| Library / Tipiṭaka / តិបិដក • Tipiṭaka / មហាវគ្គ-អដ្ឋកថា • Mahāvagga-aṭṭhakathā |
សង្ឃេភិន្នេចីវរុប្បាទកថា
Saṅghebhinnecīvaruppādakathā
៣៧៦. សង្ឃោ ភិជ្ជតីតិ ភិជ្ជិត្វា កោសម្ពកភិក្ខូ វិយ ទ្វេ កោដ្ឋាសា ហោន្តិ។ ឯកស្មិំ បក្ខេតិ ឯកស្មិំ កោដ្ឋាសេ ទក្ខិណោទកញ្ច គន្ធាទីនិ ច ទេន្តិ, ឯកស្មិំ ចីវរានិ។ សង្ឃស្សេវេតន្តិ សកលស្ស សង្ឃស្ស ទ្វិន្នម្បិ កោដ្ឋាសានំ ឯតំ ហោតិ, ឃណ្ដិំ បហរិត្វា ទ្វីហិបិ បក្ខេហិ ឯកតោ ភាជេតព្ពំ។ បក្ខស្សេវេតន្តិ ឯវំ ទិន្នេ យស្ស កោដ្ឋាសស្ស ឧទកំ ទិន្នំ, តស្ស ឧទកមេវ ហោតិ; យស្ស ចីវរំ ទិន្នំ, តស្សេវ ចីវរំ។ យត្ថ បន ទក្ខិណោទកំ បមាណំ ហោតិ, តត្ថ ឯកោ បក្ខោ ទក្ខិណោទកស្ស លទ្ធត្តា ចីវរានិ លភតិ, ឯកោ ចីវរានមេវ លទ្ធត្តាតិ ឧភោហិបិ ឯកតោ ហុត្វា យថាវុឌ្ឍំ ភាជេតព្ពំ។ ឥទំ កិរ បរសមុទ្ទេ លក្ខណន្តិ មហាអដ្ឋកថាយំ វុត្តំ។ តស្មិំយេវ បក្ខេតិ ឯត្ថ បន ឥតរោ បក្ខោ អនិស្សរោយេវ។ ចីវរបេសនវត្ថូនិ បាកដានេវ។
376.Saṅgho bhijjatīti bhijjitvā kosambakabhikkhū viya dve koṭṭhāsā honti. Ekasmiṃ pakkheti ekasmiṃ koṭṭhāse dakkhiṇodakañca gandhādīni ca denti, ekasmiṃ cīvarāni. Saṅghassevetanti sakalassa saṅghassa dvinnampi koṭṭhāsānaṃ etaṃ hoti, ghaṇṭiṃ paharitvā dvīhipi pakkhehi ekato bhājetabbaṃ. Pakkhassevetanti evaṃ dinne yassa koṭṭhāsassa udakaṃ dinnaṃ, tassa udakameva hoti; yassa cīvaraṃ dinnaṃ, tasseva cīvaraṃ. Yattha pana dakkhiṇodakaṃ pamāṇaṃ hoti, tattha eko pakkho dakkhiṇodakassa laddhattā cīvarāni labhati, eko cīvarānameva laddhattāti ubhohipi ekato hutvā yathāvuḍḍhaṃ bhājetabbaṃ. Idaṃ kira parasamudde lakkhaṇanti mahāaṭṭhakathāyaṃ vuttaṃ. Tasmiṃyeva pakkheti ettha pana itaro pakkho anissaroyeva. Cīvarapesanavatthūni pākaṭāneva.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវគ្គបាឡិ • Mahāvaggapāḷi / ២៣០. សង្ឃេ ភិន្នេ ចីវរុប្បាទកថា • 230. Saṅghe bhinne cīvaruppādakathā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / សង្ឃេ ភិន្នេ ចីវរុប្បាទកថាវណ្ណនា • Saṅghe bhinne cīvaruppādakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / សង្ឃេភិន្នេចីវរុប្បាទកថាវណ្ណនា • Saṅghebhinnecīvaruppādakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / មតសន្តកកថាទិវណ្ណនា • Matasantakakathādivaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ២៣០. សង្ឃេ ភិន្នេ ចីវរុប្បាទកថា • 230. Saṅghe bhinne cīvaruppādakathā
