| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੮. ਪਰੋਸਹਸ੍ਸਸੁਤ੍ਤવਣ੍ਣਨਾ
8. Parosahassasuttavaṇṇanā
੨੧੬. ਸਹਸ੍ਸਤੋ ਪਰਂ ਅਡ੍ਢਤੇਯ੍ਯਭਿਕ੍ਖੁਸਤਂ ਤਦਾ ਭਗવਨ੍ਤਂ ਪਯਿਰੁਪਾਸਤੀਤਿ ਆਹ ‘‘ਪਰੋਸਹਸ੍ਸਨ੍ਤਿ ਅਤਿਰੇਕਸਹਸ੍ਸ’’ਨ੍ਤਿ। ਨਿਬ੍ਬਾਨੇ ਕੁਤੋਚਿ ਭਯਂ ਨਤ੍ਥੀਤਿ ਕੁਤੋਚਿਪਿ ਕਾਰਣਤੋ ਨਿਬ੍ਬਾਨੇ ਭਯਂ ਨਤ੍ਥਿ ਅਸਙ੍ਖਤਭਾવੇਨ ਸਬ੍ਬਸੋ ਖੇਮਤ੍ਤਾ। ਤੇਨਾਹ ਭਗવਾ – ‘‘ਖੇਮਞ੍ਚ વੋ, ਭਿਕ੍ਖવੇ, ਧਮ੍ਮਂ ਦੇਸੇਸ੍ਸਾਮਿ ਖੇਮਗਾਮਿਨਿਞ੍ਚ ਪਟਿਪਦ’’ਨ੍ਤਿਆਦਿ (ਸਂ॰ ਨਿ॰ ੪.੩੭੯-੪੦੮)। ਨ ਕੁਤੋਚਿ ਭਯਂ ਏਤਸ੍ਮਿਂ ਅਧਿਗਤੇਤਿ ਅਕੁਤੋਭਯਂ, ਨਿਬ੍ਬਾਨਂ। ਤੇਨਾਹ ‘‘ਨਿਬ੍ਬਾਨਪ੍ਪਤ੍ਤਸ੍ਸਾ’’ਤਿਆਦਿ। વਿਪਸ੍ਸਿਤੋ ਪਟ੍ਠਾਯਾਤਿ ਅਮ੍ਹਾਕਂ ਭਗવਤੋ ਨਾਮવਸੇਨ ਇਸੀਨਂ ਸਤ੍ਤਮਭਾવਦਸ੍ਸਨਤ੍ਥਂ વੁਤ੍ਤਂ। ਤੇ ਹਿ ਤਤ੍ਥ ਤਤ੍ਥ ਸੁਤ੍ਤੇ ਬਹੁਸੋ ਕਿਤ੍ਤਿਤਾ। ਇਸੀਨਨ੍ਤਿ વਾ ਪਚ੍ਚੇਕਬੁਦ੍ਧਸਾવਕਬਾਹਿਰਕਇਸੀਨਂ ਸਤ੍ਤਮੋ ਉਤ੍ਤਰੋ ਸੇਟ੍ਠੋਤਿ ਅਤ੍ਥੋ।
216. Sahassato paraṃ aḍḍhateyyabhikkhusataṃ tadā bhagavantaṃ payirupāsatīti āha ‘‘parosahassanti atirekasahassa’’nti. Nibbāne kutoci bhayaṃ natthīti kutocipi kāraṇato nibbāne bhayaṃ natthi asaṅkhatabhāvena sabbaso khemattā. Tenāha bhagavā – ‘‘khemañca vo, bhikkhave, dhammaṃ desessāmi khemagāminiñca paṭipada’’ntiādi (saṃ. ni. 4.379-408). Na kutoci bhayaṃ etasmiṃ adhigateti akutobhayaṃ, nibbānaṃ. Tenāha ‘‘nibbānappattassā’’tiādi. Vipassito paṭṭhāyāti amhākaṃ bhagavato nāmavasena isīnaṃ sattamabhāvadassanatthaṃ vuttaṃ. Te hi tattha tattha sutte bahuso kittitā. Isīnanti vā paccekabuddhasāvakabāhirakaisīnaṃ sattamo uttaro seṭṭhoti attho.
ਅਟ੍ਠੁਪ੍ਪਤ੍ਤਿવਸੇਨਾਤਿ ਕਾਰਣਸਮੁਟ੍ਠਾਨવਸੇਨ। ਤਦਸ੍ਸ ਅਟ੍ਠੁਪ੍ਪਤ੍ਤਿਂ વਿਭਾવੇਤੁਂ ‘‘ਸਙ੍ਘਮਜ੍ਝੇ’’ਤਿਆਦਿ વੁਤ੍ਤਂ। ਪਟਿਭਾਨਸਮ੍ਪਨ੍ਨવਾਚਾਯ ਅਞ੍ਞੇ ਈਸਤਿ ਅਭਿਭવਤੀਤਿ વਙ੍ਗੀਸੋ। ਤੇਨਾਹ ‘‘ਪਟਿਭਾਨਸਮ੍ਪਤ੍ਤਿ’’ਨ੍ਤਿਆਦਿ।
Aṭṭhuppattivasenāti kāraṇasamuṭṭhānavasena. Tadassa aṭṭhuppattiṃ vibhāvetuṃ ‘‘saṅghamajjhe’’tiādi vuttaṃ. Paṭibhānasampannavācāya aññe īsati abhibhavatīti vaṅgīso. Tenāha ‘‘paṭibhānasampatti’’ntiādi.
