧਮ੍ਮਂ વਿਭਜਨ੍ਤਂ। ਪવਿਭਜ੍ਜਾਤਿ વਾ ਪਾਠੋ, ਅਙ੍ਗਪਚ੍ਚਙ੍ਗਕੋਟ੍ਠਾਸવਸੇਨ વਿਭਜਿਤ੍વਾ વਿਭਜਿਤ੍વਾ ਪਸ੍ਸਥਾਤਿ ਅਤ੍ਥੋ।
Ummaggapathanti anekāni kilesummujjanasatāni, vaṭṭapathattā pana pathanti vuttaṃ. Pabhijja khilānīti rāgakhilādīni pañca bhinditvā carasi. Taṃ passathāti taṃ evaṃ abhibhuyya bhinditvā carantaṃ buddhaṃ passatha. Bandhapamuñcakaranti bandhanamocanakaraṃ. Asitanti anissitaṃ. Bhāgaso pavibhajanti satipaṭṭhānādikoṭṭhāsavasena dhammaṃ vibhajantaṃ. Pavibhajjāti vā pāṭho, aṅgapaccaṅgakoṭṭhāsavasena vibhajitvā vibhajitvā passathāti attho.
ਓਘਸ੍ਸਾਤਿ ਚਤੁਰੋਘਸ੍ਸ। ਅਨੇਕવਿਹਿਤਨ੍ਤਿ ਸਤਿਪਟ੍ਠਾਨਾਦਿવਸੇਨ ਅਨੇਕવਿਧਂ। ਤਸ੍ਮਿਂ ਚ ਅਮਤੇ ਅਕ੍ਖਾਤੇਤਿ ਤਸ੍ਮਿਂ ਤੇਨ ਅਕ੍ਖਾਤੇ ਅਮਤੇ। ਧਮ੍ਮਦ੍ਦਸਾਤਿ ਧਮ੍ਮਸ੍ਸ ਪਸ੍ਸਿਤਾਰੋ। ਠਿਤਾ ਅਸਂਹੀਰਾਤਿ ਅਸਂਹਾਰਿਯਾ ਹੁਤ੍વਾ ਪਤਿਟ੍ਠਿਤਾ।
Oghassāti caturoghassa. Anekavihitanti satipaṭṭhānādivasena anekavidhaṃ. Tasmiṃ ca amate akkhāteti tasmiṃ tena akkhāte amate. Dhammaddasāti dhammassa passitāro. Ṭhitā asaṃhīrāti asaṃhāriyā hutvā patiṭṭhitā.
ਅਤਿવਿਜ੍ਝਾਤਿ ਅਤਿવਿਜ੍ਝਿਤ੍વਾ। ਸਬ੍ਬਟ੍ਠਿਤੀਨਨ੍ਤਿ ਸਬ੍ਬੇਸਂ ਦਿਟ੍ਠਿਟ੍ਠਾਨਾਨਂ વਿਞ੍ਞਾਣਟ੍ਠਿਤੀਨਂ વਾ । ਅਤਿਕ੍ਕਮਮਦ੍ਦਸਾਤਿ ਅਤਿਕ੍ਕਮਭੂਤਂ ਨਿਬ੍ਬਾਨਮਦ੍ਦਸ। ਅਗ੍ਗਨ੍ਤਿ ਉਤ੍ਤਮਧਮ੍ਮਂ। ਅਗ੍ਗੇਤਿ વਾ ਪਾਠੋ, ਪਠਮਤਰਨ੍ਤਿ ਅਤ੍ਥੋ। ਦਸਦ੍ਧਾਨਨ੍ਤਿ ਪਞ੍ਚਨ੍ਨਂ, ਅਗ੍ਗਧਮ੍ਮਂ ਪਞ੍ਚવਗ੍ਗਿਯਾਨਂ, ਅਗ੍ਗੇ વਾ ਪਞ੍ਚવਗ੍ਗਿਯਾਨਂ ਧਮ੍ਮਂ ਦੇਸੇਸੀਤਿ ਅਤ੍ਥੋ। ਤਸ੍ਮਾਤਿ ਯਸ੍ਮਾ ਏਸ ਧਮ੍ਮੋ ਸੁਦੇਸਿਤੋਤਿ ਜਾਨਨ੍ਤੇਨ ਚ ਪਮਾਦੋ ਨ ਕਾਤਬ੍ਬੋ, ਤਸ੍ਮਾ। ਅਨੁਸਿਕ੍ਖੇਤਿ ਤਿਸ੍ਸੋ ਸਿਕ੍ਖਾ ਸਿਕ੍ਖੇਯ੍ਯ। ਅਟ੍ਠਮਂ।
Ativijjhāti ativijjhitvā. Sabbaṭṭhitīnanti sabbesaṃ diṭṭhiṭṭhānānaṃ viññāṇaṭṭhitīnaṃ vā . Atikkamamaddasāti atikkamabhūtaṃ nibbānamaddasa. Agganti uttamadhammaṃ. Aggeti vā pāṭho, paṭhamataranti attho. Dasaddhānanti pañcannaṃ, aggadhammaṃ pañcavaggiyānaṃ, agge vā pañcavaggiyānaṃ dhammaṃ desesīti attho. Tasmāti yasmā esa dhammo sudesitoti jānantena ca pamādo na kātabbo, tasmā. Anusikkheti tisso sikkhā sikkheyya. Aṭṭhamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੮. ਪਰੋਸਹਸ੍ਸਸੁਤ੍ਤਂ • 8. Parosahassasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੮. ਪਰੋਸਹਸ੍ਸਸੁਤ੍ਤવਣ੍ਣਨਾ • 8. Parosahassasuttavaṇṇanā
