| Library / Tipiṭaka / តិបិដក • Tipiṭaka / បាចិត្យាទិយោជនាបាឡិ • Pācityādiyojanāpāḷi |
១៦៣. គុឡាទិអនុជាននកថា
163. Guḷādianujānanakathā
២៧២. ហីតិ សច្ចំ។ បក្កត្តាតិ មុគ្គានំ បក្កភាវតោ។ តេតិ មុគ្គា។
272.Hīti saccaṃ. Pakkattāti muggānaṃ pakkabhāvato. Teti muggā.
២៧៤. អកប្បិយកុដិយន្តិ អកប្បិយកុដិយា អន្តោ។ អស្សាតិ ភិក្ខុនោ ន វដ្ដតីតិ សម្ពន្ធោ។ តម្បីតិ ឧណ្ហយាគុម្បិ។ បិសទ្ទេន បគេវ អាមិសំ បចិតុន្តិ ទស្សេតិ។ ឧត្តណ្ឌុលភត្តន្តិ បក្កតណ្ឌុលតោ វិយោគោតិ ឧត្តណ្ឌុលោ, ឧការោ ហិ វិយោគត្ថវាចកោ, អបក្កតណ្ឌុលោតិ អត្ថោ។ ឧត្តណ្ឌុលមយំ ភត្តន្តិ ឧត្តណ្ឌុលភត្តំ។ សកិំ កុថិតេសុ ខីរតក្កាទីសុ អគ្គិំ ទាតុំ វដ្ដតីតិ យោជនា។ ពិឡាលាទីនំ សត្តានំ សមូហោ រូឡ្ហីវសេន ឧក្កបិណ្ឌកោតិ វុច្ចតីតិ អាហ ‘‘ពិឡាលមូសិកគោធាមង្គុសា’’តិ។ វិឃាសាទភាវេន និហតមានត្តា កាយវាចំ ទមេតីតិ ទមកោ វិឃាសាទោតិ អាហ ‘‘វិឃាសាទា’’តិ។
274.Akappiyakuṭiyanti akappiyakuṭiyā anto. Assāti bhikkhuno na vaṭṭatīti sambandho. Tampīti uṇhayāgumpi. Pisaddena pageva āmisaṃ pacitunti dasseti. Uttaṇḍulabhattanti pakkataṇḍulato viyogoti uttaṇḍulo, ukāro hi viyogatthavācako, apakkataṇḍuloti attho. Uttaṇḍulamayaṃ bhattanti uttaṇḍulabhattaṃ. Sakiṃ kuthitesu khīratakkādīsu aggiṃ dātuṃ vaṭṭatīti yojanā. Biḷālādīnaṃ sattānaṃ samūho rūḷhīvasena ukkapiṇḍakoti vuccatīti āha ‘‘biḷālamūsikagodhāmaṅgusā’’ti. Vighāsādabhāvena nihatamānattā kāyavācaṃ dametīti damako vighāsādoti āha ‘‘vighāsādā’’ti.
២៧៦. តតោ នីហដន្តិ ឯត្ថ តសទ្ទស្ស វិសយំ ទស្សេន្តោ អាហ ‘‘យត្ថា’’តិអាទិ។ យត្ថាតិ យស្មិំ ឋានេ។ នីហដន្តិ នីហរិត្វា ហរិតំ។
276.Tato nīhaṭanti ettha tasaddassa visayaṃ dassento āha ‘‘yatthā’’tiādi. Yatthāti yasmiṃ ṭhāne. Nīhaṭanti nīharitvā haritaṃ.
២៧៨. វនដ្ឋំ បោក្ខរដ្ឋន្តិ ឯត្ថ វនេ តិដ្ឋតីតិ វនដ្ឋោ, បោក្ខរេ តិដ្ឋតីតិ បោក្ខរដ្ឋោតិ វចនត្ថំ ទស្សេន្តោ អាហ ‘‘វនេ ចេវា’’តិអាទិ។ ‘‘បទុមិនិគច្ឆេ’’តិ ឥមិនា បោក្ខរសទ្ទោ បទុមវាចកោតិ ទស្សេតិ។ យស្ស ពីជំ អង្កុរំ ន ជនេតិ, តំ ផលំ អពីជំ នាមាតិ យោជនា។
278.Vanaṭṭhaṃ pokkharaṭṭhanti ettha vane tiṭṭhatīti vanaṭṭho, pokkhare tiṭṭhatīti pokkharaṭṭhoti vacanatthaṃ dassento āha ‘‘vane cevā’’tiādi. ‘‘Paduminigacche’’ti iminā pokkharasaddo padumavācakoti dasseti. Yassa bījaṃ aṅkuraṃ na janeti, taṃ phalaṃ abījaṃ nāmāti yojanā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវគ្គបាឡិ • Mahāvaggapāḷi
១៦៣. គុឡាទិអនុជាននា • 163. Guḷādianujānanā
១៦៤. អន្តោវុដ្ឋាទិបដិក្ខេបកថា • 164. Antovuṭṭhādipaṭikkhepakathā
១៦៥. ឧគ្គហិតបដិគ្គហណា • 165. Uggahitapaṭiggahaṇā
១៦៦. បដិគ្គហិតាទិអនុជាននា • 166. Paṭiggahitādianujānanā
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវគ្គ-អដ្ឋកថា • Mahāvagga-aṭṭhakathā / គុឡាទិអនុជាននកថា • Guḷādianujānanakathā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / គុឡាទិអនុជាននកថាវណ្ណនា • Guḷādianujānanakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / គុឡាទិអនុជាននកថាវណ្ណនា • Guḷādianujānanakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / គុឡាទិអនុជាននកថាវណ្ណនា • Guḷādianujānanakathāvaṇṇanā