ਕਿਲੇਸੁਮ੍ਮੁਜ੍ਜਨਸਤਾਨੀਤਿ ਰਾਗਾਦਿਕਿਲੇਸਾਨਂ ਰਜ੍ਜਨਦੁਸ੍ਸਨਾਦਿਨਯੇਹਿ ਸવਿਸਯੇ ਅਯੋਨਿਸੋ ਉਟ੍ਠਾਨਾਨਿ। ਯਦਿ ਅਨੇਕਾਨਿ ਸਤਾਨਿ, ਅਥ ਕਸ੍ਮਾ ‘‘ਉਮ੍ਮਗ੍ਗਪਥ’’ਨ੍ਤਿ? વੁਤ੍ਤਨ੍ਤਿ ਆਹ ‘‘વਟ੍ਟਪਥਤ੍ਤਾ ਪਨ ਪਥ’’ਨ੍ਤਿ। ਰਾਗਦੋਸਮੋਹਮਾਨਦਿਟ੍ਠਿવਸੇਨ ਰਾਗਖਿਲਾਦੀਨਿ ਪਞ੍ਚਖਿਲਾਨਿ। વਿਭਜਨ੍ਤਨ੍ਤਿ વਿਭਜਨવਸੇਨ ਕਥੇਨ੍ਤਂ। વਿਭਜਿਤ੍વਾਤਿ ਞਾਣੇਨ વਿવੇਚੇਤ੍વਾ।
Kilesummujjanasatānīti rāgādikilesānaṃ rajjanadussanādinayehi savisaye ayoniso uṭṭhānāni. Yadi anekāni satāni, atha kasmā ‘‘ummaggapatha’’nti? Vuttanti āha ‘‘vaṭṭapathattā pana patha’’nti. Rāgadosamohamānadiṭṭhivasena rāgakhilādīni pañcakhilāni. Vibhajantanti vibhajanavasena kathentaṃ. Vibhajitvāti ñāṇena vivecetvā.
ਅਮਤੇ ਅਕ੍ਖਾਤੇਤਿ ਅਮਤਾવਹੇ ਧਮ੍ਮੇ ਦੇਸਿਤੇ। ਧਮ੍ਮਸ੍ਸ ਪਸ੍ਸਿਤਾਰੋ ਸਚ੍ਚਸਮ੍ਪਟਿવੇਧੇਨ। ਅਸਂਹੀਰਾ ਦਿਟ੍ਠਿવਾਤੇਹਿ।
Amateakkhāteti amatāvahe dhamme desite. Dhammassa passitāro saccasampaṭivedhena. Asaṃhīrā diṭṭhivātehi.
ਅਤਿવਿਜ੍ਝਿਤ੍વਾਤਿ ਪਟਿવਿਜ੍ਝਿਤ੍વਾ। ਅਤਿਕ੍ਕਮਭੂਤਨ੍ਤਿ ਅਤਿਕ੍ਕਮਨਟ੍ਠੇਨ ਭੂਤਂ। ਦਸਦ੍ਧਾਨਨ੍ਤਿ ਦਸਨ੍ਨਂ ਉਪਡ੍ਢਾਨਂ। ਤੇਨਾਹ ‘‘ਪਞ੍ਚਨ੍ਨ’’ਨ੍ਤਿ। ਜਾਨਨ੍ਤੇਨਾਤਿ ਧਮ੍ਮਸ੍ਸ ਸੁਦੁਲ੍ਲਭਤਂ ਜਾਨਨ੍ਤੇਨ।
Ativijjhitvāti paṭivijjhitvā. Atikkamabhūtanti atikkamanaṭṭhena bhūtaṃ. Dasaddhānanti dasannaṃ upaḍḍhānaṃ. Tenāha ‘‘pañcanna’’nti. Jānantenāti dhammassa sudullabhataṃ jānantena.
ਪਰੋਸਹਸ੍ਸਸੁਤ੍ਤવਣ੍ਣਨਾ ਨਿਟ੍ਠਿਤਾ।
Parosahassasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੮. ਪਰੋਸਹਸ੍ਸਸੁਤ੍ਤਂ • 8. Parosahassasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੮. ਪਰੋਸਹਸ੍ਸਸੁਤ੍ਤવਣ੍ਣਨਾ • 8. Parosahassasuttavaṇṇanā
