សំយុត្ត និកាយ ២៧។៩

១។ កិលេសវគ្គ

ធាតុសុត្ត

សាវត្ថិនិទានំ។

“យោ, ភិក្ខវេ, បថវីធាតុយា ឆន្ទរាគោ, ចិត្តស្សេសោ ឧបក្កិលេសោ។ យោ អាបោធាតុយា … យោ តេជោធាតុយា … យោ វាយោធាតុយា … យោ អាកាសធាតុយា … យោ វិញ្ញាណធាតុយា ឆន្ទរាគោ, ចិត្តស្សេសោ ឧបក្កិលេសោ។ យតោ ខោ, ភិក្ខវេ, ភិក្ខុនោ ឥមេសុ ឆសុ ឋានេសុ ចេតសោ ឧបក្កិលេសោ បហីនោ ហោតិ, នេក្ខម្មនិន្នញ្ចស្ស ចិត្តំ ហោតិ។ នេក្ខម្មបរិភាវិតំ ចិត្តំ កម្មនិយំ ខាយតិ, អភិញ្ញា សច្ឆិករណីយេសុ ធម្មេសូ”តិ។

នវមំ។