| Library / Tipiṭaka / তিপিটক • Tipiṭaka / চূল়নিদ্দেস-অট্ঠকথা • Cūḷaniddesa-aṭṭhakathā |
৭. নন্দমাণৰসুত্তনিদ্দেসৰণ্ণনা
7. Nandamāṇavasuttaniddesavaṇṇanā
৪৬. সত্তমে নন্দসুত্তে – পঠমগাথাযত্থো – লোকে খত্তিযাদযোজনা আজীৰকনিগণ্ঠাদিকে সন্ধায ‘‘সন্তি লোকে মুনযো’’তি ৰদন্তি। তযিদং কথংসূতি কিং নু খো তে সমাপত্তিঞাণাদিনা ঞাণেন উপপন্নত্তা ঞাণূপপন্নং মুনি নো ৰদন্তি, এৰংৰিধং নু ৰদন্তি, উদাহু ৰে নানপ্পকারকেন লূখজীৰিতসঙ্খাতেন জীৰিতেনূপপন্নন্তি।
46. Sattame nandasutte – paṭhamagāthāyattho – loke khattiyādayojanā ājīvakanigaṇṭhādike sandhāya ‘‘santi loke munayo’’ti vadanti. Tayidaṃ kathaṃsūti kiṃ nu kho te samāpattiñāṇādinā ñāṇena upapannattā ñāṇūpapannaṃ muni no vadanti, evaṃvidhaṃ nu vadanti, udāhu ve nānappakārakena lūkhajīvitasaṅkhātena jīvitenūpapannanti.
নিদ্দেসে অট্ঠসমাপত্তিঞাণেন ৰাতি পঠমজ্ঝানাদিঅট্ঠসমাপত্তিসম্পযুত্তঞাণেন ৰা। পঞ্চাভিঞ্ঞাঞাণেন ৰাতি পুব্বেনিৰাসাদিজাননঞাণেন ৰা।
Niddese aṭṭhasamāpattiñāṇena vāti paṭhamajjhānādiaṭṭhasamāpattisampayuttañāṇena vā. Pañcābhiññāñāṇena vāti pubbenivāsādijānanañāṇena vā.
৪৭. অথস্স ভগৰা তদুভযম্পি পটিক্খিপিত্ৰা মুনিং দস্সেন্তো ‘‘ন দিট্ঠিযা’’তি গাথমাহ।
47. Athassa bhagavā tadubhayampi paṭikkhipitvā muniṃ dassento ‘‘na diṭṭhiyā’’ti gāthamāha.
৪৮. ইদানি ‘‘দিট্ঠাদীহি সুদ্ধী’’তি ৰদন্তানং ৰাদে কঙ্খাপহানত্থং ‘‘যে কেচিমে’’তি পুচ্ছতি। তত্থ অনেকরূপেনাতি কোতূহলমঙ্গলাদিনাপি। তত্থ যতা চরন্তাতি তত্থ সক্কাযদিট্ঠিযা গুত্তা ৰিহরন্তা।
48. Idāni ‘‘diṭṭhādīhi suddhī’’ti vadantānaṃ vāde kaṅkhāpahānatthaṃ ‘‘ye kecime’’ti pucchati. Tattha anekarūpenāti kotūhalamaṅgalādināpi. Tattha yatā carantāti tattha sakkāyadiṭṭhiyā guttā viharantā.
৪৯. অথস্স তথা সুদ্ধিঅভাৰং দীপেন্তো ভগৰা চতুত্থং গাথমাহ।
49. Athassa tathā suddhiabhāvaṃ dīpento bhagavā catutthaṃ gāthamāha.
৫০. এৰং ‘‘নাতরিংসূ’’তি সুত্ৰা ইদানি যো অতরি, তং সোতুকামো ‘‘যে কেচিমে’’তি পুচ্ছতি। অথস্স ভগৰা ওঘতিণ্ণমুখেন জাতিজরাতিণ্ণে দস্সেন্তো ছট্ঠং গাথমাহ।
50. Evaṃ ‘‘nātariṃsū’’ti sutvā idāni yo atari, taṃ sotukāmo ‘‘ye kecime’’ti pucchati. Athassa bhagavā oghatiṇṇamukhena jātijarātiṇṇe dassento chaṭṭhaṃ gāthamāha.
৫১. তত্থ নিৰুতাতি ওৰুটা পরিযোনদ্ধা। যে সীধাতি যে সু ইধ, এত্থ চ সু-ইতি নিপাতমত্তং। তণ্হং পরিঞ্ঞাযাতি তীহি পরিঞ্ঞাহি তণ্হং পরিজানিত্ৰা। সেসং সব্বত্থ পুব্বে ৰুত্তনযত্তা পাকটমেৰ।
51. Tattha nivutāti ovuṭā pariyonaddhā. Ye sīdhāti ye su idha, ettha ca su-iti nipātamattaṃ. Taṇhaṃ pariññāyāti tīhi pariññāhi taṇhaṃ parijānitvā. Sesaṃ sabbattha pubbe vuttanayattā pākaṭameva.
৫২. এৰং ভগৰা অরহত্তনিকূটেনেৰ দেসনং নিট্ঠাপেসি, দেসনাপরিযোসানে পন নন্দো ভগৰতো ভাসিতং অভিনন্দমানো এতাভিনন্দামীতি গাথমাহ। ইধাপি চ পুব্বে ৰুত্তসদিসো এৰ ধম্মাভিসমযো অহোসীতি।
52. Evaṃ bhagavā arahattanikūṭeneva desanaṃ niṭṭhāpesi, desanāpariyosāne pana nando bhagavato bhāsitaṃ abhinandamāno etābhinandāmīti gāthamāha. Idhāpi ca pubbe vuttasadiso eva dhammābhisamayo ahosīti.
সদ্ধম্মপ্পজ্জোতিকায চূল়নিদ্দেস-অট্ঠকথায
Saddhammappajjotikāya cūḷaniddesa-aṭṭhakathāya
নন্দমাণৰসুত্তনিদ্দেসৰণ্ণনা নিট্ঠিতা।
Nandamāṇavasuttaniddesavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / খুদ্দকনিকায • Khuddakanikāya / চূল়নিদ্দেসপাল়ি • Cūḷaniddesapāḷi
৭. নন্দমাণৰপুচ্ছা • 7. Nandamāṇavapucchā
৭. নন্দমাণৰপুচ্ছানিদ্দেসো • 7. Nandamāṇavapucchāniddeso
