| Library / Tipiṭaka / តិបិដក • Tipiṭaka / វិមតិវិនោទនី-ដីកា • Vimativinodanī-ṭīkā |
គិហិវិកតានុញ្ញាតាទិកថាវណ្ណនា
Gihivikatānuññātādikathāvaṇṇanā
២៥៦. អភិនិស្សាយាតិ អបស្សាយ។ វិសុកាយិកវិប្ផន្ទិតានន្តិ បដិបក្ខភូតានំ ទិដ្ឋិចិត្តវិប្ផន្ទិតានន្តិ អត្ថោ។
256.Abhinissāyāti apassāya. Visukāyikavipphanditānanti paṭipakkhabhūtānaṃ diṭṭhicittavipphanditānanti attho.
២៥៧. យតិន្ទ្រិយន្តិ មនិន្ទ្រិយវសេន សញ្ញតិន្ទ្រិយំ។
257.Yatindriyanti manindriyavasena saññatindriyaṃ.
២៥៨. បាឡិយំ អដ្ឋកវគ្គិកានីតិ សុត្តនិបាតេ (សុ. និ. ៧៧២ អាទយោ) អដ្ឋកវគ្គភូតានិ សោឡស សុត្តានិ។ ឯវំ ចិរំ អកាសីតិ ឯវំ ចិរកាលំ បព្ពជ្ជំ អនុបគន្ត្វា អគារមជ្ឈេ កេន ការណេន វាសមកាសីតិ អត្ថោ។ សោ កិរ មជ្ឈិមវយេ បព្ពជិតោ, តេន ភគវា ឯវមាហ។ ឯតមត្ថំ វិទិត្វាតិ កាមេសុ ទិដ្ឋាទីនវា ចិរាយិត្វាបិ ឃរាវាសេន បក្ខន្ទន្តីតិ ឯតមត្ថំ សព្ពាការតោ វិទិត្វា។
258. Pāḷiyaṃ aṭṭhakavaggikānīti suttanipāte (su. ni. 772 ādayo) aṭṭhakavaggabhūtāni soḷasa suttāni. Evaṃ ciraṃ akāsīti evaṃ cirakālaṃ pabbajjaṃ anupagantvā agāramajjhe kena kāraṇena vāsamakāsīti attho. So kira majjhimavaye pabbajito, tena bhagavā evamāha. Etamatthaṃ viditvāti kāmesu diṭṭhādīnavā cirāyitvāpi gharāvāsena pakkhandantīti etamatthaṃ sabbākārato viditvā.
អាទីនវំ លោកេតិ សង្ខារលោកេ អនិច្ចតាទិអាទីនវំ។ និរុបធិន្តិ និព្ពានំ។ ‘‘អរិយោ ន រមតី បាបេ’’តិ ឥមស្ស ហេតុមាហ ‘‘បាបេ ន រមតី សុចី’’តិ។ តត្ថ សុចីតិ វិសុទ្ធបុគ្គលោ។
Ādīnavaṃ loketi saṅkhāraloke aniccatādiādīnavaṃ. Nirupadhinti nibbānaṃ. ‘‘Ariyo na ramatī pāpe’’ti imassa hetumāha ‘‘pāpe na ramatī sucī’’ti. Tattha sucīti visuddhapuggalo.
២៥៩. កាឡសីហោតិ កាឡមុខវានរជាតិ។ ចម្មំ ន វដ្ដតីតិ និសីទនត្ថរណំ កាតុំ ន វដ្ដតិ, ភូមត្ថរណាទិវសេន សេនាសនបរិភោគោ វដ្ដតេវ។
259.Kāḷasīhoti kāḷamukhavānarajāti. Cammaṃ na vaṭṭatīti nisīdanattharaṇaṃ kātuṃ na vaṭṭati, bhūmattharaṇādivasena senāsanaparibhogo vaṭṭateva.
គិហិវិកតានុញ្ញាតាទិកថាវណ្ណនា និដ្ឋិតា។
Gihivikatānuññātādikathāvaṇṇanā niṭṭhitā.
ចម្មក្ខន្ធកវណ្ណនានយោ និដ្ឋិតោ។
Cammakkhandhakavaṇṇanānayo niṭṭhito.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវគ្គបាឡិ • Mahāvaggapāḷi
១៥៦. គិហិវិកតានុញ្ញាតាទិ • 156. Gihivikatānuññātādi
១៥៧. សោណកុដិកណ្ណវត្ថុ • 157. Soṇakuṭikaṇṇavatthu
១៥៨. មហាកច្ចានស្ស បញ្ចវរបរិទស្សនា • 158. Mahākaccānassa pañcavaraparidassanā
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវគ្គ-អដ្ឋកថា • Mahāvagga-aṭṭhakathā / សព្ពចម្មបដិក្ខេបាទិកថា • Sabbacammapaṭikkhepādikathā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā
គិហិវិកតានុញ្ញាតាទិកថាវណ្ណនា • Gihivikatānuññātādikathāvaṇṇanā
សោណកុដិកណ្ណវត្ថុកថាវណ្ណនា • Soṇakuṭikaṇṇavatthukathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / សព្ពចម្មបដិក្ខេបាទិកថាវណ្ណនា • Sabbacammapaṭikkhepādikathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi
១៥៥. សព្ពចម្មបដិក្ខេបាទិកថា • 155. Sabbacammapaṭikkhepādikathā
១៥៧. សោណកុដិកណ្ណវត្ថុកថា • 157. Soṇakuṭikaṇṇavatthukathā
