| Library / Tipiṭaka / តិបិដក • Tipiṭaka / មហាវគ្គ-អដ្ឋកថា • Mahāvagga-aṭṭhakathā |
កុសចីរាទិបដិក្ខេបកថា
Kusacīrādipaṭikkhepakathā
៣៧១. កុសចីរាទីសុ អក្កនាឡន្តិ អក្កនាឡមយំ។ បោត្ថកោតិ មកចិមយោ វុច្ចតិ។ សេសានិ បឋមបារាជិកវណ្ណនាយំ វុត្តានិ។ តេសុ បោត្ថកេ ឯវ ទុក្កដំ។ សេសេសុ ថុល្លច្ចយានីតិ។ អក្កទុស្សកទលិទុស្សឯរកទុស្សានិ បន បោត្ថកគតិកានេវ។
371. Kusacīrādīsu akkanāḷanti akkanāḷamayaṃ. Potthakoti makacimayo vuccati. Sesāni paṭhamapārājikavaṇṇanāyaṃ vuttāni. Tesu potthake eva dukkaṭaṃ. Sesesu thullaccayānīti. Akkadussakadalidussaerakadussāni pana potthakagatikāneva.
៣៧២. សព្ពនីលកាទីនិ រជនំ ធោវិត្វា បុន រជិត្វា ធារេតព្ពានិ។ ន សក្កា ចេ ហោន្តិ ធោវិតុំ, បច្ចត្ថរណានិ វា កាតព្ពានិ។ ទុបដ្ដចីវរស្ស វា មជ្ឈេ ទាតព្ពានិ។ តេសំ វណ្ណនានត្តំ ឧបាហនាសុ វុត្តនយមេវ។ អច្ឆិន្នទសទីឃទសានិ ទសា ឆិន្ទិត្វា ធារេតព្ពានិ។ កញ្ចុកំ លភិត្វា ផាលេត្វា រជិត្វា បរិភុញ្ជិតុំ វដ្ដតិ។ វេឋនេបិ ឯសេវ នយោ។ តិរីដកំ បន រុក្ខឆល្លិមយំ; តំ បាទបុញ្ឆនំ កាតុំ វដ្ដតិ។
372. Sabbanīlakādīni rajanaṃ dhovitvā puna rajitvā dhāretabbāni. Na sakkā ce honti dhovituṃ, paccattharaṇāni vā kātabbāni. Dupaṭṭacīvarassa vā majjhe dātabbāni. Tesaṃ vaṇṇanānattaṃ upāhanāsu vuttanayameva. Acchinnadasadīghadasāni dasā chinditvā dhāretabbāni. Kañcukaṃ labhitvā phāletvā rajitvā paribhuñjituṃ vaṭṭati. Veṭhanepi eseva nayo. Tirīṭakaṃ pana rukkhachallimayaṃ; taṃ pādapuñchanaṃ kātuṃ vaṭṭati.
៣៧៤. បតិរូបេ គាហកេតិ សចេ កោចិ ភិក្ខុ ‘‘អហំ តស្ស គណ្ហាមី’’តិ គណ្ហាតិ, ទាតព្ពន្តិ អត្ថោ។ ឯវមេតេសុ តេវីសតិយា បុគ្គលេសុ សោឡស ជនា ន លភន្តិ, សត្ត ជនា លភន្តីតិ។
374.Patirūpe gāhaketi sace koci bhikkhu ‘‘ahaṃ tassa gaṇhāmī’’ti gaṇhāti, dātabbanti attho. Evametesu tevīsatiyā puggalesu soḷasa janā na labhanti, satta janā labhantīti.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវគ្គបាឡិ • Mahāvaggapāḷi
២២៧. កុសចីរាទិបដិក្ខេបកថា • 227. Kusacīrādipaṭikkhepakathā
២២៨. សព្ពនីលកាទិបដិក្ខេបកថា • 228. Sabbanīlakādipaṭikkhepakathā
២២៩. វស្សំវុដ្ឋានំ អនុប្បន្នចីវរកថា • 229. Vassaṃvuṭṭhānaṃ anuppannacīvarakathā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / មតសន្តកកថាទិវណ្ណនា • Matasantakakathādivaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ២២៧. កុសចីរាទិបដិក្ខេបកថា • 227. Kusacīrādipaṭikkhepakathā
