| Library / Tipiṭaka / តិបិដក • Tipiṭaka / មហាវិភង្គ-អដ្ឋកថា • Mahāvibhaṅga-aṭṭhakathā |
៣. ទ្វេភាគសិក្ខាបទវណ្ណនា
3. Dvebhāgasikkhāpadavaṇṇanā
៥៥២. តេន សមយេនាតិ ទ្វេភាគសិក្ខាបទំ។ តត្ថ អន្តេ អាទិយិត្វាតិ សន្ថតស្ស អន្តេ អនុវាតំ វិយ ទស្សេត្វា ឱទាតំ អល្លិយាបេត្វា។
552.Tena samayenāti dvebhāgasikkhāpadaṃ. Tattha ante ādiyitvāti santhatassa ante anuvātaṃ viya dassetvā odātaṃ alliyāpetvā.
ទ្វេ ភាគាតិ ទ្វេ កោដ្ឋាសា។ អាទាតព្ពាតិ គហេតព្ពា។ គោចរិយានន្តិ កបិលវណ្ណានំ។ ទ្វេ តុលា អាទាតព្ពាតិ ចតូហិ តុលាហិ ការេតុកាមំ សន្ធាយ វុត្តំ។ អត្ថតោ បន យត្តកេហិ ឯឡកលោមេហិ កាតុកាមោ ហោតិ, តេសុ ទ្វេ កោដ្ឋាសា កាឡកានំ ឯកោ ឱទាតានំ, ឯកោ គោចរិយានន្តិ ឥទមេវ ទស្សិតំ ហោតីតិ វេទិតព្ពំ។ សេសំ ឧត្តានត្ថមេវ។
Dve bhāgāti dve koṭṭhāsā. Ādātabbāti gahetabbā. Gocariyānanti kapilavaṇṇānaṃ. Dve tulā ādātabbāti catūhi tulāhi kāretukāmaṃ sandhāya vuttaṃ. Atthato pana yattakehi eḷakalomehi kātukāmo hoti, tesu dve koṭṭhāsā kāḷakānaṃ eko odātānaṃ, eko gocariyānanti idameva dassitaṃ hotīti veditabbaṃ. Sesaṃ uttānatthameva.
សមុដ្ឋានាទីនិបិ កោសិយសិក្ខាបទសទិសានេវ។ កេវលំ ឥទំ អាទាយ អនាទាយ ច ករណតោ កិរិយាកិរិយំ វេទិតព្ពន្តិ។
Samuṭṭhānādīnipi kosiyasikkhāpadasadisāneva. Kevalaṃ idaṃ ādāya anādāya ca karaṇato kiriyākiriyaṃ veditabbanti.
ទ្វេភាគសិក្ខាបទវណ្ណនា និដ្ឋិតា។
Dvebhāgasikkhāpadavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga / ៣. ទ្វេភាគសិក្ខាបទំ • 3. Dvebhāgasikkhāpadaṃ
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ៣. ទ្វេភាគសិក្ខាបទវណ្ណនា • 3. Dvebhāgasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ៣. ទ្វេភាគសិក្ខាបទវណ្ណនា • 3. Dvebhāgasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ១. កោសិយសិក្ខាបទវណ្ណនា • 1. Kosiyasikkhāpadavaṇṇanā
